¹ Galaŋ Gajakaayarɩtəna gaɖa dan ɖaa bapigii təb mbaɖee kə ba yɔ basoro na ma, bakal bɩfɩtɩla na ce ba tɩ wa na aŋgo. ² Banʋn balee nyashɛshɛ baja, banʋn basaaka bawəɖa gʋfaŋa. ³ Nyashɛshɛ baja ba ta ma, kə batɔɔ kalasɩm shiya na, ⁴ ama gʋfaŋa baja ba ta ma, naa atɔɔ bɩfɩtɩla naa aboŋo kalasɩm atɔɔ shíya. ⁵ ɖaa aŋgo ka kpa were na ma, na gɩfonyine gɩ ri baŋunii baɖa na fol. ⁶ Gajanɩ na ba kuro waa: Tama oo aŋgo atʋ ka gəŋ atɩ wa na nɩ. ⁷ Na bapígii baɖəba ŋənə na pɛmpɛŋɛ bɩfɩtila. ⁸ Na nyashɛshɛ baja balə gʋfaŋa baja waa: shee maatʋ anyɩnakalasɩm atɩfɩtɩla tɩ ci. ⁹ Na gʋfaŋaabaja balə waa: Aaɩ kɩɩ tə atʋ gɩɖʋ atɩfitɩla nɩ na shee anyɩn gboo na, kʋla ma ace bayalaka sul a tɩ shɩ. ¹⁰ Bana ce ba tɩ shɩ ma, na aŋga; Naɖena mbaɖee ba cee kpeɖe ba lɔ, bakpa shiye kaafala nɩ arim gʋcaŋkɔ. ¹¹ Ŋkəm kəm na basaaka ba ye tɩ kpa na lə waa: nɖiyar, nɖiyar tine gʋcaŋkɔ ashee atʋ gɩkpa. ¹² Ama ńatələ ashee pɩ waa: ntɩ lə anyɩn ɩja, kə ma yɔ anyɩn na. ¹³ Galaŋ baaŋa akpeɖe agʋlɔ, aɖʋwaa kɩ yɔ ʋshile na kɩ yɔ gakɔŋkɔŋɔ na. ¹⁴ Ɩtɩɩ tɩ ɖa ɖaa ʋsoro ɖən ana yɛɛ ace ʋnyɩŋca ma, n'ayɩɖa abatəŋleeja naa ashee pɩ amaana. ¹⁵ Na ashee asəbaka ɩkɔbɔ banʋn, anyɩʋtaja ɩkɔbɔ banyɩʋ, arɩʋtaja kɔbɔ ɖən. Ɖaa baaŋa anaa shɩ səra ma. ¹⁶ Ŋkəŋ ɖe na nɖee acam ɩkɔbɔ banʋn ma, amana lee gʋfala aŋə riiba ɩkɔbɔ banʋn acəŋə. ¹⁷ Na ndee acam ɩkɔbɔ banyɩʋ ma, ʋnígboo alee gʋfala aŋə riiba ɩkɔbɔ banyɩʋ acəŋə. ¹⁸ Ama nɖee acam kɔbɔ aɖɔŋkɔnɔ ma, ʋni ace atɩ ko gʋkulu alugo antəmayar agɩtanɩ. ¹⁹ Ɩtɩ lɩŋ ma, na bantəma yar akpa ayɩɖa pɩ waa: Ba pɩ atɩ lee baŋkɔŋta ashee nɩ. ²⁰ Na nɖee acam ɩkɔbɔ banʋn ma, ace atəmayar aŋyɩ a lə nɩ waa: nɖiyar ɩkɔbɔ banʋn pɩ ʋcee ashee amʋ, na nkɔɔ aŋə riiba ɩkɔbɔ banʋn, ɩnookawa. ²¹ N'atəmayar alə nɩ waa: ɩcem, atəŋleeja asoŋsono ɖei ɖei kaja, sara ɖei ɖei n'ayɔkɔ ɩjala, nnyəmə ntɩ shee akɩ ɩbʋmbɔnɔ, kpa akɩntəmayar ʋciŋkərka nɩ. ²² Na nɖee acam ɩkɔbɔ banyɩʋ ma, ʋni gboo akəm asəla na antəmayar a lə nɩ waa: Nɖiyar ɩkɔbɔ banyɩʋ pɩ ʋbʋŋa ashee amʋ na nkɔɔ aŋə banyɩʋ apele. ²³ Nátəmayar alə nɩ waa: ɩcəm, atəŋleeja asoŋsono ɖei ɖei kaja, ʋsara ɖei ɖei nayɔkɔ ɩjala, nnyəmə ntɩ shee akɩ ɩbʋmbɔnɔ; kʋla akpa akɩntəmayar ʋcɩŋkərka nɩ. ²⁴ Nɖee acam kɔbɔ aɖɔŋkɔnɔ ma, ʋni asəla na antəmayar naa lə nɩ waa: Ncɔɔ ayɔ waa ʋlee arɛ nɖinkaŋkrayar na, gaɖuu kaɖu na ma, nkəŋ na ʋ na piɖe, gaɖuu ka ŋum na ma, ŋkəŋ na ʋ na wala; ²⁵ Ntɩ cu nakɩ asampəna, na ce atɩ lugo akɩɩtanɩ gatəna katən gɩ nookama cam akayɔkɔ. ²⁶ Na atəmayar alə nɩ waa: Atəŋleeja abɔnɔ nfuŋfanayar, ʋyɔ waa gaɖuu kə ma ɖu na ma, ŋkəŋ na n na piɖe, na gaɖuu kə ma ŋum na ma, ŋkəŋ na nna wala ma. ²⁷ Mʋ lee ka, ka ce na aŋgɩtanɩ atɩ ɖʋ baci nɩ, naa ntatɩkɔɔ ma ŋə kariiba na. ²⁸ Cam ma na nɩ kɔbɔ naa apele nɖee awəɖa ɩkɔbɔ təb ma. ²⁹ Aɖʋwaa shee bapele nɖee awəɖa ma, naa ɩja ɩyɔgɔ ama nɖee kawəɖa na ma, shee bapɩr na nɩ nɖee ana ɖʋ na tamaa ma. ³⁰ Fɔɩ katəŋleeja ɖe kəʋ ma nɩ nkoma nɩ aka, ŋkəŋ na a naa yu na fəɖə anʋkɔkɔ. ³¹ Kələ nɖee arɛpur anaa tɩ pɩ ʋkʋmʋ nɩ, na amalaɩka mana ma, ataa sə ʋkʋmʋ kamboi laŋ. ³² Ɩsamaa baŋuni batɩ bawala aŋyɩɩ. Naa apaɖa paɖa pɩ, ɖaa abɔripaŋaja ana paɖa paɖa ɩrama n'ɩce ma. ³³ Ataa ɖʋ ɩrama nagʋnyɛsono n'aɖʋ ɩce nagʋnyɩpɛnɛ. ³⁴ Ŋkəŋ na gʋyarɩ alə mbaɖee baɖa na gʋnyɛsono ma, waa: pɩ ma, anyɩn mbaɖee amawɛɛ aɖʋ alɩbarka ma, pɩ ma atɩ cam Gajakaayarɩtəna ajee ba cee kpeɖe jɩ ashee anyɩn, na ba ye lee ɖulinya ma; ³⁵ Aɖʋwaa: Akɔmɔ ɩna kə amʋ ma, ɩshee amʋ ʋjɩʋ njɩ, ʋtunyem ʋkpa amʋ ma, ɩshee amʋ bʋto nnyem; Nkpa anyɩŋgadu ma, ɩcam amʋ gɩsana; ³⁶ n'da nkɔlɩ ma, ɩkara amʋ ɩtoko, nna shɛɖɛ ma ɩpɩ atɩ jeɖe amʋ; Nda sarka nɩ ma, ɩpɩ amasul. ³⁷ Ŋkəŋ na mbaɖee baɖa ɖei ɖei ma, ba tələ ashee nɩ waa: Nɖiyar nka na gɩ ŋə akɩ akɔmɔ ɩ na kəwakɩ na gɩshee akɩ ʋjɩʋ ʋjɩ, yaa nka na gɩ ŋə akɩ ʋtunyem ʋnakə akɩ na gɩshee akɩ bʋto ʋnyem: ³⁸ Nka na gɩ ŋə akɩ acam gɩsana atɩgaɖu kokoo ʋɖa nkɔlɩ na gɩshee akɩ ɩtoko ʋkara? ³⁹ Nka na gɩ ŋə akɩ ʋnashɛɖe yaa sarka nɩ, na gɩpɩ akasul? ⁴⁰ Ŋkəŋ na gʋyarɩ alə pɩ waa: Ntɩ lə anyɩn ɩja waa: Alesʋra akpala gʋya gʋya ɩ lee ashee ambapa mbaɖe kajala ɖən ma, amʋna ɩ lee ashee. ⁴¹ Ga nɩ kaŋkəm na alə mbaɖee baɖa na gʋpɛnɛ ma, waa: bɔ ma anyɩŋgʋlɔ alɩŋ namʋ gaɖu laalɩ baja; kʋlama ʋtonu ndee bakpeɖe ashee sheetaanɩ n'ɩmalaɩka ma nɩ. ⁴² Aɖʋwaa: Akɔmɔ ɩnakə amʋ ma, kɩ shee amʋ ʋjɩʋ ma jɩ na; ʋtunyem ʋkpa amʋ ma kɩshee amʋ bʋto manyem na; ⁴³ Nkpa gɩsana anyɩŋgaɖu ma, kɩcam amʋ na; nɖa nkɔlɩ ma kɩ kara amʋ ɩtoko na; n nashɛdɛ kokoo nɖa sarka nɩ ma, kɩ pɩ atɩ jeɖe amʋ na. ⁴⁴ Naa ba nɩ gboo batələ ashee nɩ waa: Nɖiyar nka na gɩ ŋə akɩ akɔmɔ ɩna kə akɩ na kɩɩ shee akɩ ʋjɩʋ na, yaa ʋtunyem ʋkpa akɩ na kɩɩshee akɩ bʋto na kokoo gɩsana, yaa ʋna shɛɖɛ, yaa ʋɖa sarka nɩ, na kɩɩ jeɖe akɩ na? ⁴⁵ Ŋkəŋ na atələ ashee pɩ ntɩ lə anyɩn ɩja waa: Alesʋra nɖee ɩshɩbla kɩ lee ashee bapi bajala mbaɖe na ma, amʋ na kɩɩlee ashee na. ⁴⁶ Bani baɖe ba ce gʋtʋ gʋbɔka ŋgʋdee kʋʋ wəɖa gayala na ma nɩ, ama mbaɖee baɖa ɖei ɖei ma, ba ce ŋŋuro nɖee hɩŋwəɖa gayala na ma nɩ.