¹ Yeesu n'abakəŋja ba na ce Yerusalɛm, basəla na Bɛtɩfagee kampa oliifʋ kayo kagʋbʋnʋ laŋ ma na atəm abakəŋja banyɩʋ. ² Alə pɩ waa: kʋla ma ace gapapiri ŋgadee gaɖa anyɩŋyɩɩ waa ma; ɩtɩɩ ŋə garaŋkɔŋkɔŋɔ na kaafana fana ka kʋɖa ma bʋ apɩ na ma ashee mʋ. ³ Ʋɖən ata taba anyɩn gaɖən lə ma karɛ waa: Nɖiyar a na yɛɛ, naa bapala ashee anyɩn. ⁴ Ŋkəŋ na galei ɩ anabi abʋŋa lə ma, ɩlee ŋkəŋ na wa: ⁵ lə ma siyɔɔ kʋpigii waa: ŋə akʋpayarɩ atʋ ka gəŋ shɛlɛm asə garaŋkɔŋkɔŋɔ na kaajala laŋ gəŋ. ⁶ Na Yeesu abakəŋja ba ce atɩ lee ɖaa a lə pɩ ma. ⁷ Apɩ na garaŋkɔŋkɔŋɔ na kaajala, na babɔlɔ ntokopəʋ galaŋ na Yeesu aboɖo galaŋ asə. ⁸ Na bɛrɛ tuutuuma babɔlɔ bayɔkɔkaraka ʋnyɩŋca laŋ, baɖən bade batɩ sɔ ayokabɔ na bɔlɔ ʋpeli laŋ. ⁹ Mbaɖee batɔnɔ Yeesu aŋyɩɩ na mbadee batər aŋkəm ma, baɖe ba tɩ kuro waa: Osaana ashee Ɖaʋɖa ʋpur! Albarka ashee nɖee atʋ na ɩkoyar aŋyɩɖa ma! osaana. ¹⁰ Yeesu Yerusalɛm kampa nɩ ma, mpà ŋunii nɖe ntɩ tugo tugo: Baɖe batɩ taba waa: Aŋa na kagʋrisʋra. ¹¹ Na ba lə pi waa: Anabi Yeesu Nasarɛɛtɩ kaja aɖa galilee ma na. ¹² Kaŋkəm na Yeesu akpa ʋnyiŋu kaafala gabʋ mbɔnɔ nɩ naa akərə mbaɖee ba na yala ayɔkɔ na mbaɖee ba na shɩ ʋnyɩŋu kaafala nɩ ma; naa pikil mbaɖee ba na fʋba ceŋji ma, bɩ tebin abəɖa naa akərə ɩlikuku baja. ¹³ Na Yeesu a lə pɩ waa: Ba ŋɔn waa: Aŋgafala ga lee ʋnyiŋu kaafalajɩ na'anyɩn ɩtɔɔ jɩ apra gajotofala. ¹⁴ Bafɔnɔrɛ ní falaŋfalaŋ ma na ba kəm asəla na nɩ ʋnyiŋu kaafala nɩ n'akaɖa baŋunii bɩshɛɖʋ. ¹⁵ Ama basaraalaaja nababɔŋɔnja ba ŋə aləsʋra ɩŋərə nɖee Yeesu alee ʋnyiŋu kaafala nɩ, na bapi ba na kuro waa osaana ashee Ɖaʋɖa ʋpur ma! Na ba lə nɩ waa: ʋrəŋə ba na lə ma aa? ¹⁶ Na Yeesu abuye pɩ waa: lɩɛ, kɩ kana tʋr galei gaɖe waa: ʋpala bapi bajala na mbaɖee ba na nyara nnye ma, bakʋma akɩ ma aa? ¹⁷ Atəbə ba sul ma, naɖoo mpa nɩ a ce Betanii naa ɖa nkəŋ gijibɔŋɔ. ¹⁸ Gaja gakʋɖa gajaka ma, akɔ na yɛɛ akpa mpa nɩ ma, n'akɔmɔ ɩkpa nɩ. ¹⁹ Aŋə fiigə kagʋyɔ ʋnyɩŋca kʋpampaŋa ma, na akəm asəla nakʋ; Ama ka ŋə baa gɩ pi na abɔ ɩkʋŋkɔnɔ ɩɖaka, na a lə fiigə kagʋyo waa gʋyokɩ kaakɔɔ aŋʋm ayɔ nɔ; na fiigə kagʋ yo gʋ kʋ kpaarɩ. ²⁰ Abakəŋja baŋə gəŋ ma nílee pɩ naamaaci, na ba lə waa: baɩ laŋ na fiigə kagʋyɔ gʋkʋ kpaarɩ gəŋ? ²¹ Na Yeesu alə pɩ waa: Ntɩ lə anyɩn ɩja, ɩta wəɖa ʋcine na kɩ lee sika na, kɩ lee bʋkɔɩ bʋ wəɖa fiigə kagʋyo waa ma kandədən nɩ́lee na, ama ɩtɩɩ lə gʋbʋnʋ ŋgʋde waa: Təbə nkəŋ atɩ fəɖa teŋku nɩ, ɩtɩɩ lee ɖaa gəŋ ma. ²² Bʋkɔɩ ɩwəɖa na bʋ ʋkine naa ataba ʋnyiŋu nɩ ma, ɩtɩɩ ŋə. ²³ Yeesu akɔɔkɔɔ akpa ʋnyiŋu kaafala nɩ na cere bɛrɛ ma, ŋkəŋ nabasaraalaaja kaɖibaja na mpa kəbaŋono ba ce asul ataba nɩ waa: ɩko paŋa nɩ ʋna lee a lesʋraɖe na aŋashee kakɩ ɩko ɖe? ²⁴ Na Yeesu alə pɩ waa: Ntɩ yɛɛ ma taba anyɩn gboo alei gaɖən, ɩta tələ ashee amʋ, ntɩ ma lə anyɩn gaɖuu ŋŋə ɩko ɖe na lee alesʋra ɖe ma. ²⁵ Yohana abʋtomənaka bʋ ɖoo na nka na? alaŋ yaa bɛrɛ sul? Ama na baɖa na lə bagʋlɔ waa: Gɩta lə nɩ waa; Alaŋ na, alə atʋ waa mʋ leeka na kɩshee nɩ ɩja na. ²⁶ Gɩta saŋkɔɔ le nɩ waa: Bɛrɛ sul na, asampɩna ɩtɩ kpa atʋ aɖʋwaa baaŋa ayiɖe waa: Yohana alee annabi na. ²⁷ Na ba lə waa: Atɩɩ kɩɩ yɔ na, na Yeesu alə pɩ waa: Amʋ mɩaʋ kə ma lə anyɩn gaɖuu amɩko ɩɖoo na ma, ma na. ²⁸ Gapaŋa jɩ ɩna ŋə? ʋsoro ɖən awəɖaka bayifa la bayifala banyɩʋ; Na lə asəbaka waa: Ampi, kʋla ace ʋrɔŋ aŋgawara nɩ atɩ lee ŋtəma. ²⁹ N'ʋpi a lə waa: kə ma ce na, atɩ sə afaŋa suu anɖi nɩ ńafəl ace gawara gaɖe. ³⁰ N'ʋsoro ɖe ace ʋpuɍ anyɩʋtaja sul a lə nɩ ɖaa a lə asəbaka ma, n'ʋni atələ ashee ayar waa: ŋtɩ ma ce amawɛɛ. Ama ka tɩ cə na. ³¹ Bapur banyɩʋ baɖe nɩ kapaŋa lee ka ayar ʋciŋsɔlɔka, na ba lə waa: asəbaka. Na Yeesu a lə pɩ waa: Ntɩ lə anyɩn ɩja waa: Lampoobaja na bayeeyeeka batɩ batɔnɔ anyɩn akpa Gajakaayaritəna nɩ. ³² Aɖʋwaa Yohana afaŋa anyɩn ɩjakʋnyɩŋca kɩ rəŋə na nɩ na Ama lampoobaja nabayeeyeeka bashee nɩ ɩja; N'anyɩn ɩnə gəŋ ama kɩfʋba nɖawa ashee Yohana ɩja na. ³³ Ɖʋ ma gʋtɔ a rəŋə galikɛshɩɩka ŋgaɖe: ʋsoro ɖən awəɖa ha gawara gaɖən, na atəʋ ayo naa kəljɩ karaa gɩshɛbɔ, akpeɖe ayɔkɔɩ ba naa tʋŋ n'ɩyupi ma, aboŋo ma na ahaya gawara ashee bɛrɛ ńafə ace mpà gatəna gafɔlɩ nɩ. ³⁴ Ayɔkɔ kʋpiɖu kalʋwatʋ akpa ma, na gawara ya atɩm abatəŋleeja waa: Ba ce a tɩ cam ɩjɩ ashee nɩ. ³⁵ Na mbaɖee le ahaya gawara ashee ma, bari gawara yar abatɩŋleeja akə gɩshɛ bɔ, nakə ʋɖən abəɖa ʋkono, naa anyɩm arɩutaja atala. ³⁶ Na gawarayar akɔɔ atəm abatəŋleeja tuutuuma awu nsəbaka, na bahayaka bakɔɔ asara na pɩ daa basəbaka ma. ³⁷ Kaŋkəm na atəm ʋpur kpakpa bahayaka sul na tam waa: Batɩ ba nyene ampi. ³⁸ Bahayaka baŋə gawarayar ʋpur ma, na ba ɖa na lə bawor waa: ʋpi ndee anaa tɩ lee tiibiyar ma anakama pɩ ma gɩ kə nɩ acii na tiibi apra ataja. ³⁹ Na ba ri ʋpi ɖe akə nɩ a ci ataa atɩ bəɖa ʋpaŋpaŋa. ⁴⁰ Nnyɩmə gawarayar atatɩ kpa baɩ na asara na bahayaka? ⁴¹ Na ba lə nɩ waa: Anaa kə bahayaka baɖe pɩ kaa ŋə bɩshɛɩ na, natɔɔ gawara gaɖe ahaya ashee bɛrɛ bafɔlɩ mbaɖe ashee nɩ ɩja ma. ⁴² Na Yeesu alə pɩ waa: kɩka na tʋr galei gaɖe baŋɔn ma: waa ntalaɩ ba cə ka ba bla ma, nlee ka ndee nna toŋo ʋkukeɩ ma; ɩɩŋ ɩkoyar sul nɩ́ɖo o na ma, kɩ lee maamaaci ashee atʋ aa? ⁴³ Galaŋ, ntɩ lə anyɩn, ba tɩ ba pɩr ńanyɩn Gajakaayarɩtəna ashee samaa afɔlɩ nɖee anaalee kantəma ma. ⁴⁴ Ʋɖən ata fəɖa ntala nɖe laŋ, ataa tititi ayʋkʋryʋkʋr, ńarɛɩ laŋ ntala nɖe nƒəɖa ma, ntɩŋkpal nɩ. ⁴⁵ Basaraalaaja na fariisikəbaja barəŋə galei gaɖe ma, ńɩye pɩ waa: ba ni pɩ Yeesu ana lə. ⁴⁶ Na basəba nayɛɛ ʋyɩŋcaɩ bari na nɩ ma; Ama baɖe batɩ cu samaa, aɖʋwaa samaa ashee ɩja waa alee annabi na.