¹ Na Yeesu a lə samaa ńabakəŋja waa. ² Babɔŋɔnja na Fariisikəbaja ba sə Musa amboi ni. ³ Bʋkɔɩ ba na cere a nyɩn ma, lee ma, ama paa ma sara bagasana na, aɖʋwaa: Bʋkɔɩ ba na lə ma, kə ba na lee bʋ na. ⁴ Ba tɩ taa ʋɖʋra nɖee ʋsɔm ma, na toŋo bɛrɛ Ama bagɩlopi kə ba na yɛɛ ba lɔɔlɔɔ ataa na bagɩsɩwa na. ⁵ Ba na lee balesʋra nɩ na yɛɛ bɛrɛ ba naa ŋə pɩ. Ba tɩ pɔɔ bɩtoko na ce ntəma ɩbɔɖɔka na para bɩtoko laŋ. ⁶ Basɔlɔ bʋɖu ŋərə na bʋɖusəbaka kʋsəʋ ɩjɩŋgaarɩ nɩ n'ɩsinagɔɔgə nɩ; ⁷ Basɔlɔ ba naa sala pɩ nsala nsaŋsono nɖɔŋka, naa naa yɛɛ waa ba na yiɖa pɩ waa: ʋŋono. ⁸ Ama anyɩn paa ma pala ba naa yɩɖa anyɩn waa: Baŋono na; Aɖʋwaa ʋɖɔŋkɔnɔ alee ka anyɩnaya, ńanyɩn ɩlee arɛ n'ʋwor. ⁹ Paa ma yɩɖa ʋɖən ɖulinya agatəna nɩ waa: ataya na; Aɖʋwaa ndee ada alaŋ laŋ ma, a lee ka anyaya. ¹⁰ Paa ma pala bayɩɖa anyɩn waa: ŋɖiyar na, Krristo a lee ka anyɩnɖiyar. ¹¹ Nɖee alee ʋŋono anyɩŋgɩcuca ma, apra anyɩnatɩŋleeja. ¹² Arɛ nɖee ana taa agʋlɔ alaŋ ma, shee barigə nɩ atən, ndee ana buro agʋlɔ atən ma, shee ba taa nɩ a laŋ. ¹³ Nɖi ncika ashee anyɩn babɔŋɔnja na Fariisi kəbaja, mʋnaafiki! ɩtɩ kə bɛrɛ waa ba paa kpa Gajakaayaritəna nɩ na anyɩgŋɩlopi kɩ na yɛɛ ɩkpa na, kɩ na yɛɛ ɩshee mbadee ba na yɛɛ bakpa ma, ganɔ na. ¹⁴ Nɖi ncika ashee anyɩn babɔŋɔnja na Fariisi kəbaja mʋnaafiki! Ɩti taŋataŋa bakakaŋka bɩfala, naa naa lee ʋnyɩŋu ʋlama lamaka; Gani gade laŋ anyɩnɩkəma ɩtɩɩ kaŋkər. ¹⁵ Nɖi ncika ashee anyɩn babɔŋɔnja na fariisi kəbaja mʋnaa fiki! Adʋwaa ɩtɩ cu na ce təŋku kaanɔ na yɛɛ bɛrɛ bafʋba nɖawa, ba tafʋba boŋo anyɩɩ cere pɩ bapra ʋtonu kəbapi. ¹⁶ Nɖi ncika ashee anyɩnɩ ɩna toŋo bafɔnɔrɛ ma! naa naa lə waa: ʋɖən ata cam na ʋnyɩŋu kaafala ka wura, alee gɩshɛbɔ. ¹⁷ Nyashɛshɛ na bafɔnɔrɛ! kɩ paŋa lee ka kpatakɩɩ, wura ana pɛmpɛŋɛ anɛ yaa ʋnyiŋu kaafala ga na pɛmpɛŋɛ arɛ? ¹⁸ Nɩɩkɔɔ na lə acəŋə waa: ʋɖən ata cam na saraaka ntomo ɩlee fɔɩ, ama ata cam na saraa ndee atəɍ ntamo laŋ ma, alee gishɛbɔ. ¹⁹ Bafɔnɔrɛ! kɩpaŋa lee ka kpatakɩɩ saraa yaa ntomo nna pɛmpɛŋɛ saraa? ²⁰ Ndee acam na ntomo ma, acam na bʋkɔɩ bʋtər ntomo laŋ ma na. ²¹ Nɖee acam na ʋnyiŋu kaafala ma, acam na nɖee ana ɖa gafal gaɖe nɩ ma na. ²² Nɖee acam na nɖəla ma, acam na Gaja kaŋyariboi na nɖee asə nlaŋ ma. ²³ Nɖi ncika ashee anyɩn babɔŋɔnja na Fariisi kəbaja mʋnaafiki! Aɖʋwaa ɩtɩ səla anyɩnawar yɔkɔ kakpala təb kɩja, ama naa apala ndee ɩlee kpatakɩɩ ma, ɩnɩ nɩ gəŋ, gʋpɔ, na ɖei ɖei kaasana, n'ɩshɛɩ ŋəka, n'ɩja kʋsheu. ²⁴ Bʋkɔɩ ɩsəm ɩlee ma na gəŋ, ɩpaa sər ɩɖən na. Anyɩn ɩ ɩ natoŋo bafɔnɔrɛ ma, ɩtɩ saŋa ɩsʋŋa naa naa mən ɩraakum. ²⁵ Nɖi ncika ashee anyɩn babɔŋɔnja na Fariisikəbabaja mʋnaafiki! Aɖʋwaa ɩtɩ raʋ anyɩmbʋsəwa na nyɩna nyaŋʋ kaŋkəm, ama kancən ɩɖe para ajɩwa aɖɩfɔrɔ. ²⁶ Bafɔnɔrɛ anyɩn Fariisi kəbaja, rav ma, anyɩmbʋsəwa na nyɩnanyanʋ kaŋcən aboŋa nɩ, naa kaŋkəm ɩ ye cəm. ²⁷ Nɖɩ́ ncika ashee anyɩn babɔŋɔnja na Fariisikəbaja mʋnaafiki! Aɖʋwaa ɩɖa ɖan ɖaa akufoɩ bapenti ɩcəm ʋŋəʋ gɩshɛbɔ ma, ama kancəna nɩ ɩkəwa ɩkʋŋkɔnɔ ɩriŋə ka ncən kɩcəm ʋkiɖu na. ²⁸ Gəŋci gboo ɩɖa, batɩ ŋə anyɩn waa: ɩcəm, ama anyɩn cəna nɩ, mʋnaafiki na mbɔnɔ ŋkʋŋkɔnɔ ɩɖa ka. ²⁹ Nɖi ncika ashee anyɩn babɔŋɔnja na fariisikəbaja mʋnaafiki! Aɖʋwaa ɩtɩ pɛmpɛŋɛ annabi mana na ɖei ɖei kəbarɛ bakufo na cə naɖʋ ɩyeeyee. ³⁰ Anyɩɩtɩ lə waa: Maa gɩ ɖa atɩbaya baŋkələ, maa kɩɩ kaŋanapɩ akə annabi mana mbaɖe na. ³¹ Gasono ɩlafʋ tɩ laa səriya nafaŋa waa: ɩlafʋ alee anyɩmbaya mbaɖee bakə annabi mana baɖe ma bá bà pi. ³² Galaŋ ɩtɩ lee anyɩmbaya bantəma. ³³ Ɩbu nɩ́lee, mpere kabʋsheme baja anyɩn, ɩtɩɩ səna afɔɖɔ ɩkəma n'ʋtonu nɩ aa, ³⁴ Ganigaɖe laŋ, ntɩ ma təm annabi mana, na bayɔka na babɔŋɔnja ashee anyɩn. Ɩtɩɩ kə baɖən, naa akal baɖən gʋyolaŋ, naa akəɖa baɖən ɩpɛ anyɩnɩ sinagɔgə nɩ, n'ater baɖən baŋkəm ace apa Ɩsaaka nɩ. ³⁵ Alesʋra ɖe kambɔnɔ ntɩŋkəwa aryɩɖɩla, ɩfʋr ɖulum baja bakɔnɔ atən, tɔɔ na abɛl ɖei ɖei karɛ akɔnɔ hali Sakari Barashii ʋpur, ɩkə ʋnyiŋukaafala na saraa kantomo kagɩcuca ma. ³⁶ Ntɩ lə anyɩn ɩja alesʋra ɖe ɩŋunii ɩtɩɩ kəwa saamanɩ nɖe anɖilaŋ. ³⁷ Yerusalɛm Yerusalɛm, akɩ nɖe ʋna kə annabi mana na nyɩm atala mbaɖee batən ashee akɩ ma, akpala baɩ nnɩ mawala akɩbapi amʋŋyɩ ɖaa acɩrɩ ana wala bapur apəra nɩ na kɩ sɔlɔ gale ɩ gaɖe na mal. ³⁸ Anyɩŋgafala ga tɩ ga pra ʋteru. ³⁹ Nti lə anyɩn kɩɩ kɔɔ aŋə amʋ na, halɩ ɩpɩ ɩpɩ tɩ na lə waa: Alibarka aɖa ashee nɖee atʋ na pɩ nɩ́koyar aŋyɩɖa ma.