¹ Za kan israyla go zanka koyne no ay ga baaru, ay n'ay izo a ka ga fun Misira laabo ra. ² Amma i dira ga mooru borey kan yan go g'i ce, i na sargey yan te baal se, ga dugu ton torey se. ³ Ay no na Efraymu cabe late kan i ga dira nda, ay na a kambey di ga'a cendi, amma i mana di kan ay go gi no bani. ⁴ Ay g'i cendi nda boro taray haw gay hari, da bakasinay korfo yaŋ, ay ciya i se boro kan na takunkum ka i meyey ga ay kande ŋwari ga jisi i jine. ⁵ I si ye Misira laabu koyne, amma asiriyaca ga ciya i se bonkooni, zama i wanji ga ye ga kaa ay do. ⁶ Takuba ga dooru i kwaarey boŋ, ga hayey kulu kaŋ ga i go ga kaaba halaci, i saawara laaley sabey se. ⁷ Ay jama go ga ceeci ga mooru ay; i go ga g'i ce ga ne i ma ye ga ka koy beero do, amma i ra ba afo no si ga hangan. ⁸ Ifo no ay ga te nda nin, Efraymu ? Ay ma ni day Israyla kambe ra no ? Wala ma te ni se Adama wano dumi no ? Wala ay min ciya Tseboim cine ? Ay bina go ga zarga, ay bakarawey kulu mo bosu. ⁹ Ay say futay laala zumandi Efraymu boŋ, ay si ye g'a halaci koyne, zama ay no ga ti Irkoy ay manti adameyze, ay no ga ti hanana yaŋ koyo aran game ra. Ay si ka aran do day futa. ¹⁰ I ga Rabbi gana, nga mo ga kaati sanda muusu beeri cine, nda a kaati a izey ga kaa ga fun teeko do hare. ¹¹ Jaraw ga ka ga fun Misira hare sanda cureyze yaŋ, i ga afo yaŋ mo ga ka ga fun asiriya sanda kolŋey yaŋ. Ay g'i zumandi ngey fuwey ra. ¹² Efraymu ga taari ay se waati kulu, Israyla windo mo g'ay halli waati kulu.