¹ Gapaŋajɩ gɩ nɩ gɩlǝ? Gɩ naaɖa mbɔnɔ nɩ naa gʋjɔɔ gʋyɔgɔ aa ? ² Gani gapaa pala na ! Atʋɩ gɩ cɩkɩkɔɔ aɖa mbɔnɔ nɩ na ma, baɩ na gɩkɔɔ ɖa mbɔnɔ nɩ acǝŋǝ ? ³ Ɩnyǝr waa: Atɩ ganɔɩ bamǝna bʋto na Yeesu Kristo nɩ ma, abʋce nɩ na bamǝna atʋ aa ? ⁴ Nanɩ na baman atʋ aƒun ʋmǝnʋ nɩ abʋce nɩ, naa ɖaa Kristo aŋǝnǝ aɖoo bakono nɩ na gʋya ʋkʋmʋ ma, atʋ gboo gɩṭɩ sara ŋŋuro nƒɔlɩ nɩ kaasana. ⁵ Gasono ɩtajɩ waa: Na nɩ gɩpra gʋyo gʋsʋra gʋɖɔŋkɔnɔ abʋce nɩ, gɩtɩ gɩ ɖa ɖaa gǝŋ ma, ʋŋǝnu nɩ. ⁶ Yɔma, waa: Atɩ gʋlɔ karɛŋono ɖe ban na nɩ akal, naa mbɔnɔ kagʋlɔ gʋpaa kɔɔ ɖa na, naa gɩ paakɔɔ apra mbɔnɔ kǝbaɖɔmpla na ⁷ Aɖwaa: Nɖee aciboŋo ma, ka kɔɔ na lee mbɔnɔ na. ⁸ ɩtajɩ waa: Na Kristo gɩ man acɩɩ, atʋ gɩshee ɩja waa: Na nɩ gɩtɩ gɩ man aɖa ŋŋuro nɩ, ⁹ Yɔ ma waa: Kristo aŋǝnǝ bakono nɩ ma, kaa kɔɔ acɩɩ na,bʋce kǝ bʋ bʋ kɔɔ awǝɖa iko alaŋ na. ¹⁰ Aɖʋwaa: Acima, mbɔnɔ kaŋdɩ laŋ na acɩ, mkpala nɖɔŋkɔnɔ nɖe ashee baŋunɩɩ; Akɔɔ apɩ aɖa ŋŋuro nɩ ma, aɖa ɖa ashee Gaja. ¹¹ Galaŋ anyɩgɩlopi tɔɔ ma anyɩŋgʋlɔ waa: ɩci mbɔnɔ kandɩlaŋ, Ama, ɩɖa ŋŋuro nɩ ashee Gaja na Yeesu Kristo ¹² Mbɔnɔ mpaa kɔɔ aɖa anyɩngʋlɔ gʋcika gʋɖe ni na, n'ɩpaa kɔɔ anyene gʋlɔ gʋɖe kagɩ nyɩŋƒɔnɔ na. ¹³ Paa ma kɔɔ atɔɔ anyɩngʋlɔ ashee mbɔnɔ na, ɖaa mbɔnɔ kayɔkɔlokama na; Ama, tɔɔ ma anyɩngʋlɔ anyɩŋgɩlopɩ ashee Gaja, ɖaa ɩci ada ŋŋuro nɩ ma, tɔɔ ma anyɩnalɔ ashee Gaja, galo anyɩn ɖaa ɖeiɖei kayɔkɔ loka ma. ¹⁴ Mbɔnɔ kɩnkɔɔ awǝɖa ɩko anyɩnalaŋ na, aɖʋwaa kɩkɔɔ ɖa ashee gʋpɔ na, ama gʋjɔɔ kʋ ɩɖashee. ¹⁵ Gɩkɔɔ nalee mbɔnɔ, aɖʋwaaku kɔɔ aɖa ashee gʋpɔ na gʋjɔɔ kʋ gɩɖa ashee aa ? Gaja gapaa pala na ! ¹⁶ Kɩyɔ waa: ʋtatɔɔ akʋʋlɔ aɖʋ n'ʋɖǝn ɖaa aɖɔmpla ma na nyenenɩ, ʋnapra nɖee ʋna nyene ma aɖɔmpla naa, kayɔ na mbɔnɔɩ nna pala arɛ aɖa ɖeiɖei ma aa ? ¹⁷ Ama, ʋkʋmʋ ashee Gaja, ɖaa ɩbʋŋa alee mbɔnɔ kǝbaɖɔmpla, na nnyǝmǝ ɩnyene na nyɩnɩƒolu gɩ ŋunii ʋceru ʋŋǝrǝ ɩ ɩcam ma. ¹⁸ Ɩɖoo mbɔnɔ ka gɩ ɖɔmpla nɩ, aɖa ɖeiɖei ka gɩ ɖɔmpla nɩ. ¹⁹ Ntɩ lǝ ɖaa arɛ ʋlǝʋ ma, aɖʋ anyɩngʋlɔcɩka laŋ, ɖaa ɩbʋŋa aɖʋ anyɩngʋlɔ gɩɖɔmpla na lee ajɩwa na mbɔnɔ akpa mbɔnɔ nɩ ma, nnyǝmǝ ɖʋ ma anyɩngʋlɔ ɖeiɖei kagɩɖɔmpla nɩ halɩ ɩtɩ kpa cɩrɩ cɩrɩ nɩ. ²⁰ Aɖʋwaa: Ŋkǝlǝ ɩɖa mbɔnɔ kʋlalaŋ ma, anyɩŋgaja ga mana nabʋkɔɩ bʋlee ɖeiɖei ma. ²¹ ɩpi ɩpaŋa n'ɩnaŋʋm nnyǝmǝ ? ɩpi nɖee ɩnakara anyɩn gɩciƒala ma. Aɖʋwaa ayɔkɔ ɖe kaayala jɩ gǝŋ bʋce. ²² Ama, nnyǝmǝ iɖoo mbɔnɔ kagɩɖɔmpla nɩ, apra Gaja abaɖɔmpla, ɩpi nɖee ɩnu ŋʋma nagǝŋ cɩrɩ cɩrɩ kɩja na ʋboŋu nɩ, ŋŋuro nɖee kɩŋwǝɖa gayala na ma. ²³ Aɖʋwaa mbɔnɔ kʋɖa nagǝŋ bʋce; Ama, gʋjɔɔ ƒaala ka gʋjaɩ Gaja ga na shee ma, na gǝŋ ŋŋuro nɖee kɩŋwǝ ɖa gayala na, na Yeesu Kristo atɩnɖiyar.