¹ ɩnyir nyir, aa ? ambawor, mbaɖee ba yɔ gʋpɔ ma, na nna lǝ nama, waa: Gʋpɔ gʋtɩ kpashɛ arɛ aɖulinya aŋunii. ² Gaŋci, ʋsǝmprǝ ata ko, gʋpɔ gʋtɩlǝ nɩ waa: Aɖa n'ʋkur saaɩ aɖa ŋŋuro nɩ ma: Ama, ʋkur ata cii gʋpɔ kʋʋkɔɔ awǝɖa ɩko alaŋ na. ³ Ʋkur ata ɖa ŋŋuro nɩ kacii na, naa ce atɩ ko arɛƒɔlɩ, baɖe ba yɩɖa nɩ waa: ʋsǝmprǝ gɩsǝnayar; Ama, ʋkur atacii, gʋpɔ kʋʋwǝɖa ɩko alaŋ na, atace atɩ ko arǝƒɔlɩ, ka lee gɩsǝna na. ⁴ Gaŋ cɩ gboo, ambawor, anyɩn gboo Kristo agʋlɔ nɩ ɩci gʋpɔ kanɖi laŋ naa ɩpra arɛƒɔlɩ abaja, nɖee anǝrǝ bakono nɩ ma, ŋkǝŋ na gɩ ŋʋm ɩpi ashee Gaja. ⁵ Aɖʋwaa ŋkǝlǝ gɩɖa gʋnɩlɔ nɩ ma, mbɔnɔ kalesʋra nabʋkɔɩ gʋpɔ gʋbǝla na ma, ɩda atalɔ nɩ nataataa aʋtʋ gɩŋʋm bʋce kɩpi. ⁶ Ama, nnyǝmǝ, ku kɔɔ aɖa gʋpɔ gʋɖe ni na, gɩcɩ ashe gʋpɔ gʋɖe, n'anyǝmǝ gɩna lee ŋŋuro nfɔlɩ kantǝm kikɔɔ alee gʋbɔŋɔnkaɩ gʋ na kpǝr gɩpɩla mama. ⁷ Gǝŋma gɩlǝ waa: Bai? gʋpɔ gʋlee mbɔnɔ a aa? Aaɩ gani galɩŋ gaɖu! Ama, gʋpɔ gʋpalaka n yɔ mbɔnɔ.Aɖʋwaa: Maa kǝ ma yɔ gɩ nyinfɔnɔ na, na gʋpɔ kʋʋ lǝ waa: ka gbɛɖɔ awǝɖa gɩnyɩnfɔnɔ na. ⁸ Ŋkǝŋ na mbɔnɔ mmana ri na ma, akʋn na gʋpɔ ka mʋra aŋʋm ɩnyinfɔnɔ asʋra asʋra: Aɖʋwaa: Na mbɔnɔ kunɖa na, shee bʋce bʋcii. ⁹ Mbʋŋaɖa ŋŋuro nɩ saa nɖee gʋpɔkʋuɖana ma ama mʋna apɩ ma, na mbɔnɔ nŋǝnǝ, n'amʋ nci. ¹⁰ Galaŋ mʋna nɖee ana taŋa arɛ awǝɖa ŋŋuro ma, akɔɔ toŋo amʋ acǝna bʋce nɩ . ¹¹ Adʋwaa: mbɔnɔ mmama kʋn na mʋra apaapaa amʋ akǝmʋ nci. ¹² Gʋpɔ gʋɖa cɩrɩ cɩrɩ, na mʋra gboo aɖa cɩrɩ cɩrɩ aɖa ɖeiɖei acǝn. ¹³ Bʋkɔɩ bʋ cǝm ma, bʋtɩbʋ pala ma cii aa? Aaɩ! Ama mbɔnɔ nna pala, naa mbɔnɔ nye ɖoo namʋ ŋkǝ amʋ na, na bʋkɔɩ bʋ cǝm ma, naa na mʋna, alaa mbɔnɔ aƒaŋa gbagbaraa. ¹⁴ Fɩ yɔ waa: gʋpɔ gʋlee ŋŋuro njɩ: Ama, amʋ gʋrɩlɔ nɩ na amʋ nɖa, bayala amʋ ashee mbɔnɔ. ¹⁵ Aɖʋwaa: kǝ ma yɔ bʋkɔɩ nna lee ma na, kǝ ma na lee bʋkɔɩ nna yɛɛ ma na, naa naa lee bʋkɔɩ kǝ ma na yɛɛ na ma. ¹⁶ Ɩta jɩ waa: Ntɩ lee bʋkɔɩ kǝ ma na yɛɛ na ma, kasaa ɖe nyɔ waa: gʋpɔ gʋcǝm. ¹⁷ Nnyǝmǝ kɩkɔɔ alee amʋ nna lee na, ama mbɔnɔ nɖee nɖa aŋgʋlɔ nɩ ma, nna lee. ¹⁸ Bʋkɔɩ bʋcǝm ma, ncɔɔ ayɔ waa: kǝ bʋ ɖa n'amʋ aŋgʋlɔ nɩ na; Ncɔɔ tɩ yɛɛ ma lee nsono, ama kǝ ma wǝɖa ɩko na. ¹⁹ Aɖʋwaa: kǝ ma na lee nsono nɖee nna yɛɛ ma na.Naa naa lee mbɔnɔ ɩ kǝ ma cɔɔ na yɛɛ na ma. ²⁰ ɩtajɩ waa: Ntɩ lee bʋkɔɩ kǝ ma na yɛɛ na ma, gɛŋ ma, kɩ lee amʋ nna lee na, mbɔnɔ nɖee nɖa aŋgʋlɔ nɩ ma, nna lee. ²¹ Ntɩ ŋǝ gʋpɔ gʋɖe aŋgʋlɔ nɩ: Waa: Nata naa yɛɛ ma lee nsono, mbɔnɔ nna ta asǝ n'amʋ. ²² Aɖwaa: Amʋcɩne ʋkǝn na Gaja kagʋpɔ, ɖaa amʋnnɩ nɩkarɛ ma. ²³ Ama, ŋkɔɔ tɩŋǝ gʋpɔ gʋɖǝn gʋ na cɩ ɩbobo aŋgʋlɔ nɩ, nagʋpɔ gʋƒɔlɩ amʋrǝŋu nɩ, naa kɔɔ na rɩ amʋ naɖʋ mbɔnɔ kagʋpɔ ŋgʋɖee gʋɖa aŋgʋlɔ nɩ ma. ²⁴ Aŋgalei gaɖɩshɛɩ ma, aŋa naa laa amʋ gʋlɔ ŋgʋɖe kabʋce nɩ. ²⁵ Ʋkʋmʋ ashee Gaja n'atɩnɖɩyar Yeesu Kristo aŋyɩɖa! Aŋgɩlopɩ amvrǝŋu nɩ aɖɔmpla namʋ ashee Gaja kagʋpɔ, na aŋgʋrilɔ gʋlee mbɔnɔ kagʋpɔ kaɖɔmpla.