¹ Israyla na nga boŋ taalam nda haw, ga wayna funay hawo garay; zarri kulu a ga taari nda laala boobandi gumo; a na alkawali te nda Asiriya, a ga ji salbu ga konda Misira laabo ra mo. ² Rabbi go ga kakaw nda Yahuda, a ga Yakuba ciiti mo a taaley se, a g'a bana nda mo nda te goyey. ³ Za a go gunda ra no, Yakuba na nga cala di ce konda ga, kaŋ a beeri mo a gurjay nda Irko. ⁴ Ohõ ! A gurjey nda malayka, a te zaama mo a boŋ, waato a n'a ŋwarey, Betel no Yakuba diya, noddin mo no Irkoy salan iri se. ⁵ Rabbi Irkoy nga se no i ga ne Rabbi kundey Koyo, Raabi no ga ti a maayo. ⁶ Ni binde ma ye ga kaa ni Irkoyo do, ma bakaraw nda adiltaray dondon, ni ma ni batu a ga waati kulu. ⁷ Efraymu wa fatanciize no kaŋ gonda nga kambey ra neesiji yaamo yaŋ zambante no. ⁸ Efraymu ne : cimi ay te arzaka, ay du duure ay kalbe goyey kulu ra, i si zunubi kulu, wala mo taali gar ay do. ⁹ Ay mo; Ay no ga ti Rabbi ni Irkoyo, za ni go Misira, ay ga naŋ ni ma ye ga ka bafunay kuru fu ra, sanda batey zamana ra cine. ¹⁰ Ay salan annabey do, ay na bangandiyaŋey boobandi, ay no lisa boobo ci annabey do. ¹¹ Hala Galaad manti hay kulu, ngey mo manti hay kulu, i na yeeji sarga Gilgal ra, yaddin mo no i sargey feemey ga hima tondi guyan noddin i farey ra. ¹² Yakuba zuru ga koy Aram laabo ra, Israyla mo goy weyboro fo se, weybora maga no a na almane kuru yaŋ gaayi. ^{13 14} Annabi do no Irkoy na Israyla kaa Misira laabo ra, Annabi do mo no, a n'i hallasi. Efraymu na Rabbi toŋe ala manti moso, woddin sabbey se Rabbi ga kuro kaŋ a doru din gusam a boŋ. A ga haawi kaŋ ga ti a bã din yeti a se.