¹ Alboro kan maray nga alborotaray gaa haray, wala kan i manta, bora din si furo Rabbi marga ra. ² Zinayze si furo Rabbi marga ra. Hala zamana wayante, a dumi kulu si furo Rabbi marga ra. ³ Amonance wala Mowabance kulu si furo Rabbi marga ra.Baa a zamana wayanta ra, wala hal abada,i dumi kulu si furo Rabbi marga ra. ⁴ Zama i mana aran kubay da nwaari nda hanyan hari mo waato kan aran fatta ka fun Misira ra.Woodin banda mo i zinga nda Balaam peyor izo, petor bora, Mesopotamiya laabo ra, a ma ni laali se. ⁵ kulu nda yaadin, Rabbi ni Irikoyo Mana hanga jeeri Balaam se, amma a n'a laalo bare k'a ye ka te albarka ni se, zama Rabbi ni Irikoyo ga ba nin. ⁶ Ni binde, ma si borey din baani wala i albarka ceeri ni jirbey kulu ra hal abada. ⁷ Ni ma si Edonance fanta,zama ni nya-ize ni. Ni ma si Misira mo fanta, zama ni na yawtaray goray te a laabo ra. ⁸ Izey kan i ga hay , i zamana hinzanta ra i yadda i ma furo Rabbi marga ra. ⁹ Da ni fatta Ka koy wongu tata sinji ni ibarey se, kala ni ma haggoy Ka ni bon fay da hari laalo kulu. ¹⁰ Da Alboro fo ga ziibi zama hay fo to a gaa cin ra,kal a ma fun gata ra. A ma si goro gata ra. ¹¹ Amma da wiciri kambo to, a ga nyumay da hari. Da wayna koy Kan, gaa no a ma furo gata ra. ¹² ni ma sanlanga soola gata banda mo, nan kan ni ga koy kwaara banda . ¹³ Ni ma goro nda peelu ni wongu ni jinayey ra mo. Da ni ye ganda saajo ra mo, ni ma jin ka guusu fansi Ka ye Ka bare ka han kan fun ni ra din daabu. ¹⁴ Zama Rabbi ni Irikoyo go ni gata bindo ra ga bar-bare, zama nga ma ni fansa, a ma ni ibarey nooyandi ni jine. Woodin sabbay se no ni gata ma hanan.A ma si ziibi gar nangu kulu ni do mo, hal a ma ye Ka banda bare ni gaa mo. ¹⁵ Bannya kan zuru nga koyo se ka tuguyan do ceeri ni do, ni ma s'a yeti nga koyo se. ¹⁶ A ma goro ni banda aran game ra, nan kan a ga suuban ni kwaara fo ra, kan ga kaan a se gumo.Ni ma s'a kankam mo. ¹⁷ Israyla izey way kulu ma si ciya kaaruwa, Israyla ize aru kulu ma si ciya aru-ba mo. ¹⁸ Ni ma si kande kaaruwa sufuray wala hansi 11 kulu sufuray Rabbi ni Irikoyo windo ra ka sarti kulu bana nd'a. Zama ihinka din kulu ya fanta hari yan no Rabbi ni Irikoyo diyan gaa. ¹⁹ Ni ma si garaw da hari dan ni nya-izo gaa, da nooru nda hari,wala mo nwaari nda hari, wala hay kulu kan i ga dan garaw da nga haro. ²⁰ Mebaraw wo kay, i yadda ni ma garaw dan a gaa ka riiba tonton. Amma ni nya-ize se ni ma si garaw da riiba dan.Zama Rabbi ni Irikoyo ma ni albarkandi ni kambe goy kulu ra, laabo kan ni ga furo ka du a mayray din ra. ²¹ Da ni na sarti sambu Rabbi ni Irikoyo jine,ni ma s'a muray, kala ni m'a bana. Zama Rabbi ni Irikoyo g'a ha ni gaa, woodin mo ga ciya zunubi ni se. ²² Da ni mana sarti sambu, taali kulu kan taali kulu si ni gaa ²³ Amma sanno kan fun ni me ra, ni ma haggoy ka te mate kulu kan ni na sarto sambu nd'a Rabbi ni Irikoyo jine.Ni ma kanda haya nda bine yadda, wo kan sarti ni sambu da ni meyo . ²⁴ Da ni go ga bisa ni gorokasin reyzin Kali ra, i yadda ni se ni ma izey nwa ni ibaay bon kala ma kungu.Amma ni ma si hay kulu dan ni jinay kulu ra ka dira. ²⁵ Da ni furo ni gorokasin fari ra mo, i yadda ni ma jeeni ceeri da ni kambe, Amma Da ni ma si zaama dan ni gorokasin fari ntaasu kan go ga kay gaa.