¹ Rabbi ni Irkoyo ga dumey din pati ka ni dan,ngey kan Yan rabbi ni Irkoyo g'i laabo no ni se hala ni ga furo i gurbo ra ka goro i kwaarey d'i windey ra. ² 'D'a na woodin te ,Kaka ni ma kwaara hinza fay waani ni bon se ni laabo Kan Rabbi ni Irikoyo na ni no mayray hari din bindo ra. ³ ni ma fondo soola ka hirriyan fay laabo Kan Rabbi ni Irikoyo ga ni dan ni ma tubu din ra.Ma te kanandi hinza ,nan kan boro Kan na boro fo wi hasaraw ra ma du ka zuru ka koy. ⁴ Boro-wi woodin dumi ciine ra ,nga Kan ga zuru ka koy noodin ka funa ,nga neeya:Boro Kan na nga gorokasin pwi ,amma a Mana cacar k'a te ,zama a si konn'a za don no. ⁵ Danga :da borfo nda nga gorokasin koy waani ta ka tuuri beeri,afo kambe go ga goy da deesi ka tuuri-nya beeri,amma deeso izo sandu ka fun bono gaak'a gorokasino kar kal a bu,bora din koy ga zuru ka koy kwaarey din afo ra ka funa. ⁶ 6 zama daw* banakwa ma si Boro-wiyo din gaaray da bine korno k'a to( zama fonda ga ku se),a m'a kar da buuyan gobu, baa Kan a mana to buuyan,zama a si konna bora za don. ⁷ woodin sabbay se no,ay ga ni lordi ka ne:Ni ma kwaara hinza fay waani ni bon de. ⁸ Rabbi ni Irikoyo ga ni hirro tuti ka beerandi,mate kan a ze d'a ni kaayey se . ⁹ Kala lordey wo kulu kan ay go ga ni lordi nd'a hunkuna,ni m'i haggoy.Ni ma ba Rabbi ni Irikoyo k'a fondey gana duumi. Da Rabbi na woodin yan te ni se ,kala ni ma kwaara hinza tonton koyne ya-haray wane gaa. ¹⁰ Zama i ma si kuri kan sinda taali mun ni laabo kan Rabbi ni Irikoyo ga ni no tubu din ra,hala kuri alhakku mo ma si dake ni bon. ¹¹ Amma da boro fo konna nga gorokasin ka gumandi te a se,ka tun a gaa k'a kar da buuyan goobu hal a bu bora din zuru mo ka koy kwaarey din afo ra, ¹² kal a kwaara arkusey ma donton k'a di noodin. I m'a dan mo daw banakwa kambe ra,hal a ma bu. ¹³ Ni ma si di bakarawo,amma ni ma boro kan sinda taali kuri alhakku kaa Israyla ra,zama ni ma goro baani. ¹⁴ Ni ma si ni gorokasin hirri seeda dagu kan don borey sinji ni tubo ra,nango kan ni ga tubu laabo kan Rabbi ni Irikoyo ga ni no nd'a ra,ni mayray hari no. ¹⁵ Seeda fonllon ma si tun ka boro fo zeeri goy laalo,wala zunubi se zunubi kulu kan dumi a te bon. Seeda hinka wala ihinza me ra no ni ga sanno tabbatandi. ¹⁶ Dan ga tangari seedakoy tun boro fo gaa ka seeda ka ne a na taali te, ¹⁷ kal i boro hinka kan gonda kakawo ngey game ra,i ma koy Rabbi jine,da alfagey da ciitikoy kan yan go no jirbey din ra jine mo. ¹⁸ Ciitikoy mo ga fintalyan te da anniya.D'i di kan wiiza,seeda din tangari wane no, a na tangari seeda te ni nga nya-izo bon, ¹⁹ kal aran ma te bora koy se danga mate kan a ho nga ma kande nga nya-izo ga. Woodin teeyan gaa no aran ga laala kaa d'a aran game ra. ²⁰ Cindey mo ga ma ka humburu. I si ye mo ka laala wo dumi te aran game ra koyne. ²¹ Ni ma si di a bakarawo fa! Fundi no ga fundi bana ,mo no ga mo bana, hinje no ga hinje bana, kambe no ga kambe bana,ce no ga ce bana.