¹ Toŋo ma, atʋnyeŋka fuebee gɩshɛbɔ alee ka Ɖiakɔnɛɛsi saŋkree kacɔɔcɩ nɩ. ² Cam, ma nɩ gɩ shɛbɔ na atɩ nɖiyar aŋyɩɖa ɖaa ɩsɩmi ashee mbaɖee ba lee cɩnɩ cɩnɩ kǝbarɛ ma, kaŋa ma na nɩ bʋkɔɩ a na yɛɛ anyɩnasul ma, aɖʋwaa: Akaŋa na bɛrɛ tuutuuma, n'amʋ gboo. ³ Sala ma Prisɩka na Akilaasɩ, ambakaŋaka na ma Kristo a ntǝma nɩ kǝbɛrɛ pɩ gǝŋ. ⁴ Batɔɔ baŋŋuro ajel, acam amʋ alanatǝn kɩ lee amʋ nɖǝnɖǝn na kʋma pɩ na, mbaɖee kǝ ba bʋŋa yɔ Gaja na ma , bɩ cɔɔcɩ, ba na kʋma pɩ ⁵ Salama, Cɔɔcɩ nɖee aɖa bagafala nɩ ma. Sala ma amasɔlɔka Epaɩnɛtɩ, alee ka Kristo arɛ sǝbaka asii nɩ. ⁶ Sala ma, Marii, acɔɔɖʋ agʋlɔ ɩshɛɩ amalaŋ. ⁷ Sala ma, Anɖronicusɩ na juniasɩ, ambaja pɩ gǝŋ, bani amʋ ma, ba na kaŋa n'amʋ, ba lee barɩbʋmbɔnɔ pɩ Yeesu abatǝŋka bagɩcuca, batɔnɔ amʋ acam Yeesu. ⁸ Sala ma, Ampiliasɩ, amasɔlɔka nɖiyar Yeesu nɩ. ⁹ Sala ma, Urbɛnɩ ata kaŋaka na ma, Kristo cɩntǝma nɩ, na sɩtashiis, amasɔlɔka. ¹⁰ Sala ma, Apelɛɛɛ, ajɩshɛɩ yɔgʋ Kristo laŋ.Sala ma, Arisɩtobul agafala nɩ kǝbarɛ. ¹¹ Sala ma, Heroɖiyɔ, ambʋŋʋma nɩ karɛ.Sala ma, Narsiis agafala nɩ kʋbapɛɩ ba ɖa nɖiyar Yeesu nɩ ma. ¹² Sala ma, Trifɛn na Trifan, ba na lee ntǝma na shee nɖiyar ma. Sala ma, atʋnyeŋka pɛrsiɖǝ, atasɔlɔka alee ntǝma tuutuuma ashee nɖiyar. ¹³ Sala ma, Rufusɩ, nɖiyar asɔlɔka, na nar, alee amaŋa na gboo. ¹⁴ Sala ma, Asɛŋkritǝ, fle gɔɔ, Hɛnmɛsɩ, Patrobasɩ, Harmasɩ, na atɩbawar ɩ ba ɖa basul ma. ¹⁵ Sala ma, filologǝ na juli, Neree n'ʋŋono na olimpǝ, na cɩrɩ cɩrɩ kǝbajaɩ ba ɖa basul ma. ¹⁶ Sala ma, anyɩmbawar naburo anyɩnnalɔ gɩshɛbɔ Kristo ɩcɔɔci baŋunii batɩ sala anyɩn. ¹⁷ Ntɩ lǝ anyɩn waa: Ilee laakaarɩ na bɛrɛɩ bana yɛɛ ba pɩ na ntǝrǝtǝrǝ anyɩngɩcɩɩca na yɛɛ ba paɖa paɖa anyɩn n'ʋceru ɩ ɩcam ma.Liŋ ma na pɩ gaɖu ¹⁸ Aɖʋwaa: Bɛrɛ ɖaa gǝŋ ma, kǝ ba na lee atɩnɖiyar Kristo a n'tǝma na, ama, bancǝna njɩ ba na kǝlǝ; bawǝɖa bʋnɔsaŋkaɩ ba na lomolomo na paapaa na bɛrɛ ma. ¹⁹ Ita saa n'anyɩn ʋnyenuɩ ɩnanyene ma, baaŋa ayɔ nɩ: Ncɔɔ tɩ jaŋ nanyɩngalei, ntɩ yɛɛ waa: ɩwǝɖa gʋfaŋa ayɔ bʋkɔɩ bʋcǝm, na nɖee kɩ cǝm na ma. ²⁰ Gaja ŋgaɖee galee fɛɛyar ma, ataakpal sheetaani anyɩnma naŋa nɩ. Atɩnɖiyar Yeesu-Kristo agʋjɔɔ gʋɖa anyɩnna sul. ²¹ Timotee, amanyɩʋtaja ntǝma nɩ atɩ sala anyɩn, Lusiusɩ, Jasɔ na Sosipaate gboo, ambaja pɩ gǝŋ. ²² Ntɩ sala anyɩn na nɖiyar aŋyɩɖa, Amʋ Tertiusɩ ŋŋɔn ka gʋbɔ ŋgʋɖe. ²³ Gaisu, amarɛbʋmbɔnɔ na cɔɔcɩ aŋunii, batɩ sala anyɩn. Eraasɩ, mpà katantoŋoja atɩsala anyɩn, kartusɩ gboo atɩ sala anyɩn. ²⁴ Atɩ nɖiyar Yeesu-Kristo agʋjo gʋ ɖa n'anyɩnganɔ! Ami! ²⁵ Ndee a naa sǝra ari n'anyɩn ɩtoŋo ɖaa laabaarʋ asoŋsono! ɩkowaasu n nalee na Yeesu-Kristo aŋyɩɖa, ɖaa balǝ ntǝma nɖe nlugo bʋjabʋja ²⁶ Naa nyǝmǝ, Annabi mana baɖe bʋ ŋɔn ʋkaɖa ɖaa Gaja ɩ gaɖa nace nace ma, ganyaʋ ashee ɩsamaa, ba nyene nɩ awǝɖa na nɩ ʋcine, ²⁷ Gaja kanɖǝnɖǝn ga jee gʋfaŋa n'ʋkʋmʋ bʋjabʋja na Yeesu-Kristo aŋyiɖa! Ami!