¹ Ntɩ taba waanii Gaja gabǝɖa asamaa aa? Ganigalɩŋ gaɖu! Aɖʋwaa: Amʋ gboo Israɛl kaja n'amʋ, Abraham a bʋŋʋma, Bɛŋjamɛɛ abʋŋʋma nɩ. ² Gaja kaabǝɖa asamaa na, acee yɔ ni ɖoo. Kɩ yɔbʋkɔɩ ʋŋɔn ʋlǝ Elii aŋkǝlǝ ma, ɖaa ana yu Gaja kaŋyɩɩ Israɛl anɖilaŋ ma: ³ Waa: Nɖiyar, ba kǝ akannbi mana, n'api akɩsaraa katowo; Amʋnɖǝnɖǝn saa ka na ba na yɛɛ baboŋo amʋ akǝ aa,? ⁴ Ama,mbuye mpaŋa njɩ Gaja ga buye ni? Waa: Nlugo bɛrɛ miili kuluni, kǝ ba cim bakǝwǝ baalɩ aŋyii ayɔ na. ⁵ Ɖaa gǝŋ ma, gboo baɖǝn ba saa, ashee Gaja kʋloʋ afǝlǝ na agʋjɔɔ. ⁶ Gǝŋ ma, ɩtajɩwaa: Na gʋjɔɔkʋ, kɩ kɔɔ alee nalesʋra na; Ɩtasaŋkɔɔ jɩ waa:Malesʋra nɩ, gʋjɔɔkʋʋɖa na, alesʋna, kɩkɔɔ alee alesʋra na. ⁷ Baɩ na gǝŋ sa? Bʋkɔɩ Israɛl ana yɛɛ ma kaŋǝ bʋna ama, ʋlaʋ afǝlǝ ʋŋǝ, nabapala basaaka bagɩfolu gɩkaŋkǝr, ⁸ Ɖaa baŋɔn ma, waa:Gaja ga pala ŋŋuro nɖǝn nshee pɩ ŋkomo, naa ba paa ŋǝ na,ba paa rǝŋǝ na,halɩ nʋrɔŋ na Ɖaʋɖa alǝ waar. ⁹ Bɩtebiri bapra ɩkpaca, nagʋraʋ gʋri ka, bafǝɖa, ɩsǝla pɩ bʋɖa! ¹⁰ Bɩnyine ɩshee ŋkoma, ba fɔnɔ, babʋkǝmabʋkaɖo apra bʋkʋŋkʋmi! ¹¹ Amʋ, waanii, bʋliu ʋpalaka ba fǝɖa aa?Kɩleegǝŋ na! ama, bʋliuɖe, ʋpalaka isamaabasaaka baŋǝ nɖinsono na gʋcele gʋɖa ashee pɩ. ¹² Gasono, bʋliʋ ɖe, ʋpɩ na arisiki ashee ɖulinya aŋunii,na bʋliuɖe ʋlee arisiki ashee mbaɖee kǝba yɔ Gaja na ma gǝŋ ma, baɩ na ba tɩ yɔgɔ ŋkǝlǝ baŋunii bashee ɩja ma. ¹³ Ntɩ lǝ n'anyɩn, anyɩnɩ kɩbʋŋa yɔ Gaja na ma,amʋ na batǝm ashee mbaɖee kǝbayɔ Gaja na ma, ŋkʋma amʋntǝma. ¹⁴ Ntɩ kiɖe waa: Maa nsǝra, maa ncel gʋcele ashee ambaje naa afʋra baɖǝn. ¹⁵ Ɩtajɩ waa:bʋliu ʋpɩkana ʋrǝŋunama ashee ɖulɩnya gǝŋ, baɩ na ba tɩ kɔɔ acam pɩ? ɩtɩɖa ɖaa bakanoɩ bakɔɔ ashee ŋŋuro ma. ¹⁶ Geŋ ma, ɩtajɩ waa: ɩpi ɩsǝbaka ɩɖa cɩrɩ cɩrɩ, ɩyɔgɔko gboo ɩɖa cɩrɩ cɩrɩ, ɩtajɩ waa: Ʋlǝlǝmǝ ʋɖa cɩrɩ cɩrʊɩ kɩla gboo ɩɖa cɩrɩ cɩrɩ. ¹⁷ Ama, ɩta jɩ waa: Bapaɖa ɩla ɖǝn abǝɖa, n'akɩɩ ʋlee oliifʋ kagʋyɔ kagʋyɔgʋŋɔnja, ma, batɔ akɩ acǝr bagaɖusǝ ka, waa: Akɩ nɩ yaʋ ajɩ oliifʋk'ʋlǝlǝmǝ na kabʋŋe kalɩ barka, ¹⁸ Paa kʋma akʋlɔ na kiɖe ɩla ɩsaakafɔɩ na, ʋta naa kʋma akʋlɔ,yɔwaakɩ lee akɩ toŋokaʋlǝlǝmǝ na, ʋlǝlǝmǝ ʋtoŋokakɩ. ¹⁹ Paatɩ lǝ akʋlɔ waa: Bapaɖa ɩla ɩsaaka abǝɖa naatɔɔ amʋ acǝrana. ²⁰ Gasʋonojɩ; Bapaɖaɩ abǝɖa, bagɩfolu gɩkaŋkra laŋ na ba paɖa pɩ, nakɩʋɖa, ʋcine nɖe ʋwǝɖa ma, laŋ.Paa wǝɖa gʋlɔfaŋaka na, acu Gaja. ²¹ Aɖʋwaa: Na Gaja kaalaa ɩla ɩfalja apala na,kaa pala akɩ gboo na. ²² Gɩkiɖe Gaja abʋcǝma , n'ʋnyana; ʋnyanaʋɖa ashee mbaɖee bafǝɖa malaŋ, abʋcǝma bʋɖa ashee aku ʋtoŋo gɩshsbɔ ma, na kɩ lee gǝŋ na batɩ ba paɖa kɩ abǝɖa. ²³ Banigboo bata pala bagɩfolu gcirka, batɩ bakɔɔ acra pɩ; Aɖʋwaa Gaja gawǝɖa ɩkashɩ ataa sǝra alee acǝŋǝ. ²⁴ Ɩtajɩ waa: Akɩ ʋlee olifʋkagʋya gʋŋɔŋja ma, batɔɔ akɩ acǝra na gʋfalja, ɩye fǝlǝ na gʋsaaka yɔwaa: batɩ kɔɔ kʋ acǝra naoliifʋkagʋyo kagɩlopi. ²⁵ Ambawor kǝ ba na yɛɛ waa: Inyir ntǝma nɖe na, naa ɩpaa tɩ tɔɔ anyɩŋgɔlɔ ɖaa mbaɖee bawǝɖa gʋfaŋa awu ba saa ka mana, Israɛl agʋsaʋ, gʋɖǝn gʋfǝɖa bagɩfolo gɩkaŋkǝra laŋ, na mbaɖee kǝba bʋŋa ayɔ Gaja na ma, bani ba kpa ncǝn. ²⁶ Galaŋ Israɛl aŋunii ataa ŋǝ ʋfʋrʋ, afʋra, ɖaa babʋŋa aŋɔn ma, waa: Acamkalawatǝn ataa pɩ siyɔnɩ, ataa laa yaoob ntǝrǝtǝrǝ nɩ; ²⁷ Amalɩkawɩlɩ nɖee ŋkʋr na pɩ ma na gǝŋ,ŋkǝlǝ ma laapɩ mbɔnɔ nɩ ma. ²⁸ Laabaarʋ asaŋsono laŋ bapra ɩbɛrɛ mana, anyɩnalaŋ; Ama, ɩtasaana ʋlaʋ afǝlǝ, ba lee basɔlɔka pɩ, ba baya laŋ. ²⁹ Aɖʋwaa Gaja kaa na lee nshɩŋyɔ, ʋyɩɖʋ ayɩɖa pɩ ma, na agʋjɔɔ laŋ na. ³⁰ Ɖaa kɩbʋŋa na nyene Gaja na, nijɩwaa: Banigboo bʋnyenu kǝ ba nyene na ma laŋ, na anyɩn baŋǝ anyɩnɩshɛɩ. ³¹ Ɖaa gǝŋ ma, nɔɔ kǝ banyene na, naa wɩshɛɩŋǝka nɖee baŋǝ anyɩ nɩ ja ma, bani gboo batɩ ba ŋǝ bɩshɛɩ. ³² Aɖʋwaa:Gaja ga rim bɛrɛ baŋunii aɖʋ ʋŋenu kǝba ŋene na ma nɩ, naa aye ŋǝbɩshɛɩ. ³³ Ô Gaja karisiki kʋloŋ, na agƒaŋa, n’ʋyɔʋ ka gɩcaa asǝra akɛshɩɩ na, kagɩcaa sǝra ayɔ ɩny ŋca na! Aɖʋwaa: ³⁴ Aŋa yɔka, Gaja agʋƒaŋanɩ, kokoo aŋa na cere nɩ ? ³⁵ Aŋa sǝba ka baamʋnʋ kpataa, ajieɩ, ɩɖa ɖa ashee ni, anɖǝnɖǝn ajie ʋkʋmʋ bʋja bʋja! Ami! ³⁶ Alee ka baamʋnʋ kpataa, ajieɩ, ɩɖa ɖa ashee nɩ, anɖǝnɖǝn ajie ʋkʋmʋ bʋja bʋja ! Ami !