¹ Galaŋ, atʋɩ gɩ kaŋkǝr ma, shee gɩ ri na mbaɖe kǝ ba kaŋkǝr na ma, naa ʋɖǝn a paa laa laaru na shee agʋlɔ na. ² Gɩ laa, laarʋ ashee atɩbawor bʋkɔɩ bʋcǝm na yɛɛ bʋce na atʋ ŋyɩɩ ma ³ Aɖʋwaa: Kristo ka laa laarʋ ashee agʋlɔ agɩlopi na, ama, ɖaa ba ŋɔn ma, waa: Aluntɔ n'ɩnawɩya nɖee ba na ɖʋ akɩ ma, amalaŋ n'ɩnafǝɖa. ⁴ Ʋtakiɖe, ʋŋɔnɩ babʋŋa aŋɔn ma, atalaŋ na ba ŋɔn, ba cere n'atʋ naa gɩwǝɖa suuru, ʋŋɔnɖe atʋm pɩ ʋ na plapla naa gɩ wǝɖa tamaa. ⁵ Gajaɩ ga naɖʋ ɩkashɩ na plapla anyɩn ma, ashee anyɩn ɩkashɩ ɖe, ɩɖʋ anyɩmbawor ɖaa Yeesu-Kristo a na yɛɛ ma. ⁶ Naa ɩwǝɖa ganɔ gaɖɔŋkɔnɔ aman nakʋma Gaja, atɩnɖiyar Yeesu-Kristo ayar. ⁷ Cam ma, anyɩmbawor gɩshɛbɔ, ɖaa Kristo, acam anyɩn acam anyɩn ashee Gaja k'ʋkʋmʋ ma. ⁸ Galaŋ ntɩ lǝ waa: Kristo apra mbaɖee ba lee baŋ ma, batǝŋleeja, naa afaŋa Gaja k'ɩja bʋkɔɩ balǝ waa: Batɩ ba shee babaya ma, ⁹ Mbaɖee kǝ ba bʋŋa ayɔ Gaja na ma, bani batɩ kʋ ma Gaja, ɩshɛɩŋǝkaɩ awǝɖa ashee pɩ ma laŋ, ɖaa baŋɔn ma; waa :Galaŋ shee ma kʋma akɩ ɩsamaa bagɩcɩɩca, shee ma yɩɖa atulo n'kɩŋyɩɖa k' ʋkʋmʋ. Na ba kɔɔalǝ acǝŋǝ waa. ¹⁰ Isamaa, ɖa ma, ʋciŋkǝrka na, n'asamaa! ¹¹ Acǝŋǝwaa: Kʋma ma Gaja ɩsamaa baŋunii, shee shee ma nɩ anyɩmbaŋunii. ¹² Ŋkǝŋ na Esaye alǝ waa: Ʋfʋlʋ ɖǝn ,ʋtʋɖoo Isaii abʋŋʋma nɩ, naa jɩ gɩyarɩ Isamaa laŋ; naa ɩsamaa baɖe bawǝɖa na nɩ tamaa. ¹³ Gajaɩ gana shee tamaa ma, gashee anyɩn ʋcɩŋkǝn ka na fɛɛ kʋɖaʋ ʋcine nɖee ɩwǝɖa ma nɩ, naa anyɩn-natamaa ayɔgɔ, na ŋŋuro nsoŋsono kɩ kashɩ. ¹⁴ Ɩtasaa n'anyɩngaja, amʋ nshee ɩja waa: Ɩwǝɖa ʋyɔʋ ʋsoŋsono, ɩtusǝra akaŋa n'anyɩn ɩɖʋ anyumbawar ɩkasɩ. ¹⁵ Ama, bʋɖǝn nɩ, ncɔɔ tɩ yɛɛ ma ŋɔn aŋǝnǝ anyɩn ɩlige,Gaja kagʋjɔɩ ashee amʋ ¹⁶ Waa ma lee Yeesu-kristo aminisi mbaɖee kabayɔ Gaja na ma sul, Gaja kalabaarʋ asoŋsono ka ntǝma ŋŋǝrǝ ɖe, naa mbaɖee kǝ ba yɔ Gaja na ma, bani gboo bapra saraa asoŋsono nɖee aɖa cɩrɩ cɩrɩ na ŋŋuro nsoŋsono ma. ¹⁷ Gǝn ma, ntɩ ma sǝra akʋma aŋgʋlɔ Yeesu-Kristo nɩ, aɖʋwaa: Gaja kantǝma kalesʋraɖe laŋ. ¹⁸ Aɖʋwaa: Maa kǝ ma, caa ŋɔn alesʋraɖe Kristo a kʋn n'mʋ alee, apɩ na mbaɖee kǝ ba yɔ Gaja na ma, ba tɩ nyene Gaja bʋlei n'alesʋra nɩ, ¹⁹ N'ɩkashiɩ ɩma lee maamaaci na biti ka lesʋra na Gaja kaŋŋuro kɩ kashɩ, galaŋ,tɔɔ na Yerusalɛm ka mpá nakɩ wor ace ilirii, nlǝ Kristo alaabaarʋ asaŋsono tuutuuma bʋɖu bʋɖu nɩ. ²⁰ Na ncee koŋkaarɩ alǝ laabaarʋ asoŋsono gaɖuu Kristo ka ce na ma, naa paa tɩ cǝ ʋɖǝn ʋkukei laŋ na, ɖaa ba ŋɔn ma waa: ²¹ Bɛrɛɩ kǝba cee lǝ pɩ na maa, batɩ baŋǝ, na mbaɖee kǝba bʋŋa lǝ pɩ na maa, batɩ ba rǝŋǝ. ²² Bʋkɔɩ laŋ ɩɖʋ amʋ ɩshɛɩ naa kǝ ma pɩ anyɩnasul na ma, nagǝŋ. ²³ Nnyǝmǝ, ʋkɔɖǝn kɩ kɔɔ na barsɩɩamʋ gadʋ ŋgaɖe na, ɖaa nce akʋr niya ɖoo ɖe waa:Mapɩ atɩ ŋǝ anyɩn ma, ²⁴ Ncɔɔ tɩyɛɛ ma ŋǝ anyɩn nta naa fǝl mace Esɩpaanyɩ, nsɔlɔ waa: ɩyala amʋ nta pɩ anyɩnsul ɖaa ɩfana amʋ ma. ²⁵ Nnyimǝnɖe waa: Ntɩ ce Yerusalɛm ma tɩ kaŋa na, mbaɖee ba shee ɩja ma, ²⁶ Aɖʋwaa: Maseɖuanɩ kǝbaja na Akayii ba lee ba gʋlɔtɩlashɩ waa: Shee baɖʋ nɖʋ nɖʋ ashee bashɛɩrɛ mbaɖee ba lee cɩrɩ cɩrɩ kǝbarɛ ɩ baɖa Yerusalɛm ma. ²⁷ Bacɔɔtɩ yɛɛ ba lee gǝ, ɩsǝm ba lee ashee pɩ aɖʋwaa bapala ka na ba yɔ bʋkɔɩ ɩlee cɩnɩ cɩnɩ kantǝma ma, banɩ gboo shee ba kaŋa na pɩ alesʋra ɩsaaka nɩ. ²⁸ Nta ce na gʋjɔ gʋɖe naa aboŋo ntǝmaɖe boŋo, nta naa ce Espaanyɩ ,na mafǝl n'anyɩn gaɖu. ²⁹ N yɔ waa: Nta naa ce anyɩn gaɖu, na Kristo alɩbarka abʋmbɔnɔ na n na ce. ³⁰ Ntɩ ɖʋ anyɩn ɩkashɩ na nɖiyar Yeesu-Kristo na ʋsɔlɔ kaŋŋuro, waa: Ɩkaŋa n'amʋ acǝ gʋtara anyɩŋǝ Gaja ashee amʋ. ³¹ Naa ma sǝra aɖoo Yuɖee kǝbaja bagɩfolu gɩkaŋkna na na gʋjɔɔ ŋgʋɖee nna ce na Yerusalɛm ashee atɩbaja ma, gʋlee gɩ shɛbɔ atɩbaja banyɛ nɩ. ³² Naa ma kpa anyɩnasul n'ʋciŋkǝrka, ɩta jɩ waa: Ɩlee Gaja kʋcɩŋsɔlɔka, naa ma ŋǝ ʋcɩŋkǝrka acɔɔ ŋʋna cei anyɩnasul. ³³ Gaja ŋgaɖee gaɖa fɛɛ ma, ga ɖa anyɩnasul! Ami!