¹ Baa arɛ, baa apaŋa na, Aɖibaja: Aɖʋwaa: Nɖiyar ɖǝn kaɖoo na gaɖa gaɖǝn na kɩlee Gaja sul na, Aɖibaja baɖe Gaja gatɩ ka pɩ. ² Gala nɖee anabǝla n'aɖɩbaja ma, Gaja kʋnyar na, ana bǝla na ma, na nɖee anabǝla n'aɖi baja ma, atɩyɛe gʋtɔ gʋbɔka nashee balɔ. ³ Kɩlee alesʋra ɩsoŋsono laŋ na batɩ bakǝmcǝmja na, alesʋra ɩbɔnɔ laŋ. Ʋta naa yɛɛ asampǝna ɩpaa kpatɩ na nɖiyar ɖǝn na lee nsono, ataa kʋma akɩ. ⁴ Kamcǝmja alee Gaja katǝŋlee ja na, ashee akʋɖaʋ fɛɛ. Ama ʋta lee mbɔnɔ, shee acuunɩ; Aɖʋwaa: Kɩlee ƒɔɩ laŋ na, anataa agapɔɔ alaŋ na,ɖaa alee Gaja katǝŋlee ja ma, na yɛɛ asǝla ʋnyana naa abɔ mbɔnɔ yar agɔtɔ. ⁵ Galaŋ ɩsǝm ɩnaa nyene pɩ, kɩlee asampǝna na gʋtɔ gʋbɔka, kanɖilaŋ na, ama, ɩsim na. ⁶ Galaŋ na ɩna sǝla lampoo. Aɖʋwa: Bakǝmcǝmja baɖe balee Gaja ka mi,iisi mana pɩ paa nalee ntǝma nɖe gɩshɛbɔ. ⁷ Shee ma, baa aŋa na ɩja, sǝla ma, lampoo yar, alampoo, tɩkee yar, atikee, nɖee ba cuu ma, cu ma nɩ, nɖee bashee Gǝrma ma, shee manɩ agǝr ma. ⁸ Paa ma, wǝɖa n'ʋɖǝn ʋɖa na, na kɩlee ɩsɔlɔ anyɩŋbawor na, aɖʋwaa: Nɖee asɔlɔ bawor ma, atɩlee ɖaa gʋpɔ gʋlǝ ma, ⁹ Aɖʋwaa mʋra mana baɖe: Waa: Kagbɛɖɔ alee gɩsǝna na, kagbɛɖɔ alaa akʋwor aŋŋuro na, kagbɛɖɔ anyim na, kagbɛɖɔ awǝɖa gɩnyɩŋƒɔnɔ na, na bʋkɔɩ bʋɖa ma, ɩwala wala anyaʋ galei gaɖɔŋkɔnɔ nɩwaa; ɩsɩm asɔlɔ akʋwor ɖaa akɩɩlopima. ¹⁰ Ʋsɔlʋ kʋ nalee ʋwor mbɔnɔ na; ʋna pala arɛ asara kaɖeiɖei. ¹¹ Gani gaɖe laŋ anyɩŋgɩlopi ɩ yɔ alʋwatʋ nɖe nɩ gɩɖa waa ma, waa: Alʋwaatʋ nɖe ma, baaŋa aŋǝnǝ agɩfonyine nɩ, Aɖʋwaa nnyǝnǝ na nɖɩnsono nsǝla n'tʋawu ŋkǝlǝ gɩshee ɩja ma. ¹² Ŋkomo, nnaalɩŋ gaɖu gajakʋparʋ ʋsǝla. Baaŋa apala ŋkomonɩkalesʋna, n'atɔɔ ʋkaɖʋnɩ kayɔkɔ akara. ¹³ Baaŋa asara ʋkaɖʋ nɩ kaasana, alɩŋ na, atalɔ ʋjɩʋkunpaashii n'ʋkannyem na basǝprǝ kʋyɛʋfɔɩfɔɩ, n'ajɩwa kalesʋna, bʋboro na cǝnyoro. ¹⁴ Ama, baaŋa atɔɔ nɖiyar Yeesu-Kristo, akara, gɩpaa rǝŋǝ na gʋlɔ kʋcɩŋsɔlɔka naa akpa gɩnyɩŋfɔnɔ nɩ na.