¹ Yeesu aɖoo ʋnyɩŋu kaafala nɩ ma, na abakəŋja bakəm asəla na nɩ nafaŋa nɩ ɖaa ba ce ʋnyɩŋu kaafala gaɖe ma. ² Ama na abʋye pɩ a lə waa: Naa ɩŋə aləsʋra ɖe ɩŋunii aa? Ntɩ lə anyɩn ɩja waa: ɩŋunii ɩtɩɩ ram atən, ntala nɖən kɩŋtɩ saa ater nwor laŋ na,. ³ Bakpa oliifʋ kayo kagʋbʋnʋ laŋ ma, nabakəŋja ba kəm asəla na nɩ baɖənɖən atabanɩ waa: Saa apaŋa na alɛsʋra ɖe ɩlee. Ʋfaŋʋ ʋpaŋa ʋnfaŋa akʋpɩʋ nɩ, na ɖulinya ʋbon nɩ? ⁴ Na Yeesu a lə pɩ waa: lee ma laakaarɩ ʋɖən apaatɩ paapaa anyɩn na. ⁵ Aɖʋwaa bɛrɛ tuutuuma ba tɩ ba tɩ pɩ amʋŋkəm, na lə waa: Amʋ na kristo. Ba tɩ ba paapaa bɛrɛ tuutuuma. ⁶ Ɩtɩɩ rəŋə atara kabʋlei, n'atara katogi: Asampəna ɩpaa kpa anyɩn na, aɖʋwaa alesʋra ɖe ɩtɩɩ pɩ: ama kɩ ka na alee ɖulinya ʋbon na. ⁷ Samaa ɖən ataa cə na samaa asaka gʋtara, na gɩyarɩ gɩ ɖən gɩ tɩ cə na gɩyarɩ gɩsaaka gʋtara, gakɔŋja ga tɩ gaɖa baa nkana naa bʋtəna bʋtar. ⁸ Alesʋra ɖe ɩtɩɩ ɖa ɖaa bʋŋʋma bʋtasəba na yɛɛ bʋ ri ʋsəmprə, kaayoro ma. ⁹ Ŋkəŋ na basəba na naashɛɛ anyɩn, naa akə anyɩmbaɖən bakono, ɩsamaa batɩ ba ŋo anyɩn, amʋŋyɩda laŋ. ¹⁰ Bɛrɛ tuutuuma ba tɩ ba bəɖa amʋ naa naa paa paa bawor na ŋo bawor. ¹¹ Annabi ɩsəi baja tuutuuma ba tɩ ba pɩ, naa apaapaa bɛrɛ tuutuuma. ¹² Aɖʋwaa mbɔnɔ ntɩ ntɩ yɔgɔ awu, ʋsɔlʋ kʋʋkɔɔ atɩ yɔgɔ na. ¹³ Ama nɖee atoŋo gɩshɛbɔ atɩ waɖa ma, atafʋra. ¹⁴ Shee balaa Gajakaayarɩtəna kasəriya ashee ɩsamaa ɖulinya agatəna gaŋunii nɩ, naa ɖulinya ayebon. ¹⁵ Ga nɩ gaɖe laŋ, ɩta tɩ ŋə mbusuyar n'ʋciŋpɩɛka, nɖee annabi Ɖaniɛlɩ alə agaleɩ ma, akpa asə cɩrɩ cɩrɩ kaaɖu, nɖee anatʋr jɩ ma, atɩ kaashɩ. ¹⁶ Ŋkəŋ na mbaɖee baɖa yuɖee ma, batɩ batɩ ba cuu aboɖo abʋnʋ laŋ; ¹⁷ Nɖee aɖa ŋku kalaŋ ma, kaarɩgə akpa agafala nɩ atɔɔ akɔɖən na. ¹⁸ Na nɖee aɖa awar ma, kaa kɔɔ agaɖu atɔɔ atoko na. ¹⁹ Nɖi ncika ashee basəmprə ɩ baɖa na acəna kokoo mbadee ba na shee bapi anye ma, kɩshɩle ɖe nɩ! ²⁰ Nyiŋə ma, ɩpaa tɩ fana n'ʋnyəŋkrə kasaa kokoo sabaatɩ kʋshile na. ²¹ Aɖʋwaa: ʋciŋpɩɛ ka ʋtʋʋ yɔgɔ awu ɖaa nɖee kə ba ŋə kagʋsʋra ayɔ na, tɔɔ ɖoo ɖulinya ʋsəbʋ nɩ halɩ na nnyɩmə, na kagʋsʋra ka gʋ tɩ ɖaa ayɔ na. ²² Maa kə ba faa k'ɩshile na, m'ʋɖən kaafʋra na: ama, mbaɖee ba laa pɩ afələ ma laŋ, na ba faa kɩ́shile. ²³ Yaabayaa ʋɖən a tɩ na na lə anyɩn waa: Kristo aɖa atɩya, kokoo aɖa waa, paa ma shee ɩja na. ²⁴ Aɖʋwaa: Kristo ɩsəi baja na annabi ɩsəi baja tuutuuma ba tɩ ba pɩ; ba lee maamaaci kaləsʋra na biti kaləsvra, apaapaa na mbadee Gaja galaapɩ ashee agʋlɔ ma. ²⁵ Kiɖe ma, atɩya ncee lee anyɩn boŋo. ²⁶ Galaŋ bata naa lə anyɩn waa: Aɖa ʋteru, nɩ paa ma ce na; kokoo aɖa aku dən nɩ, paa ma shee ɩja na. ²⁷ Aɖʋwaa, ɖaa ʋshile ʋna ɖoo na gajakalaŋ ma, gəŋ ci ʋshilee arɛpur anaa pɩ ma, ɩɖa. ²⁸ Gaɖuɩ abɔrɩ aci ma, ŋkəŋ na ɩguroŋgu ba na wala. ²⁹ Ʋcíŋpɩɛka kɩ́shile ɖe ɩta fəl kpaarɩ, ʋshile ʋtʋʋ shee ŋkomo, ăŋɔrɔ kaakɔɔ kaɖa ŋkomo na, ɩŋɔɔrpi ɩtɩɩ fəɖa atən, naa ɩkashɩ ndee ɩɖa alaŋ ma ɩtugotugo. ³⁰ Ŋkəŋ na arɛpur aɖoo nɖɩla nɩ, ŋkəŋ na ɩɖimi mana ɩɩ baɖa atən atən ma, ba naa beleŋshi, ba tɩ ba ŋə arɛpur arɩgə nɖila nɩ na pɩ na ʋkʋmʋ ʋbʋmbɔnɔ. ³¹ Ataa təm ɩmalaɩka mana ayʋlʋ ɖe tɩ sɩm, naa awala abaja ɖulinya kalkʋɛ ɩnana, tɔɔ na gʋsaʋ gʋsaaka alaŋ ace gʋsaaka nɩ. ³² Tɩ ma kaashɩ waa: Ŋkələ ɩna ŋə fiigə kayo ɩyo abʋ gɩshɛbɔ aɖa nɛkʋ nɛkʋ ma, yɔ ma waa: Gakoloŋ kaaja Gatɩ gacəm. ³³ Galaŋ ɩta tɩ na nə alesvra ɖe ɩtɩ lee yɔ ma waa arɛpur asəla gakukonu. ³⁴ Ntɩ lə anyɩn ɩ ja, saama nɩ nɖe kaa ka na fəl na, alesʋra ɖe ɩtɩɩ lee. ³⁵ Ŋɖɩla na gatəna ɩtu shɛʋ, ama ambʋlei ka bʋ bon na. ³⁶ Ʋɖən ka yɔ kʋshile na, ʋɖən kayɔ kaa kɔŋkɔŋɔ na malaɩka baɖa a laŋ ma kə ba yɔ na, arɛpur gboo ka yɔ na, shee gʋya anɖən ɖən ayɔ ka. ³⁷ Ɖaa isara nuhum alʋwaatʋ ma, gəŋ ci ɩtɩ pɩ arɛpur alʋwaatʋ. ³⁸ Naa bʋto bʋ jɩ gaɖu, bɛrɛ baɖe baɖa na jɩ, na nyem, Nakʋr ɩshiye, na kʋr ɩshiiya na shee bapur, Nuhum akpa ŋyifoi nɩ. ³⁹ Kə ba yɔ waa gaɖən ga tɩ yɛɛ ga lee na, halɩbʋto bʋ pɩ atɩ kulo pɩ baŋunii; ɩtɩ ɩ tɩ pɩ gəŋ arɛpur alʋwaatʋ. ⁴⁰ Bɛrɛ banyɩʋ batɩ baɖa awar; Ba tɩ ba tɔɔ ʋɖən naa apala asaaka. ⁴¹ Basəmprə banyɩʋ batɩ ba naa kpal ʋnarʋ, ba tɩ ba tɔɔ ʋɖən naa apala asaaka. ⁴² Naa ma na tʋŋa gɩshɛbɔ, aɖʋwaa kɩ yɔ ʋshile nɖee anyɩnɖiyar a naa pɩ ma na. ⁴³ Maa gafalayar ayɔ gakɔŋkɔŋɔ ŋgadee apɩtɩrɩ a naa pɩ atɩ nyim nɩ ma, anaa sə́ sə̀ asaa nɩ apaa pi agafala na. ⁴⁴ Gala anyɩn mɩaʋ kpeɖe ma, anyɩŋgʋlɔ, aɖʋwaa arɛpur ataa pɩ saa nɖee kɩ ɖʋ na ma na, na ma. ⁴⁵ Atəŋleeja paŋa wəɖa ka asənsi ada ɖei ɖei, agafalayar atɩ nɩ anaa kiɖe gafala na shee basaaka ʋjɩ saa ndee ɩshɩɛ ma? ⁴⁶ Nɖinsono ashee nɩ, agafalayar atakpa awəɖa nɩ atɩ lee ntəma nɖe! ⁴⁷ Ntɩ lə anyɩn ɩja, waa: agafalayar ataa kɔɔ na gafala ka baamʋnʋ nakamaana ɩŋunii ashee nɩ a naa tɔjɩ. ⁴⁸ Ama atəŋleeja ɖe ata lee arɛbɔnɔ, na lə agʋlɔ waa: Agafalayar kaa pɩ were na, ⁴⁹ na asəba basaaka kʋkəʋ, aman na bakanyeɩnja, na jɩ na nyem. ⁵⁰ N'atəŋleeja ɖe ka yɔ ʋshlɩ na gakɔŋkɔŋɔ ŋgaɖee agafalayar apɩ ma na, ńakpa asɩʋ nɩ. ⁵¹ Afalayar a taa pɔɔ nɩ nku, aɖen na mʋnaafiki baja: Ŋkəŋ na baɖa na yu na fəɖəfəɖə banʋ kɔ́kɔ̀.