¹ Ambawor, bʋkɔɩ aŋgɩfolu na ʋnyiŋu nna nyiŋǝ Gaja na shee pɩ mana gǝŋ waa: Nɖɩnsono afʋra. ² Ntɩ laa sǝriya na shee pɩ waa:Bawǝɖa koŋkaarɩ a shee Gaja, ama gʋfaŋa gʋmana: ³ Kǝbayɔ Gaja kaɖeiɖei na, naanaa yɛɛ batɩ baja ɖei ɖei, kǝ ba buro balɔ ashee Gaja ka ɖeiɖei na: ⁴ Aɖʋwaa: Kristo alee ka gʋpɔ kʋbon ashee mbaɖee bashee ɩja ma baɖeiɖei kʋɖaʋ. ⁵ Ganijɩ gǝŋ waa: Musa, acee akaɖe ɖeiɖei nɖee aɖa gʋpɔ nɩ ma, waa: Arɛɩ atɔɔ alee na ntǝma ma, ataa ɖa ŋŋuro nɩ ⁶ Ama, gɩkiɖe aŋǝ, ɖeiɖei nɖee aɖoo na ʋcinwǝɖaka nɩ ma:Paa lǝ akufolu nɩ waa:Aŋa naa boɖo nɖǝlanɩ argǝ Kristo? ⁷ Kokoo: Aŋa n'akpa atǝn alaa Kristo bakono nɩ aɖoo na ma. ⁸ Baɩ na gɩ na lǝ? waa: Galei gaɖa akaanɔ nɩ n'akufalu nɩ, ɩlee ɩja sheeka kaalei gɩ nalee kawaaou ma na. ⁹ Ʋtalǝ n'akaanɔ waa: Ʋyiɖe naYeesu nɖiyar, ʋta shee ɩja akufolu nɩ waa:Gaja gaŋǝnǝ nɩ bakono nɩ, ʋtaafʋra. ¹⁰ Aɖʋwaa: Ʋtashee ɩja akufolu nɩ, nʋna pra ɖeiɖei kaja, ʋtalǝ nakaanɔ waa: Ʋyiɖe na Yeesu, ŋkǝŋ n'ʋnaa ŋǝ nɖinsono, Ɖaa ʋŋǝnʋlǝ ma na gǝŋ waa: ¹¹ Nɖee ashee ni ɩja ma, kaaɖa ntǝrǝtǝrǝ nɩ na. ¹² Ʋpaɖʋ paɖʋ ɖǝn kʋkɔɔ aɖa Yuɖaa kaja na Grɛkɩ kaja bagɩ cuca na, aɖʋwaa: Baŋunii banɖɩyar alee ʋɖɔŋkɔnɔ na, alee arisiki na ashee mbaɖee bana yɩɖa nɩmana. ¹³ Aɖwaa: Mbaɖee bana yɩɖa nɖɩyar Yeesu ma, batɩ baŋǝ nɖɩnsono afʋra. ¹⁴ Baɩ na bayɔ ayɩɖa nɖee kǝ bashee nɩ ɩja na ma? Baɩ na bashee ɩja nɖee kǝ ba rǝŋǝ agalei ayɔ na ma?Baɩ na balee n'arǝŋǝ, n'ʋɖǝn ka na lee waasu na? ¹⁵ Baɩ na waasu baja balee waasu na kǝ ba tǝm pɩ na? Ɖaa baŋɔn ma, waa: Ŋǝ ma bɩkei ɩcɔɔacǝm ma, waaɖee ba na lǝ loobaam asoŋsono ma, bɩkei! ¹⁶ Ama, baŋunii kǝ ba nyene laabaarʋ asoŋsono na.N'Esaye alǝ waa: Nɖɩyar, aŋa shee kaatawaasu ɩja? ¹⁷ Galaŋ,ŋgaɖee ʋrǝŋǝ ma, gana pala awǝɖa ʋcine, na ŋgaɖee ʋrǝŋǝma, gaɖaa na Kristo sulna. ¹⁸ Ama, ɩtɩlǝ waanii: kǝ ba nǝŋa aa? Ganɩlaŋ anii, bɩ wǝlǝ ɩcee gatǝna gaŋunii laŋ, na babʋlei bʋce ɖulmya agayala. ¹⁹ Ama, ntɩ waanii: Israɛl karǝŋǝ jɩ aa? ʋsǝbʋ nɩ na Musa alǝ waa: Ntɩ ma pala ɩceɩ gʋcelena mbaɖee kǝba lee samaa na ma, ntɩ ma pala ɩcam ʋnyana na samaa nɖee kawǝɖa gʋcaŋa na ma. ²⁰ Ŋkǝ na Esaye akuro n'ɩkaŋkɩnɩ alǝwaa: Mpala mɖaɖee kǝ ba yɛɛ amʋ na ma, baŋǝ amʋ, n'afaŋa aŋgʋlɔ mbaɖee kǝ ba taba amʋ na ma. ²¹ Ama, ɩtasaa na Israɛl na alǝ waa: Mbɔlɔ amanyɛ baaŋj ǝŋ ashee samaa nɖee gɩfolu gɩcir kana rǝŋǝ bʋlei na.