¹ Nnyǝmǝkǝ ba kɔɔ akǝ mbaɖee ba shee Yeesu Kristo ɩja ma, ba galei na. ² Aɖʋwaa: Ŋŋuro kagʋpɔ ɩgʋɖa Yeesu Kristo nɩ ma gʋlaa amʋ mbɔnɔ na bʋce kagʋpɔ nɩ. ³ Bʋkɔɩ gʋpɔ kagʋsǝra alee na ma, aɖʋwaa: Gʋlo gʋkara kʋ nƒara, na Gaja gakǝ mbɔnɔ kaa lei atǝm ʋpur gʋlɔɩ gʋ na lee mbɔnɔ ma nɩ ⁴ Naa ɖeiɖei kagʋpɔ gʋlee atʋɩ kɩɩkɔɔ na sara gʋlɔ nɩ na, naa gɩ nasara na ŋŋuro ma. ⁵ Mbaɖee ba na sara na gʋlɔ maa, gʋlɔ kalesʋra nɩ ba na lee, na mbaɖee ba na nasara na ŋŋuro ma, ŋŋuro kalesʋra nɩ ba na lee. ⁶ Gʋlɔ kantǝma njɩ gǝŋ bʋce, na ŋŋuro kantǝma njɩ ŋŋuro naƒɛɛ kʋɖaʋ. ⁷ Aɖʋwaa: Gʋlɔ katɛɛmleeka nlee gɩwor gakulɩ jɩ ashee Gaja, Aɖʋwaa kɩnna nyene Gaja kagʋpɔ na, na kɩn caa asǝra gboo na. ⁸ Mbaɖee ba na sara na gʋlɔ ma, Gaja keesɔlɔ pɩ na. ⁹ Ɩta saa nanyɩn, kɩkɔɔ aɖa gvlɔ nɩ na, ŋŋuro nɩ na ɩɖa, ɩtajɩ waa: Nŋuro nda nanyɩn, ɩtajɩ waa: Kristo a ŋŋuro kɩnɖa n'ʋɖǝn na, kalee Kristo aja na. ¹⁰ Kristo ata ɖa anyɩna aye nɩ, gasono gʋlɔ gʋlee gʋcikakʋ aɖʋ mbɔnɔ kanɖɩ laŋ, ama, ŋŋuro nɖa ɖeiɖei laŋ. ¹¹ Nɖee aŋŋuro nŋǝnǝ Yeesu bakono nɩ ma, nta ɖa anyɩna aye nɩ, nɖee aŋǝnǝ Kristo bakono nɩ maa, na aŋŋuroɩ nɖa anyɩn nɩ ma na ashee anyɩ nalɔ ɩkono ŋŋuro. ¹² Galaŋ ambawor, kɩɩkɔɔ aɖa gʋlɔ nɩ gɩ naa sara gʋlɔ kaasana na. ¹³ Ɩta ɖa ashee gʋlɔ ɩtɩɩ cii; Ama ɩtatɔɔ ŋŋuro akǝ na gʋlɔ kalesʋra, ɩtɩɩ ɖa ŋŋuro nɩ, ¹⁴ Aɖʋwaa: Mbaɖee ŋŋuro nɖa napɩ ma, Gaja bapur pɩ Gǝŋ. ¹⁵ Anyɩn kɩlee ŋŋuro nɖa nnaɖʋ arɛ gɩɖɔmpla nɩ, na kara asampǝna ma, n'ɩcam na, ama, ŋŋuro nɖee ncam atʋ atoŋo na kaŋa n'atʋgɩ yu na gaja waa: Aba Baba! ¹⁶ ŋŋuro nde ntɩba sǝriya na shee atɩŋŋuro waa: Gɩlèè Gaja bapur pɩ. ¹⁷ Ɩta jɩ waa; Gɩlèè Gaja bapur, gǝŋ ma, gɩlèè tiibi baja pɩ gǝŋ: Gaja katiibi atɩnaa Kristo, atɩnnanɩ gɩta naa jɩ ɩshɛɩ, gǝŋci batɩ kʋma atɩnna nɩ. ¹⁸ Ntaa nakiɖe waa: Ɩshɛɩ nɖee gɩna jɩ nnyǝmǝ waa ma, kɩɩtɩ ƒana n'ʋkʋmv nɖee ʋtʋna pɩ banɩ ba tɩ kʋma atʋ ma na, ¹⁹ Bʋkɔɩ Gaja galee ɩŋunii ma, ɩtɩ sàà, sáá nɖee Gaja galaa bapur aƒaŋ ma. ²⁰ Aɖʋwaa Bʋkɔɩ ɩda ɩnunii ma, ɩtɩɩ tɩ praƒɔɩ, kɩlee nakʋcinsɔlɔ ka na, ama na ndee aɖʋ ɩma ʋja. ²¹ Na tamaa abʋmbɔnɔ na ɩnasàà ba laa nɩ ƒɔɩ ka gɩɖɔmpla nɩ, naa ɩpaŋklǝ aŋǝ ɩja ŋkǝlǝ Gaja ga laa bapur ma. ²² Gɩta kiɖe, gɩ yɔ halɩ n'ʋrɔŋ waa: Bʋkɔɩ Gaja ga lee ma, ɩŋunii ɩtɩ jɩ bʋŋʋma kaa yoro Kɩshɛɩ. ²³ Kɩlee kanɖǝn ɖǝn na, ama atʋ gboo gɩtɩ gɩwaɖa ŋŋuro kabʋkɔ bʋsǝnaka ma, atʋ gboo gɩ tɩ jɩ ishɛɩ atɩnnɩ nɩ, na sáá atɩ gʋlɔ kʋcam alamatǝn. ²⁴ Aɖʋwaa: Gɩ wǝɖa tamaa ma, na gɩ ŋǝ nɖi nsono, gɩ ta kiɖe, tamaa nɖee ba na ŋǝ n'ɩnyine ma, ka kɔɔ alee tamaa na: Bʋkɔɩ gɩ na ŋǝ ma gɩ tɩɩ kɔɔ asǝ na saa bʋ aa? ²⁵ Ama gɩta sǝ na sáá bʋkɔɩ kɩɩ na ŋǝ na ma, shee gɩ karagayɛ asaabʋ na suuru. ²⁶ Ŋŋuro, ntɩ kaŋa n'atʋ atɩnƒara nɩ nanyiŋǝ aɖʋwaa kɩɩcaa ayɔ daa atʋnyiŋu nɩ, bʋkɔɩ ɩsim gɩnyiŋǝ ma na, ama, ŋŋuro ntɩ nyiŋǝ na shee atʋ n'ɩshɛɩjɩ ka nɖee kagɩsǝra akɛɛshɩɩ ma na; ²⁷ Na nɖee ana ŋǝ gɩƒolu nɩ ma, ayɔ ŋŋuro kagʋƒaŋ aɖʋwaa: Ɖaa Gaja ga na yɛɛ ma na ŋŋuro nna nyiŋǝ. ²⁸ Gɩ yɔ waa: Gaja gɩtɩ lee baamʋnʋ ɩŋǝrǝ nashee mbaɖee basɔlɔ nɩ ma, mbadee bayɩɖa pɩ ɖaa a na yɛɛ ma. ²⁹ Aɖʋwaa mbaɖee acee aƴɔpɩ ma, akpeɖe pɩ ba ɖa ɖaa ʋpur ma, naa ʋpur alee asǝbaka bʋŋʋma nɩ ashee bawor tuutuuna nɩ. ³⁰ Na mbaɖee acee akpeɖe gǝŋ ma, na ayɩɖa pɩ acǝŋǝ; Mbaɖee ayɩɖa pɩ ma,na aɖʋ pɩ ɖeiɖei, mbaɖee aɖʋ ɖeiɖei ma,n'akʋma pɩ aɩɖoo. ³¹ Gǝŋ ma gɩlǝ waa: Baɩ, Gaja gataɖa ashee atʋ, aŋa naa ciu natʋ? ³² Aɖei ka bǝla ʋpur laŋ alaa nɩ ncǝn na ma, baɩ na kaashee atʋ baamaa kɔ nɩ atɩ n'ʋpur na? ³³ Aŋa naa ciu na mbaɖee Gja ga laa ma? Gaja ga na ɖʋ ɖeiɖei ! ³⁴ Aŋa naa kǝ ba galeɩ ? Kristo aci; Gasono, n'akɔɔ aŋǝnǝ, asǝ Gaja kagʋnyɛsono laŋ, na nyiŋǝ na shee atʋ! ³⁵ Aŋa naa sǝra apaɖa atʋ na Kristo? Ɩshɛɩ jɩ ka yaa asam pǝna, yaa wahala kʋ jɩʋ, yaa akɔmɔ, yaa ŋkɔlɩ kʋ daʋ, yaa jamba, yaa gapɔɔ galamaka? ³⁶ Ɖaa baŋɔn ma: Akalaŋ na ba kǝ atʋ gɩna ci baaŋjǝŋ, na ba tọ atʋ apra ɖaa ibɔrɩɩ ba na cena gaɖu ƒʋka ma. ³⁷ Alesʋraɖe ɩgunii nɩ atɩguwu kana na aɖee asɔlɔ atʋ ma. ³⁸ Aɖʋwaa: Nshee ɩja waa: Bʋce kabʋsǝrana, ŋŋura kɩŋsǝna na, malaɩka manakǝ ba sǝra na, baa nɖee ɩwu baamʋnʋ ma kusǝra na, baa maanɖee ɩɖannyǝmǝ ma, nɖee ɩnutɩ pɩ ma, ³⁹ ɩkashɩ ɖǝn ɩmana, ʋshemʋlaŋ ʋmana, ʋlaŋ ʋmana, akɔɖǝnɩ ɩɖa ma,kusǝra apaɖa atʋ na Gaja kʋsɔlʋnɖee nɖee ʋɖa atɩ nɖɩyar Yeesu-Kristo nɩma na.