¹ Ntɩ ɖʋ anyɩn, ɩkaŋkɩrɩ, ambawor na Gaja kɩshɛɩŋǝka waa: Ɩtɔɔ anyɩnalɔ alaasaraa nɖee aɖa n’ɩnyine ma, ashee Gaja, ɩni ɩlee ka anyɩnabɔɔta nɖee acǝm awu ma. ² Paa matɔɔ anyɩnalɔ aɖʋ na ʋrɔŋ kasaamanɩ nnɖe na, ama, pala ma, anyɩna baa mʋnʋ ɩƒʋba na gʋƒaŋa gʋŋǝrǝ, na ɩsǝra apaɖa paɖa, ayɔ Gaja kʋcinsɔlɔkaɩ ʋcǝm, alee ʋŋǝrǝ, aɖa gɩshɛbɔ ma. ³ Na gʋjɔɩ bashee amʋ ma, kalǝbarka, ntɩlǝ anyɩn baŋunii waa: ʋɖǝn apaa tɔɔ na lǝ waa: Awǝɖa ka gʋƒaŋa awu basaaka na, buro ma, anyɩnalɔ aƒana ƒana ɖaa ʋcɩnewǝɖa kaɩ Gaja gayʋga baaŋa ma ⁴ Aɖʋwaa: Ɖaa gʋlɔ gʋwǝɖa bʋwǝɖa bʋɖu tǝwǝ tǝwǝ ka ma, naa katǝma ɩƒǝlǝƒǝlǝ kɩlee ɩɖɔŋkɔnɔ na ma ⁵ Gaja ci gboo atʋɩ gɩyɔgɔ waa ma, gɩpra gʋlɔ gʋɖɔŋkɔnɔ kʋ, Kristo agʋja, na gɩ lee bʋɖu tǝwǝ tǝwǝ ka. ⁶ Aɖʋwaa: Gaja gayʋga agʋjɔɔ ashee baaŋanaa, nɖee awǝɖa annabi mana bagʋjɔ ma, aƒaŋaƒana alee ɖaa ʋcɩneɩ awǝɖa ma. ⁷ Nɖee bayɩɖa nɩ waa: Alee ntǝma nɖǝn ma, alee ntǝma nɖe: Nɖee ana cere basaaka ma, akara gayɛ acere. ⁸ Nɖee ana ɖʋ basaka ɩkaŋkɩrɩ ma, akagayɛ aɖʋ. Nɖee awǝɖa na shee ma, ashee n’ʋcine ʋsoŋsono, nɖee ana lee waasu ma, alee gɩshɛbɔ, nɖee anaŋǝ basaaka bɩshɛɩ ma, akanagayɛ n’ʋcɩŋkǝr ka. ⁹ Ʋsɔlɔ ʋpaa cǝkla na mʋnaaƒɩki na. Baaŋa aŋo mbɔn. Naatɔɔ agʋlɔ acra na nsoŋsono. ¹⁰ Na ʋsɔlʋ ʋŋǝrǝ, wǝɖa ma ganɔ gaɖɔŋkɔnɔ na rǝŋǝ n’anyɩnbawǝr. Na girma, paa ma na lugo n’anyɩnbawor na. ¹¹ Waɖa ma koŋkarɩ paa ma wǝɖa nƒuŋƒana na. tɔɔ ma, ʋcine alee nɖiyar antǝma. ¹² Yiɖe ma, n'ʋcɩŋkǝrka, nasaa. Wǝɖa ma suuri, ɩ na wɩya nɩ. Kara ma gayɛ na nyiŋǝ Gaja. ¹³ Wǝɖa ma, nashee anyɩnbawor. Na cam anyɩnbawor gɩsana ¹⁴ Ɖʋma albarka mbaɖee ba na naashɛɛ anyɩne ma, ɖʋmapɩ albarka, paama lee pɩ ƒɔɩ na. ¹⁵ Ɖa ma, ʋciŋkǝrka nɩ; na mbaɖee bɩ cine ɩkǝr ma. Mbaɖee ba na yu ma, kaŋma na pɩ ayu. ¹⁶ Wǝɖa ma Gʋfaŋa gʋɖɔŋkɔnɔ nanyɩnbawor. Paa ma yɛɛ bʋkɔɩ bʋwu anyɩn ma na, ama, yɛɛ ma, nɖee ɩna pala arɛ aburo agʋlɔ ma, paama wǝɖa Gʋƒaŋa awu anyɩnralɔ na. ¹⁷ Akʋwor atalee akɩ mbɔnɔ paa sǝla nɩ na.Yɛɛ ma bʋkɔɩ bʋcǝm bɛrɛ baŋyɩɩ ma. ¹⁸ Ɖaa ɩsɩm ma, ɖa maƒɛɛ bɛrɛ baŋunii baŋyɩɩ. ¹⁹ Paa ma sǝla anyɩbawor ʋnyana na, ambasɔlɔkɔ, ama, Pala ma, Gaja gasǝla anyɩnʋnyana: Aɖʋwaa: Baŋɔn waa: Amʋ, nnɩ sǝla ʋnyana, amʋ, nnɩ ma sɛla vɖa, nɖiyor alǝ ka gǝŋ. ²⁰ Ama, akɩbɛrɛ ata na ci akɔmɔ shee nɩ ʋjɩʋ ajɩ; ʋtunyem ʋta na kǝ nɩ, shee nɩ bʋto anyem. Aɖʋwaa ʋta lee gǝŋ ɩɖa ɖa nɖaa ʋkulo atoncʋnʋ kʋtonu na tǝr karɛ anɖi laŋ na. ²¹ Paa pala mbɔnɔ nwu akɩ na, ama, tɔɔ nsono awuna mbɔnɔ.