¹ Galaŋ akɩrɛkɩ, gʋsʋra gʋpaŋakʋ ʋlee, akɩɩ ʋna cǝm na basaaka ɩkǝma ma, kǝ ba jɩ na kɩ suusu na; aɖʋwaa: ʋna cǝm a basaaka ɩkǝma ma, ʋtɩ kǝ akaalei boŋo, ɖ'ʋshɩ na cẹm na basaaka ɩkǝma ma, akɩ gboo ʋtɩ lee alesʋra ɖe. ² Gɩyɔ waa Gaja kɩkǝma ɖe banɩba cǝm na mbaɖee ba na lee alesʋra ɖe ma, ɩja kanɖi laŋ na. ³ Gapaŋa jɩ ʋnaƒaŋa, ô Arɛkɩ, akɩɩ, ʋnacǝm nabasaaka ma, akɩ gboo ʋtɩ lee alesʋra ɩbɔnɔ ɖe, ʋtaa sǝra aƒɔɖɔ Gaja kɩkǝma nɩ aa ? ⁴ ʋtɩ jǝba na Gaja k'arisiki na abʋcǝma bʋtɩ pikil akɩ aaaaaaaaƒʋba nɖawa aa? ⁵ Ama, ɖaa akuƒolu gɩcɩr kɩɩna rǝŋǝ bʋleɩ nama laŋ, ʋtɩ wala ʋnyana naɖʋ n'ʋnyana kʋshileɩ Gaja cǝm aɖeɩdeɩ kɩkǝmama na shee akʋlɔ, anaa sǝla baaŋana atǝma k'ʋɖa; ⁶ Ana sǝla baaŋana atǝma k'ʋda; ⁷ Naa shee ŋŋuno nɖee kɩŋ wǝɖa gayala na ma mbaɖee bawǝɖa koŋkaarɩ na lee nsono na yɛɛ bʋcǝma, ʋkʋmʋ na nɖee kɩ na ci na ma; ⁸ Ama, mbaɖee babǝla kǝ ba nyene ɩja na, naƒaŋa balɔ na alesʋra ɩbɔnɔ ma, Gaja k'ʋnyana ʋɩʋɖa ashee pɩ. ⁹ Gaja gatɩ ga pɩ na gʋtɔ gʋbɔka n'ɩshɛɩjɩka ashee bɛrɛɩ baɖa ashee mbɔnɔ na lee mbɔnɔ ma, yuɖaa kaja boŋo naɩ, na Grɛkɩ kaja gboo ! ¹⁰ Ʋkʋmʋ, ŋŋǝrǝ, naƒɛɛ ashee nɖee ana lee nsono na, asǝba ashee yuɖaa kaja bono naɩ, naa Grɛkɩ kaja gboo ! ¹¹ Aɖʋwaa Gaja kaa na laa ʋɖǝn na pala na, ¹² Mbaɖee saɩ gʋpɔ kʋʋkana na naa ba lee mbɔnɔ ma shee ba ci gʋpɔ kʋʋɖa na, naa mbaɖee balee mbɔnɔ saaɩ gʋpɔ gʋɖa ma, gʋpɔkʋba cǝm na pɩ ɩkǝma. ¹³ Kɩlee mbaɖee ba na ɖʋ gʋpɔ gʋtɔ ma, ba na ɖa ɖeiɖei Gaja kaŋyɩɩ na, ama, mbaɖee ba na tɔɔ gʋpɔ na lee na ntǝma ma, baɖa ka ɖeiɖei. ¹⁴ Mbaɖee kǝ ba bʋŋayɔ Gaja na, kǝ ba wǝɖa gʋpɔ na ma, ba ta naa sara ɖaa gʋpɔ gʋlɔ ma, gǝŋ ma, ba lee gʋpɔ kʋ gǝŋ ashee bagɩlapi, baa maa kǝ ba wǝɖa gʋpɔ na ¹⁵ Ŋkǝŋ ma batɩ ƒaŋa waaa Ba ŋɔn gʋpɔ bɩƒolu nɩ, ba laakaarɩ atɩ laa sǝrɩya nashee pɩ, na gʋƒaŋa gʋtɩ bǝla na pɩ baaŋjǝŋ baaŋjǝŋ. ¹⁶ Amalaabaarʋ asbŋsono nɩ bʋkɔɩ bʋnɩbʋtɩ ɖoo ʋshɩleɩ Gaja gacǝm na bɛrɛ ɩkǝma alesʋraɩ balee ŋkomo nɩ na Yeesu-Kristo aŋyɩɖa ma na gǝŋ. ¹⁷ Akɩnɖee ʋna yɩɖa akʋʋlɔ waa yuɖaa kaja, ʋsǝ gʋpɔ laŋ, na kʋwa akʋlɔ waa: Gaja karɛ na kɩ ma, ¹⁸ ʋyɔ ʋcɩŋsoloka, nakʋma alesʋra aƒǝlǝƒǝlǝ, baceeakɩ gɩpɔ nɩ; ¹⁹ Akɩɩ na paapaa akʋʋlɔ waa: Akɩ na ƒaŋa baƒɔnɔrɛ ʋnyɩŋca ma, wa akɩlee ka ʋkaɖʋ ashee mbaɖee baɖa ŋkomo nɩ ma, ²⁰ Nyashɛ shɛ baja ba cere ka, nacere bajoro, aɖʋwaa: ʋwǝɖa gʋpɔ kʋla na kʋyɔʋ na kɩɩja ma. ²¹ Akɩɩ ʋna cere basaaka ma mʋlaŋ na ka na cere akʋlɔ na, akɩ nɖee ʋnalee waasu waa: Ba paa nyim na ma gatʋbaɩ na ʋna nyim ! ²² Akɩnɖee ʋna lǝ waa: Ba paa lee gɩsǝna ma, ʋtɩ lee gɩsǝna ! Akɩnɖee ʋbǝla akʋna ma, ka na leeɩ aa? ²³ Akɩ nɖee ʋtɔɔ nakʋma n'ʋakʋlɔ ma, ka na nyene Gaja na, ʋti ɖoo gʋpɔ kaŋkǝm na tǝrǝṭǝrǝ na kʋ ! ²⁴ Akalaŋ mbaɖee kǝ ba yɔ Gaja na ma, batɩ kiɖe Gaja ƒɔɩ, ɖaa ʋŋɔn ʋlǝ ma. ²⁵ Baŋ k'ʋleʋ ʋcǝm, ʋta tɔɔ gʋpɔ alee na ntǝma; Awa ʋta tǝrǝtǝrǝ na gʋpɔ, akabaŋ ɩ ʋlee ma, apra nɖee kǝba lee nɩ baŋ na ma. ²⁶ Ɩta jɩ waa nɖee kǝ ba le nɩ baŋ atɩ sara ɖaa gʋpɔ gʋlǝ ma, gǝŋ ma kalee baŋyar na gǝŋ aa? ²⁷ Nɖee kǝ ba lee nɩ baŋ agʋlɔ nɩ na ma, ata naa sara ɖaa gʋpɔ gʋlǝ ma, gǝŋ ma, kaa ciu nakɩɩ ʋlee baŋ naa naa tǝrǝtǝrǝ na gʋpɔ maa? ʋye wǝɖa gʋpɔ na baŋ aa ! ²⁸ Yuɖaa kaja ɩja kaja, kɩlee gʋlɔ nɩ kaja nɖee balee nɩ baŋ agʋlɔnɩ ma na. ²⁹ Ama, yaɖaa kaja ɩjayar ʋninagǝŋ ,ɖee ba lee nɩ baŋ agɩƒolu nɩ na Gajakaŋŋuro kɩ lee gʋbɔ gʋŋɔn ka kaja na. Ʋni ʋj'ʋkʋmʋ kʋɖoo na bɛrɛ sul na ama, Gaja sul.