¹ Ga paŋa jɩ gɩ lǝ, ataya Abraham, gʋlɔ nɩ na acam aa? ² Ɩta jɩ waa: Abraham alesʋra ɩpala ka na acam, ɖeiɖei, gǝŋ ma, ataa naa kʋma agʋlɔ a, kɩ lee Gaja kaŋyuna ³ Baɩ na ʋŋɔn ʋlǝ? Abraham ashee Gaja ɩja, na alee ɖeiɖei korɛ. ⁴ Gɩta kiɖe, arɛ atalee ntǝmo shee basǝla nɩ ʋɖa, kɩkoɔ alee gʋjɔɔ kʋgǝ na, ama asim na ma; ⁵ Na nɖee ka lee ntǝma nɖǝn na, naa ashee nɖee ana ɖʋ mbɔnɔ yar ɖeiɖeima, gǝŋ ma, ʋcine ʋɖʋka nɩ ɖeiɖei. ⁶ Ŋkǝŋ na Ɖaʋɖa ana kʋma,ŋŋǝrǝɩ nɖa ashee arɛɩ ka lee akɔɖǝn ashee Gaja na, na Gaja gatǝɖǝ nɩ ma: ⁷ Nɖinsono ashee arɛɩ batǝɖǝ nɩ naa shɛr ambɔnɔ ma! ⁸ Nɖinsono ashee arɛ nɖee ɩkoyar katɔɔ ataalɩ na ma, ⁹ Ŋŋǝrǝnɖe nɖaɖa ashee mbaɖee baleepɩ baŋ, yaa nɖa gboo ashee nɖee kǝ balee nɩ baŋ na ma?Gɩtɩ lǝ waa: Abraham ʋcine awǝɖa ma, ʋɖʋka nɩ ɖeiɖei ¹⁰ Baɩ na gasora na bakʋmanɩ, Alee baŋ boŋo ma, yaa saa nɖee kaka na lee na ma? ka saa ɖe kaka na lee na. ¹¹ Acam baŋ kʋlen ma, ɩlee ɖeiɖe kʋshɛmʋ nɖe awǝɖa ʋcine naa bashɛ nɩ saa nɖee kaka na lee baŋ na ma, naa alee mbaɖee kǝbalee pɩ baŋ na naa bawǝɖa ʋcine ma baya, na bani gboo ba lee ɖeiɖei kǝbɛrɛ ¹² Kashɩ na gǝŋ waa: Abraham alee ko m'caɖee ba lee pɩ baŋ ma, baya aryɔnambaɖee kɛ ba lee pɩ baŋ na, naa, bana sara ɖaa Abraham asora ma, ɖɔa awǝɖa ʋcine ŋkǝlǝ ka kana lee baŋ na ma. ¹³ Aɖʋwaa kɩ lee gʋpɔ laŋ na ba lǝ waa: Anaa lee ɖulinya aŋunii katiibi yar aɖenna abʋŋʋma na, ama, ʋcine na aɖeiɖei laŋ. ¹⁴ Ɩta jɩ waa: Gʋpɔ laŋ na baŋǝ tiibi gǝŋ ma, ʋcinekʋwǝɖʋ kʋ kɔ aɖa na, nabʋkɔɩ ba lǝ waa: Ba tɩ bashee ma, kɩ kɔ aɖa na, ¹⁵ Aɖʋwaa: Gʋpɔ gʋtɩ pɩ nʋnyana, na gaɖuu gʋpɔ kʋʋɖa na ma , ʋtǝrutǝnu kʋɖa gboa na. ¹⁶ Galaŋ na tiibi baja bawǝɖa ʋcine, naa ɩlee na gʋjɔ,naa naa bʋkɔɩ ba lǝ waa:Batɩ ba shee pɩ na ba bʋŋʋ ma, ma, ɩɖa ashee pɩ, kɩ lee mbaɖee baɖa gʋpɔ kʋla laŋ ma, ba nɖǝnɖǝn na, ama, anyɔnna mbaɖee bawǝɖa ataya Abraham ʋcine kagʋsʋra ma, alee ka ataya atɩganɔ ɖaa ʋŋɔn ʋlǝ ma. ¹⁷ Waa: Akɩ lee ka ɩsamaa tuutuuma baya.Alee ataya nɖee ashee ɩja ma, aŋyu, Gaja ɩ gana shee bakon o ŋŋuro, naa naa yɩɖa ayɔkɔ ɩ kɩ cee ɖa na ma, ɩɖoo apɩ ɖaa ɩcee ɖa ma. ¹⁸ Abraham awǝɖa tamaa kǝŋkǝŋkǝŋ baamaabaɩ na, ashee ɩja, galaŋ na apra ɩsamaa tuutuuma baya, ɖaa ba cee alǝ ashee nɩ ma, waa:Akǝbʋŋʋma, bʋtɩ bʋtɩ yɔgɔ. ¹⁹ Ʋcine nɖee awǝɖa ma, kagʋlɔ kʋʋbǝglǝ na, ka saŋkɔɔ akiɖe waa: Nkpar gɩpǝla na, aɖʋwaa: kasaaɖe aɖe wǝɖu bʋja ɖaa ɩshɩmɩn ma, n'kar Sahara kaa kɔɔ aŋʋm bapi na, ²⁰ Kalee Sika na baacei bʋkɔɩ Gaja galǝwaa gatɩ galee ashee nɩ ma na, ama aɖe wǝɖa ʋcie paa, na kaŋkǝr agʋlɔ, nakʋma Gaja, ²¹ Aɖe wǝɖa na Gaja tamaa, waa:Bʋkɔɩ alǝ waa: Ataa lee maa, ɩtulee. ²² Galaŋ na ba lǝ waa: Alee ɖeiɖei karɛ. ²³ Ama, kɩlee anɖǝnɖǝn laŋ na ba baŋɔn waa:Aɖa ɖeiɖei na; ²⁴ Atʋ,ata laŋ, atʋgbca baɖʋ atʋ‌ ɖeiɖei, atʋɩ gɩshee ɩja nɖee a ŋǝnǝ aɖoo bakano nɩ ma, atɩnɖiyar Yeesu, ²⁵ Nɖee batɔɔ nɩ ashee, atɩmbɔnɔ kanɖilaŋ, naa aŋǝnǝ aɖʋ atʋ ɖeiɖei ma.