¹ Gajakaayarɩtəna gada ɖan ɖaa gawarayar ɖən ɖoo gaǰakajaka na yɛɛ bapaaja ba lee ntəma ashee nɩ agawara nɩ ma. ² Aɖe napɩ baɖʋ gʋyá afana waa: ʋshile ʋpələmə kagɩtanɩ jɩ a naa səla pɩ, ňalə pɩ waa ba ce atɩ lee ntəma. ³ Gakɔŋkɔŋɔ gariutaja nɩ, adoo ma, naa ŋə baɖən ba sə kə ba na lee nɖən na. ⁴ Na alə pɩ waa: Anyɩn gboo kʋlama ace aŋgawara nɩ atɩ lee ntəma naa ma səla anyɩn ʋɖa ndee ɩsəm ma na ba nɩ gboo ba ce atɩ lee ntəma. ⁵ Ɩtɩ kə ɖaa bʋkɔŋkɔŋɔ bʋkoloŋ na ce cunɩ ma, n'akɔɔ aɖoo acəŋə. ⁶ Na ce bʋkɔŋkɔŋɔ təb na gadən ma, n'akɔɔ ɖoo, naa ŋə baɖən ba sə taagbaa laŋ fɔɩ kə ba na lee nɖən na, na lə pɩ waa: mʋ lee ka ɩsə a tɩya halɩ ʋhile ʋkpər kɩ na lee nɖən na? ⁷ Na batələ ashee nɩ waa: ʋɖən kaɖʋ atʋ atʋ ntəma na ma ni. Na alə pɩ waa: tamace aŋgawara nɩ. ⁸ Ʋshile ʋfana ma, na gawarayar a lə atəŋleeja waa: Ayiɖa bapaaleeja asəlapɩ bʋɖa a səba na bakəŋja naa aboŋo na batɔnɔka. ⁹ Mbaɖee ba ce ntəma bʋkɔŋkɔŋɔ təb na gadən ma, ba nɩ ba cam ʋshíle ʋpələmə kítanɩ. ¹⁰ N'ɩtɩ cəm na mbaɖee basəba ntəma gajakajaka ma ba ni boɖe batɩ tam waa: Bɩ ja ɩtu wu basaaka bɩja, amaa gʋtaŋya gʋɖɔŋkɔnɔ kʋ ba səla baŋunii. ¹¹ Ba na cam bɩtanɩ ma, baɖə batɩ ŋumoŋumo na bor na gawarayar. ¹² Na lə waa: bakəŋja mbaɖe gakɔŋkɔŋɔ jɩ ba lee ntəma, n'ʋsəla atʋ gbara gbara, atʋɩ gɩlee ntəwa ɩkpa atʋ n'ashilipilɛ ma. ¹³ Na gawarayar alə nɩ waa: Amʋsoro, kə ma mulee ki na, kɩɩ cee a lə fana waa: ʋshile ʋpələmə k'agita nɩ jɩ ma səla aa? ¹⁴ Cam a kɩ́tanɩ afəl asaamʋ, ntɩ yɛɛ ma shee kəŋja nɖe ɖaa nṣhee akɩ ma, ka ɖeidei. ¹⁵ Kə ma wəɖa ɩko ma lee n'mayɔkɔ bʋkɔɩ nsɔlɔ ma aa? Yaa ncəyoro mpaŋa njɩ gəŋ ʋwəɖa namʋ ncəm ashee basaaka ma gəŋ? ¹⁶ Galaŋ bakəŋja ba tɩ ba pra batɔnɔka naa batɔnɔka ba pra bakəŋja. ¹⁷ Yeessu n'bakəŋja ba na ce Yerusalɛm ma na ayɩɖe abatəmka təb na banyɩʋ ʋpaŋ paŋa na lə pɩ ʋnyɩŋcalaŋ waa: ¹⁸ Gɩ tɩ ce Yerusalɛm, ŋkəŋ na ba ri arɛpur ashee basaraalaaja na babɔŋɔnja, batɩ ba kə nɩ a cii, ¹⁹ Batɩ ba ri nɩ akara mbadee kəba yɔ Gaja na ma, banyɛ nɩ, naa bakiɖe nɩ fɔɩ akəɖa nɩ ɩpɛ n'kal nɩ; Naa ʋshile ʋriutaja ataakɔɔ aŋənə. ²⁰ Na sebeɖee akar atoŋo bapur banyɩʋ acim atəm Yeesu aŋyɩɩ na nyiŋə nɩ. ²¹ Na Yeesu a taba nɩ waa: Mʋ nʋ ʋna yɛɛ ma lee n'ʋsəmprə a lə nɩ waa: saa ndee ʋnaatɩ pɩ akuyari nɩ ma, ambapi banyɩʋ mbaɖe ʋɖən a sə a kʋnyɛsono laŋ naa asaaka asə akʋnyɩpɛnɛ laŋ. ²² Na Yeesu abuye nɩ waa: kɩ yɔ bʋkɔɩ ɩ na taba ma na. Ɩtɩɩ səra anyem gakupi ŋgadee ma nyem ma aa? Na ba tələ waa gɩtɩgɩ nyem. ²³ Na Yeesu atələ ashee pɩ waa: Gasono jɩ ɩtɩɩ nyem aŋ gakupi; Ama, mbaɖee ba sə gʋsono na gʋpɛnɛ laŋ ma, kɩɩ ɖoo na amasul na, ama bʋɖu bʋɖe bʋda ɖa ashee mbadee amawɛ a laa ma. ²⁴ Təb mbaɖee basaa ma, ba rəŋə gəŋ ma, na ba cam ʋnyana na bor na sebedee bapur banyɩʋ. ²⁵ Na Yeesu ayɩɖa pɩ, naa lə pɩ waa: Ɖulinya nɩ kəbayarpɩ ba na ŋɔ gɩyarɩ jɩ na bɔbɔ na bawor, ama mbaɖee ba lee kəbaŋono ma, ba na pɩr jɩ. ²⁶ Kɩɩ ɖa gəŋ anyɩgɩcɩɩca ayɔ na. Ama nɖee ana yee alee ʋŋono ma shee karɛ apra anyɩnatəŋleeja: ²⁷ Ndee ana yɛɛ alee atɔnɔka ma, shee karɛ apra anyɩnaɖɔmpəla. ²⁸ Galaŋ arɛpur ka pɩ waa ba lee ashee nɩ na, apɩ pɩ alee ashee n'acam tuutuuma a lam atən. ²⁹ Aɖoo Yerikoo kampa nɩ ma, na samaa abʋmbɔnɔ atər aŋkəm. Bafɔnɔrɛ banyɩʋ baɖe ba sə ʋnyɩŋca kʋpaŋpaŋa. ³⁰ Barəŋə waa: Yeesu a na fəl ma, na bakuro na lə waa: Nɖiyar Ɖaʋda ʋpur ŋə atɩshɛɩ. ³¹ Samaa ɖe tɩ lə pɩ waa ba ŋʋra apɔɔ babʋnɔ, ŋkəŋ na bapɛmpɛŋɛ na kuro kəŋkəŋkəŋ waa: ŋə atishɛɩ nɖiyar Ɖaʋɖa ʋpur! ³² Na Yeesu ayɩɖe, n'ayɩɖa pɩ, ataba pɩ waa: mʋ nʋ ɩ na yɛɛ ma lee? ³³ Na ba lə nɩ waa: Nɖiyar, atɩnyɩne ɩtine. ³⁴ Na Yeesu aŋə bɩshɛɩ, na afɔm bɩnyine, nɩɩ mana atine kpaarɩ bater.