¹ Gǝŋma, riiba apaŋa na Yudaa kaja awǝɖa, riiba apaŋa ɖaka ashee baŋ kʋ‌ḷeu? ² ɩ‌lee aŋfaanɩ‌ abʋ‌mbɔnɔ ɖaa ba sǝba akaɖa Gaja kaalei ashee pɩ‌ ma. ³ Heimaakɔ! ɩ‌tajɩ‌ waa: Babaɖǝn kǝ bashee ɩ‌ja na, bagɩ‌falu gɩ‌ cirka gɩ‌tɩ‌gɩ‌ sǝra akal Gaja gapaa ɖa ɖeiɖei aa? ⁴ Gani galɩ‌ŋgaɖu! Baaŋa ayɔ Gaja waa a lee kaɩ‌ja yar bɛrɛ batalee ɩsǝi, ɖaa ʋ‌ŋɔn ʋ‌lǝma, waa: Naa baa ŋa ayɔ akuja akǝbʋ‌lei nɩ‌, naa ŋkǝlǝ bacim na kɩ‌ ɩ‌kǝma ma, aɖoo ncǝn. ⁵ Ama, ɩ‌taji waa:Ɖaa ku ɖa ɖeiɖei na ma, ɩ‌pala Gaja gaɖa ɖeiɖei, gapaŋa ji gɩ lǝ?Gaja kaawaɖa ɩ‌ja ŋkǝlǝ ʋ‌nyana ʋ‌sheɖe ma aa? Cntɩ‌ lǝ ɖaa bɛrɛ ba na lǝ ma. ⁶ Ganigalɩ‌ŋ gaɖu! baɩ‌ na Gaja gatɩ‌ cǝm na ɖilinya ɩ‌kǝma gǝŋ? ⁷ Ɩta jɩ‌ waa amʋ‌nʋ‌sanʋ‌ ʋ‌palaka na Gaja kɩ‌ya ɩ‌kaɖ a n'ʋ‌kʋ‌mʋ‌, mʋ‌laŋ na bakɔɔ acǝm nanʋ‌ ɩ‌kǝma ɖaa mbɔnɔyar ma ⁸ Mʋ‌lee ka na ku na lee mbɔnɔ naa nsono mpɩ‌ na, ɖaa baɖǝn ma na, batɩ‌ au n'atʋ‌, na yɛɛ waa: Gɩ‌lǝ aa? Bani baɖe bagalei gaci. ⁹ Gʋ‌rɩ‌sʋra gʋpaŋa kʋ gɩlee:Gɩɖa ɖeiɖei aa? Aaɩbaa cei aɖʋwaa: Gɩjɩ aboŋo waa: Yuɖaa kaja na Grɛkɩ kaja mbʋnɔ kanɖi laŋ na baɖa. ¹⁰ Ɖaa baŋɔn ma ,waa: Ɖei ɖei kaja ɖǝn kaɖa na, baa ʋɖɔŋkɔnɔ; ¹¹ Ʋɖǝn ka caa awǝɖa gʋfaŋana, ʋɖǝn ka na yɛɛ ka na yɛɛ Gaja na,Baŋunii bali, baŋunii bapra babɔnɔ. ¹² Ʋɖǝn ka caa na lee nsono na, baa ʋɖɔŋkɔnɔ; ¹³ Bagɩwolpi gɩ lee ŋkufo ntineka ŋjɩ, ba gɩɖanʋ gɩtɩ paapaa; Ʋbu abʋshemebʋ ɖa bannʋbɛbɛ laŋ; ¹⁴ Babʋnɔ nɩ ʋpǝr nashee ʋɖa ka, na lǝ bʋlɩbɔnɔ; ¹⁵ Batɩ cu were were na fʋr bɛrɛ ba kɔnɔ; ¹⁶ Mbɔnɔ na asaara ɩɖa bʋnyiŋca laŋ; ¹⁷ Kǝ ba yɔ fɛɛ k'ʋnyɩŋca na; ¹⁸ Gaja kasampǝna kɩɖa baŋyu na. ¹⁹ Gɩyɔ waa: Galeiɩ gʋpɔgʋlǝ ma, gʋlǝlǝ ashee mba ɖee baɖa ashee gʋpɔ gʋɖe ma,naa bʋnɔ bʋŋunii bʋpɔw, naa bɛrɛ baŋunii bayɔ waa: Basǝirɛ pɩ balee Gaja kaŋyu. ²⁰ Aɖʋwaa ʋɖǝn kaasǝra atoŋo gʋpɔ naa ɖa ɖeiɖei aŋyu na, aɖʋwaa:Gʋpɔ gʋ na pala gɩ na yɔ mbɔnɔ. ²¹ Ama, nnyǝmǝ gʋpɔ kʋkɔɔ aɖa na, na Gaja kaɖeiɖei nɖee ana laa sǝniya na shee gʋpɔ na Annabi ma a ma, ²² Ɩlee Gaja ka ɖeiɖei na ashee mbaɖee bawǝɖa na Yeesu-Kristo ʋcɩne na ba shee nɩ ɩjama baŋunii.Aɖʋwaa: kalaa ʋɖǝn afǝlǝ na. ²³ Aɖʋwaa: Baŋunii balee mbɔnɔ, galaŋ nakǝ ba kɔɔ aŋǝ Gaja kʋkʋmʋ na; ²⁴ N'tɔɔ ɩŋunii cɛ pɩ faala waa:Ba ɖeiɖei na gʋjɔɔ, n'ʋcam alamatǝn nɖee ʋɖa Yeesu-Kristo nɩ ma. ²⁵ Ʋni na Gaja galaa, waa: Agʋlɔ gʋlee ka saraa ashee mbaɖee ba wǝɖa ʋcine na akɔnɔ ma, naa afaŋa aɖeiɖei, aɖʋwaa abʋŋa pala kabɔ batɔ bambɔnɔ ba lee ma na, alʋwaatʋ ɖe nɩ atɔɔ tam ajɩsuuru. ²⁶ Na yefaŋa aɖeiɖei alʋwaatʋ nɖe ni ,ɖaa anaa pala baɖa ɖeiɖei baŋunii, aɖʋ mbaɖee bawǝɖa na Yeesu ʋcine maɖeiɖei. ²⁷ Are ataa sǝra akʋma agʋlɔ aa? gani kaa ɖa na Nagʋpɔ gʋpaŋa? N'lesʋra kagʋpɔ aa? Aaɩ, ama n'ʋcie wǝɖaka kagʋpɔ. ²⁸ Gɩŋǝ waa: Arɛ aɖeiɖei kʋɖaʋ, ʋɖoo na' ʋcine awǝɖa ma na, kɩlee na gʋpɔ alesʋra na. ²⁹ Yaa Gaja galee Yuɖaa kǝbaja banɖǝnɖǝn, ba Gaja? ka lee mbaɖee kǝba yɔ Gaja na ma, ba Gaja aa? lɩŋ alee Gaja asheepɩ gboo, ³⁰ Gaja gaɖɔŋkɔnɔ ga ɖa ka, anaɖʋ ɖeiɖei nɖee balee nɩ baŋ ma, na nɖee awǝɖa ʋcine ama, kǝ ba lee nɩ baŋ na ma. ³¹ Atʋcine gɩwǝɖa malaŋ, gɩ kɔɔ na gʋpɔ abǝɖa aa? Gani galɩŋ gaɖu, gɩtɩ lǝ gboo waa: Gʋpɔ gʋcǝm.