¹ Cam, ma nɖee ʋcine kʋ ka na kpǝn na ma atoŋo nɩ gɩshɛbɔ, paa ma lɔɔru n'anyɩmbawar alesʋra laŋ na. ² Nɖe ashee ɩja galaŋ na ana jɩ baa mʋnʋ,nɖee ʋcine kʋka na kpǝr na ma, laŋ na ana jɩ akǝmbɔ kanɖǝnɖǝn. ³ Nɖee ana jɩ baamʋnʋ ma, apaa pɛʋ na nɖee ka na jɩ fɔɩfɔɩ na ma, na nɖee ka na jɩ fɔɩfɔɩ na ma, apaa ciin na nɖee anajɩ baa mmʋ ma, ɩkǝma na, Ga ga na cam ɩŋunii. ⁴ Aŋa n'kɩ ʋna ciǝ na asaa ka atǝŋlee ja ɩkǝma? Ata yiɖe laŋ kokoo afǝɖa atǝn gari kaa wakɩ na antǝmayar na ga wa. Ama, ataa ta ayɩɖe laŋ aɖʋwaa: Nɖiyar awǝɖa ɩkashɩ ataanɩ ayɩɖe alaŋ. ⁵ Ʋɖǝnatɩ yɔ ɩshile afǝlǝfǝlǝ; nɖǝn aɖe lǝ waa:Iŋunii ɩlee ɩɖǝŋkɔnɔ nɩ. Baaŋa ayɔ ɩja awaɖa, agʋfaŋa nɩ. ⁶ Nɖee ayɔ ɩshile na paɖa paɖa ma, anapaɖa paɖa na nashee nɖiyar, nɖee asaŋkɔɔ na jɩ ma, ana jɩjɩ na shee nɖiyar, aɖʋwaa atɩkʋma Gaja naa ye jɩ, nɖee ka na jɩ na ma, nɖiyar laŋ na abǝla ka na jɩ na, ama, atɩ kʋma Gaja. ⁷ Aɖʋwaa: ʋɖǝn kaɖa ŋŋuro nɩ ashee agʋlɔ na, ʋɖǝn gboo ka saŋkɔɔ na ci na shee agʋlɔ na. ⁸ Aɖʋwaa:Gɩɖaŋŋuro nɩ ma, gɩɖaɖa ashee nɖɩyar; Gɩta saŋkɔɔ acii gɩ cii ashee nɖɩyar, Gɩɖa ŋŋuro nɩ gɩcici i, gɩɖa ashee nɖɩyar. ⁹ Kristo aci na akɔɔ aɖa ŋŋuro nɩ ma.Aɖaɖa ashee bakono na ŋŋuro baja. ¹⁰ Akɩ mʋlaŋ n'ʋna cim n'akʋworɩkǝma? yaa mʋlaŋ na ʋnapɛʋ n'akʋwor?Atɩ ganɔ gɩtɩ gɩ cǝ Gaja kaŋyu bacim n'atʋ ɩkǝma. ¹¹ Aɖʋwa: ʋŋɔn ʋlǝ waa: Mʋ na ŋŋuroyar nɖiyar lǝ ko gǝŋ, waa:kǝwǝ ɩŋunii ɩtu cim amʋŋyɩ na, bʋnɔ bʋŋunii bʋkʋ ma Gaja. ¹² Galaŋ, baa ŋa ataace agɩlopi atɩlee aŋkɔnta ashee Gaja. ¹³ Ʋɖǝn apaa kɔɔ acim n'ʋwor ɩkǝma na, ɩsim gɩyɛɛ gʋfaŋa ɩ gʋkaŋa natʋ ʋɖǝn apaa kɔɔ pɩ na nawɩya ashee ʋwor, kokoo gɩtǝrǝtǝrǝ na. ¹⁴ Nyɔ ashee ɩja nanɖiyar Yeesu waa: Akɔɖǝn ɩmana n'amʋ ɩlee ajɩwa ma.Bʋkɔɩ bʋlee ajɩwa maa, bʋlee ajɩwa nɩ ashee nɖee alǝ waa bʋlee ajɩwa ma na. ¹⁵ Ama, ɩtajɩ waa: ʋjɩʋ nɖee ʋna jɩ ma, laŋ n"akwor ʋcine ʋpɩɛ, gǝŋ ma, kakɔɔ na sana n'ʋsɔlʋ na:Akʋ jɩ ʋnajɩ ma, ʋpaa pala nɖee laŋ Kristo acima, akǝwa nkǝm na. ¹⁶ Bʋkɔɩ bʋcǝm ashee anyin ma, bʋ paa pra gɩlɛʋ basaa sul na. ¹⁷ Aɖʋwaa: Gaja kaayarɩtǝna nɩ, kɩlee ʋjɩʋ n'ʋnyemkan dǝnɖǝn na. Ama, ɖeiɖeikʋɖaʋ, nafɛɛ, n'ʋcɩŋkǝrkaɩ ŋŋuro nsoŋsono nna shee ma. ¹⁸ Arɛɩ ana lee Kristo antǝma ɖaa gǝŋma, ɩtɩ cǝm na shee Gaja na bɛrɛ gboo. ¹⁹ Galaŋ gɩyɛɛ bʋkɔɩ bʋpɩ na fɛɛ ashee atʋ na gɩ wǝɖa ganɔ gaɖɔŋkɔnɔ ace ŋyɩɩ. ²⁰ Ʋjɩʋ laŋ paa ma, pɛɛpɛɛ Gaja kantǝnma, ɩja ɩja baamʋnʋ ɩcɩm: Ama, kɩ cɩm ashee arɛɩ ana jɩ naa ɩpɩ na nawɩya ashee nɩma na. ²¹ Icɔɔ acɩm waa:Arɛ apaa jɩ na, apaa nyem bʋkana na, alaa, agʋlɔ bʋkɔɩ bʋ nɩ bʋ pɩ na nawɩya ashee wor apaatɩ kǝwa ŋkǝm afǝɖa kokoo na wɩya ɖǝn nɩ na. ²² Ʋcine nɖee ʋwǝɖa maa, toŋo nɩ gɩshɛbɔ Gaja kaŋyu. Nɖɩsono ashee arɛ nɖee ka na kǝ agɩlopi agalei alesʋraɩ ana lee ma nɩ na. ²³ Ama, nɖee analee sika na bʋkɔi anajɩ ma, agalei gaci, aɖʋwaa kashee ɩja na. Bʋkɔɩ kashee bʋ ɩja na ma, bʋlee mbɔnɔ njɩ.