¹ Baɖʋ atʋ ɖeiɖei atʋɩ gɩwǝɖa ʋcine ma,atɩnna Gaja gabora kaakɔɔ aɖa na, natɩnɖiyar Yeesu-Kristo. ² Na nɩ na gɩwǝɖa awǝɖa gʋjɔɔ, ŋgʋɖee nɩ gɩtaŋo gɩshɛbɔ ma, na gɩ na kʋma atɩgʋlɔ na sáá na Gaja kʋkʋmʋ. ³ Nagɩ saŋkɔɔ na kʋma atɩgʋlɔ ɩshɛjɩka nɩ, na yɔwaa:Atɩshɛɩjɩka, ɩtɩ pɩ na gʋlɔgʋrika, ⁴ Na gʋlɔgʋrika gʋna pala gɩ jɩ caa caa ɩnawɩyanɩ, na caa caaɖe apɩ na tamaa. ⁵ Natamaaɖe ka na paapaa na, aɖʋwaa: Gaja kʋsɔlʋ ʋrŋǝ atɩ folu nɩ, na ŋŋuro nsoŋsono nɖee bashee atʋ ma. ⁶ Aɖwaa ŋkǝlǝ gɩfar atalɔma, alʋwaatʋ acǝm ma, na Kristo aci ashee mbɔnɔbaja. ⁷ Ʋɖǝn ataatǝlǝ acam ɖeiɖei karɛ abʋce a ciiaa? Ayɔna ʋɖǝn ataatalǝ acam nsono yar abʋce acii. ⁸ Ama, Gaja gafaŋa atʋ ʋsɔlʋ, aɖʋwaa ŋkǝlǝɩ gɩlee mbɔnɔ baja ma,na Kristo aci ashee a tʋ. ⁹ Ganigaɖe laŋ, nnyɩmǝ baɖʋ atʋ ɖeiɖei n'akɔnɔ, gɩtɩ gɩ sǝra aŋǝ nɖinsono, aɖoo Gaja kʋnyana nɩ. ¹⁰ Aɖʋwaa ŋkǝlǝ gɩwargakuligɩ ɖa ma, na ʋrǝŋu nama ʋpɩ, n'ʋpur abʋce, ɖaa ʋrǝŋu nama ʋɖama, gɩ tɩgɩŋǝ nɖinsono na aŋŋura. ¹¹ Kɩlee gani kanɖ ǝnɖǝn na, ama, na Gaja kaŋyɩɖanjɩ na kʋma n'atɩ gʋlɔ na Yeesu-Kristo aŋyɩɖa na ni na nnyǝmǝ gɩŋǝ ʋrǝŋu nama. ¹² Galaŋ arɛɖoŋkɔnɔ apala ka na mbɔnɔ mkpa ɖulɩny a nɩ, na mbɔnɔ mpɩna bʋce,nabʋce bʋbɔlɔ kagʋlɔ asiu bɛrɛ baŋunii, aɖʋ waa baŋunii ba lee mbɔnɔ. ¹³ Aɖʋwaa:Atɩ cǝm na gʋpa kasaa mbɔnɔ ncee ɖa ɖulɩnya nɩ. Ama gʋpɔkʋʋɖa na ma, kǝ ba na lǝ ʋɖǝn waa: Alee mbɔnɔ na. ¹⁴ Nakama tɔɔ na Aɖam, halɩ Musa aŋkǝlǝ, bʋce bʋ bɔlɔ ace, atɩ nyɔnna m'baɖee kǝ ba lee Aɖam abɔnɔ kagʋsʋra na ma, nɖee gʋsʋra anaatɩ'pɩ ma. ¹⁵ Ama gʋjɔɔ faala kagʋja gʋɖǝn kʋʋɖa ɖaa ʋtǝrutǝruma na; Aɖʋwaa: ɩtajɩ waa: Arɛɖǝŋkɔnɔ ʋtǝrutǝru ʋpala tuutuuma ci, gǝŋ ma,Gaja kagʋjɔɔ ɩ gʋɖoo na Arɛɖɔŋkɔrɔ su' ma, Yeesu-Kristo, gʋce tuutuuma laŋ. ¹⁶ Gʋjɔɔ gʋɖǝn kʋʋɖa ɖaa: nɖe alee mbʋno ma na, Arɛɖɔŋkɔnɔ anɖilaŋ na mbɔnɔ mpɩ na mbɔnɔ nɖɔnkɔnɔ nɖe baaŋa agalei, na gʋjɔɔ ŋgʋɖee bashee faala ma, gʋ pɛmpɛŋɛ tuutuuma. ¹⁷ Ɩtaji waa: ʋɖɔŋkɔnɔ ambɔnɔ mpɩkanabʋce, gǝŋ ma, m'baɖ-ee ba cam ɖeiɖei kagʋjɔɔ ma, batɩba ɖa ŋŋuro nɩ na Yeesu-Kristo anɖǝnɖǝn. ¹⁸ Galaŋ ɖaa mbɔnɔ nɖɔŋkɔnɔ ŋkǝ bɛrɛ baŋunii bagalǝɩ ma, gǝŋ ci, ʋɖɔŋkɔnɔ ɩ aɖa ɖeiɖei ma; aɖiɖei ɩ a na shee ŋŋuro ma, ataabɔlɔ ace bɛrɛ baŋunii laŋ. ¹⁹ Aɖʋwaa: Ɖaa Areɖɔŋkɔnɔ ka nyene na ma, na tuutuuma, bapra mbɔnɔ baja, gǝŋ ci gboo ʋɖɔŋkɔnɔ ʋnyenu ʋpala tuutuuma baɖa ɖeiɖei. ²⁰ Asaa waa: Gʋpɔ gʋpɩ ma, na mbɔnɔ n yɔgɔ, ama, gaɖuu mbɔnɔ n yɔgɔ ma, ŋkǝŋ na gʋjɔɔ gʋ yɔgɔ awu, ²¹ Naa ɖaa mbɔnɔ mpala bʋɖa ma, gǝŋ gboo gʋjɔ gʋɖa na pɩ na ɖeiɖei nɖee ana shee ŋŋuro nɖee kɩŋwǝɖa gayala na, naa nɖaYeesu Kristo atɩ ŋɖɩ yar nɩ ma.