¹ Ɩja nɩ malǝ Kristo nɩ, kǝ ma na fʋ ɩsǝi na, amalaakaarɩ atɩ laa sǝriya na ŋŋuro nsaŋsono: ² Ʋcmpɩɛka ʋbʋmbɔnɔ ʋɖa n'amʋ, na aŋgɩfolunɩ gaɖǝn gacɔɔtɩ caarɛ amʋ baaŋjǝŋ. ³ Ncɔɔtɩyɛɛ mapra laalɩ naa amʋnna Kristo gɩpaɖa ashee ambawar na ambʋŋʋma gʋlɔ nɩ kǝbaja, ⁴ Mbaɖee balee Israɛl kǝbaja ma, bajie ʋcam atoŋo n'ʋkʋmʋ, n'alɩkawɩlɩ na gʋpɔ, nabɔɔta alee ka, ⁵ Bajie ʋleeu ashee, na baya babʋmbɔnɔ ŋgʋɖee nɩ Kristo aɖoo na ma ma, alee nɖee awu baanʋnʋ nɩ ma, Gaja gaɖu alɩbarka nace nace. Ami! ⁶ Kɩlee, gɩtɩlǝ waa: Gaja kaalei kaalee na. Aɖʋwaa mbaɖee baŋʋm pɩ Israɛl nɩ ma, kɩlee baŋunii balee ka Israɛl bapur na, ⁷ Naa balee Abraham abʋŋʋma aa, kɩlee baŋunii ba lee ka bapur na; Ama, balǝ waa: Isaaka abʋŋʋma bʋlee ka, akǝ bʋŋʋma, ⁸ Kaashɩ nagǝŋ waa: kɩlee gʋlɔnɩ kǝbapi balee ka Gaja Bapur na ama bapiɩbalǝ waa batɩ ba shee ma, baleeka bʋŋʋma. ⁹ Galei ɩbalǝma, ganaakama, waa: Matɩ lǝ waa makɔɔ apɩ na Sahara aɖeŋʋm ʋpisoro. ¹⁰ Acɩŋǝ, gǝŋ ci ɩɖa ashee Rebeka, aɖana ncǝna ashee ataya Isaaka ma; ¹¹ Kǝbaka na ŋʋm bapi na, na kǝ ba ka na lee nsono yaa mbɔnɔ na, na Gaja kʋlaʋ ʋlee, kɩlee alesʋra laŋ na, ama, na nɖee ʋcɩŋsɔlɔ kanɩ, ana yɩɖa ma, ¹² Naba lǝ Rebeka waa: Ʋŋono, ataa pra ajala 'aɖɔmpla ɖaa baŋɔn ma na gǝŋ. ¹³ Waa: Nsɔlɔ yakɔbʋ naa aŋo Esoo. ¹⁴ Gǝŋ ma, gɩ lǝ waa baɩ?Gaja kaa ɖa ɖeiɖei aa? Ganɩ ga lɩŋgaɖu! ¹⁵ Aɖʋwaa: Ba lǝ Musawaa: Ntɩ ma ŋǝ nɖee ma ŋǝ ma, ɩshɛɩ, naa rǝŋǝ nɖee ma rǝŋǝ ma, agako. ¹⁶ Galaŋ, ganikaaɖa waa: waa na amʋnnayɛɛ, waa na asaakana yɛɛ na, ama, gaɖoo na Gaja ga na ŋǝ ɩshɛɩ ma, sul. ¹⁷ Ʋŋɔn ʋlǝ farahaʋna waa:Nlàà kɩ na ma faŋa n'amɩ kashɩ naa amʋŋyɩɖa nce baa ŋkana gatǝna gaŋunii laŋ. ¹⁸ Galaŋ, atɩ ŋǝ nɖee asɔlɔ ma, ɩshɛɩ, naa apalaʋɖǝn anɖi ŋkaŋkǝr. ¹⁹ Ʋtaa lǝ waa: Nfʋ ɩsǝɩ aa? Aŋa naa sǝra afɔɖɔ Gaja k'ʋcɩnsɔlɔ ka nɩ? ²⁰ Oo Arɛ kɩ, aŋa nakɩ abla na Gaja? Ncitomo ntɩŋsǝra alǝ bʋbo caja waa: Mʋlaŋ n'ʋcǝ amʋ gǝŋ aa,? ²¹ Bʋbo cǝja kawǝɖa ɩka, acǝ ŋgaɖee baɖʋjɩ afǝlǝ, n'acǝ ŋgaɖee ba naa lo baaŋjǝŋ ma aa? ²² Gɩlǝ waabaɩ, ɩji waa: Gaja gatɩ yɛɛ gafaŋa naa baaŋa ayɔ ɩkashɩ, gɩ toŋoɩ na suuru abʋmbɔnɔ abuce ɩ ɩlee ʋnyana kɩja banɩ ba tɩ piɩ ma. ²³ Ɩta jɩ waa: Atɩyɛɛ afaŋa à árisiki ʋkʋmʋ kaja ashee abuce ɩshɛɩŋǝka kɩjaɩ acee akpeɖe ashee ʋkʋmʋ ma, aa? ²⁴ Gǝŋ ma, atɩnɖǝnɖǝn na ayɩɖa yuɖaakǝbaja bagɩcɩɩca aa? kayɩɖa mbaɖee kǝ ba yɔ Gaja na ma, ²⁵ Ɖaa ba ŋɔn Osee agʋbɔ nɩ ma: Ntɩ ma yɩɖa waa: Ama samaa nɖee kabʋŋa lee ama samaa na ma waa: Amasɔlɔka nɖee kabʋŋa lee amasɔlɔka nɖee kabʋŋa lee amasɔlɔka na ma; ²⁶ Gaɖuu ba bʋŋa na lǝ pɩ waakɩlee ama samaa na ma Batɩ bayɩɖa pɩ waa: Gaja ŋŋuro yar bapur. ²⁷ N'Esaye akuro agʋsaʋ Israɛl anɖi laŋ waa: ɩta ji waa: Israɛl bapur bayɔgɔ ɖaa teŋku kagɩyɩkɩɖɩ ma, gʋsaʋ gʋɖɔŋkɔnɔ gʋnɩgʋ fʋra. ²⁸ Aɖʋwaa: Nɖiyar ataa lee were nɩ gatǝna la bʋkɔ anyaʋ ma. ²⁹ Ɖaa Esaye abʋŋa lǝ ɖooɖooɖoo ma, waa: Manɖiyar ɩ alee ɩsɔja banɖiyar ma, maa kapala bʋŋʋma bʋɖǝn na ma gɩ ɖaɖanɖaa soɖɔɔmɩ ma, magɩɖaɖaa Gomɔɔrɩ kǝbaja ma. ³⁰ Gǝŋ ma, baɩ na gɩ lǝ? kǝ ba bʋŋayɔ Gaja na ma, kǝba yɛɛ ɖeiɖei na ma, baɖʋ pɩ ɖeiɖei, ɖeiɖei ʋcine kaja, ³¹ Kasaa ɖe Israɛlɩ ana yɛɛ gʋpɔ kaɖeidei ma, ka ŋǝna. ³² Maakɔ laŋ, aɖʋwaa: Israɛl ka yɛɛ n'ʋcine na, ama, nalesʋra nɩ ayɛɛ nama asir atɩ kal ntala nɖe nɖʋ pɩ nawɩyama, ³³ Ɖaa babʋŋa ŋɔn waa: kɩɖe ma, nɖʋ nawɩya kantala siyɔɔ na, ntǝrǝtǝrǝ kanja, ama, nɖee ashee njɩ ɩja ma, ataa ɖoo gɩ cɩfala.