1 Da kakaw tun borey game ra, i kaa ciiti do mo hala Ciitikoy ma sanno ciiti, kulu i ma cimikoyo hanandi ka taali-teero zeeri. 2 A ciya mo, da taali-teero din to barzuyan, Ciitikoy ma ne a ma kani ganda noodin. I m'a kar mo ciitikwa jine, mate kan i lasaabu a goy laalo to r'a 3 Barzu waytaaci no i yadda a m'a kar, amma a ma si bisa yaadin.A ma si te, d'a baa yaadin, i na boro kar da barzu boobo kan bisa mo, gaa no ni nya-izo ma ciya ni se dondayan hari. 4 yeeji kan go ga kara, ni ma si takunkum dan a gaa. 5 Da nya-izeyan goro care banda, i ra afo bu ize aru si, i ma si buukwa wando hiijandi yaw fo se. A kurnyo nya-izo no ga furo a do k'a hiiji, ka kurnye nya-izey wazibo te a se. 6 A ciya mo, i hay-jina kan waybora ga hay ga du tubu bora kan bu din maa ra, zama i ma s'a maa tuusu Israyla ra. 7 D'a si kaan albora se a ma nga nya-izo wande hiiji mo, kala nya-izo wando ma koy faada meyo gaa ka ne kwaara arkusey se 'Ay kurnye nya-izo go ga wangu nga ma maa tunandi nga nya-izo se Israyla ra. A si ba nga ma kurnye wazibo toonandi ay se.' 8 Gaa no a kwaara arkusey mo ga albora ce ka salan a se.Da mo albora kay yaadin Ka ne:«Ay si ba ay m'a hiiji, 9 Waato din gaa a nya-izo wando mo ga kaa a do arkusey jine. A g'a taamu ce fo feeri, a ma tufa albora mayduma gaa mo, ka ne se 'Yaadin no i ga te boro kan wangu ka nga nya-izo windo cina se!' 10 I ga bora din ma ce Israyla ra 'Bora kan i n'a taamu feeri windi.' 11 Da Alboro hinka go ga yanje da care, afo wande mo maan zama a ma nga kurnyo faaba bora kan g'a kar din kambe ra, d'a n'a nga kambe salle ka albora di a alborotaray gaa, 12 kal i ma waybora kamba pati. Ni ma si di a bakarawo. 13 Ni ma si bara nda tinay neesiyan ton waani-waani ni foola ra, ibeeri nda ikayna. 14 Ni ma si bara nda neesiyan muudu waani-waani, ibeeri nda ikayna. 15 Ni ma goy da tinay tondi cimikoy, kan ga saba mo. Ni ma goy da muudu cimikoy kan ga saba mo, zama ni aloomaro ma ku laabo kan Rabbi ni Irikoyo ga ni no din ra. 16 Zama boro kan ga te yaadin, danga i kulu kan ga goy da adilitaray jinay, ya fanta hariyan no Rabbi ni Irikoyo se. 17 Ni ma fongu han kan Amalek te ni se fonda ra kan aran go ga kaa ka fun Misira. 18 Ma fongu mate kan a na ni kubay fonda ra ka ni borey kan go banda-banda nda ni londibuuney mo kar, Waato kan ni yangala da farga.A mana humburu Irikoy mo. 19 Woodin sabbay se no a ga ciya, Rabbi ni Irikoyo ga ni no fulanzamey ni ibarey kulu gaa ni windanta , laabo kan Rabbi ni Irikoyo ga ni no tuguyan hari din ra, a ma goro ni wane. D'a na woodin te mo, woodin banda ni ma Amalek fonguyano tuusu hal a ma daray beena cire.Ni ma si dinya fa!