¹ Da ni fatta ka konda wongu ni ibarey gaa,ni di bariyan da torkoyan da jama mo Kan bisa nin ,kulu ni ma si humbur'ey.zama Rabbi ni Irikoyo go ni banda , nga Kan kande nin ni ma fun Misira laabo ra. ² A ga ciya ,waati Kan Aran ga maan wongo do,alfaga ga kaa ka Salan jama se. ³ A ma ne i se:«ya Israyla ,wa maa! Hunkuna aran go ga maan wongu ka tangam d'aran ibarey.Aran biney ma si yangala ,wa si humburu ,wa si jijiri ,aran biney ma si pati mo i sabbay se. ⁴ Zama Rabbi aran Irikoyo,nga no g'aran dum a ga tangam mo d'aran ibarey aran se,k'aran faaba.» ⁵ Gaa no wongu nyaney ga fe jama ra.I ma ne:<< May no ka fu taji cina ,amma a mana goro a ra?A ma ye fu, zama a ma si te ma bu wongo ra, boro fo mo ma goro a ra. ⁶ wala may no ka reyzin Kali tilam amma a mana nwa a albarka gaa? A ma ye fu,zama a ma si te a ma bu wongo ra ,boro fo mo ma du a albarka ⁷ .wala may no ka hiiji, amma i mana kubay a se jina? a ma ye fu, Zama a ma si te a ma bu wongo ra,boro fo mo ma du a wondo" ⁸ wongu nyaney ma ye ka Salan jama se Ka ne ' May no ga humburu?May no Kan a bina sinda gaabi?A ma ye fu ,zama a nya- izey biney ma si yangala,danga a bina cine.' ⁹ A ga ciya mo, waati Kan wongu nyaney Salan jama se Ka ban, kulu i ma jine boro yan suuban Kan yan ga satey jin. ¹⁰ waati Kan ni ga maan kwaara fo gaa ka kand'a gaa wongu, kala ni m'a baani ha jina. ¹¹ A ga ciya mo, d'i tu ni se da baani ,i ga fiti ni se mo, kala kwaara din borey kulu ga ciya aran tamyan, Ka may aran se. ¹² Amma d'a si ba nin d'ey ma goro baani,amma a ga ba nga ma wongu nda nin, kala ni m'a windi nda wongu daaga. ¹³ Da Rabbi ni Irikoyo na kwaara din dan ni kambe ra, kala ni ma alboro kulu Kan go kwaara ra kar da takuba. ¹⁴ Amma wayborey da zankey da almaney, da hay kulu Kan go kwaara ra,sandales a wongu arzaka kulu,ni ga woodin Ku Ka te ni bon riiba.Ni ga ni ibarey wongu arzaka Kan Rabbi ni Irikoyo ga ni no din nwa. ¹⁵ yaadin cine no ni ga te kwaara kulu se Kan ga mooru nin gumo , Kan yan manti ne laabo dumey kwaarey no. ¹⁶ Amma dumey kwaarey, Kan yan Rabbi ni Irikoyo ga ni no tubu hari, ni ma si boro kulu kan ga fulanzam cindi nda fundi a ra, ¹⁷ amma ni m'i halaci parkatak! ngey neeya:Hittancey ,da Amorancey,da kanaanancey,da perizancey ,da Hibancey,da yebusancey,danga mate kan Rabbi ni Irikoyo na ni lordi nd'a. ¹⁸ zama i ma si aran dondonandi aran ma te i Fanta goyey kulu kan i doona Ka te ngey de- koyey se bon.woodin ga nan aran ma zunubi te Rabbi aran Irikoyo se. ¹⁹ Da ni na kwaara windi nda wongu,hal a gay ni go ga tangam d'a,ni n'a di mo,kulu ni ma si ni deeso dan a tuuri-nyaney gaa k'i halaci.Zama ban fo ni ga nwa i gaa. Ni ma si beeri bo, tuuri-nya mo boro no, wala,hala ni ma kond'a gaa wongu? ²⁰ Kala day tuuri-nyaney Kan ni bay i si nwaari hay,woodin yan wo ni ga du k'i beeri Ka hari cina nd'ey kwaara Kan ga wongu nda nin din windanta ,hal i ga kwaara nwa.