¹ Yeesu a lə bʋlei aboŋo ma, na atəbə Galilee ace ace Yudee kagʋsaʋ yurɖɛɛ kaato kanɖilaŋ. ² Samaa abʋmbɔnɔ de tər aŋkəm ade tɩ kada bɩshɛɖʋ. ³ Na fariisi kəbaja ba ce asul na kəʋ nɩ alaŋ na taba nɩ bʋlei waa: gʋpɔ gʋshee arɛ ganɔ waa akərə akar baa baɩ laŋ aa? ⁴ Na Yeesu abue pɩ waa: kɩ na tʋr daa ndee alee ɖulinya ʋsebʋ nɩ ma, alee ʋsoro n'ʋsəprə ma aa? ⁵ Na a lə waa: galaŋ na ʋsoro atəbə ayar n'anar naa acra n'akar, naa banyɩʋ baɖe bapra ʋɖɔŋkɔnɔ ma aa? ⁶ Galaŋ kə ba kɔɔ a lee banyɩʋ na, ama ʋɖɔŋkɔnɔ na ba lee. Arɛ ɖən apaatɩ paɖa bʋkɔɩ Gaja ga kəman ma na. ⁷ Na bakɔɔ ataba nɩ acəŋə waa: mʋ laŋ na Musa aŋɔn waa: bashee ʋsəmprə gʋbɔ naa akərə nɩ? ⁸ Na atələ ashee pɩ waa: Anyɩgɩfolu gɩkaŋkra laŋ na Musu alə waa ɩkərə anyɩmbaka: ʋsəbʋ nɩ kɩ cee ɖa gəŋə na. ⁹ Ama ntɩ lə anyɩn waa: ndee akərə akar nu jɩ waa kɩ lee fɔɩfɔɩ kanɖilaŋ na, naa atɔɔ afɔlɩ ma, karɛ, alee gɩsəna. Na ndee atɔɔ ʋsəmprə ndee bakərə ma, a lee gɩsəna. ¹⁰ Nkəŋ na abakəŋja ba lə waa: ɩ ta jɩ waa gəŋci ʋsoro asara nakar, gəŋ ma, aŋfaanɩ dəŋ ka ɖa waa arɛ atɔɔ ʋsəmprə na. ¹¹ Na Yeesu abue pɩ waa: galei gade kaa ye bɛrɛ baŋʊnii na, shee bɛrɛ ɩ ɣaja gashee ɩko ma. ¹² Aɖʋwaa baɖən baɖa ma, ɖoo ba bana bancəna nɩ nɩ́laa pɩ saɩ: baɖən ma, bɛrɛ balaaka pɩ saɩ, baɖən balaaka balɔ saɩ aɖʋ Gajakaayarɩtəna kanɖilaŋ. Arɛi anaa səra arəŋə ma, arəŋə. ¹³ Na ba pɩ na bapi bajala Yeesu atər anyɛ balaŋ naa anyiŋə ashee pɩ. Ama abakəŋja baɖe ba tɩ pkil pɩ na kɔɔ na nkəm. ¹⁴ Na Yeesu a lə waa: Pala ma bapi bajala ba pɩ amasul, paa kəl pɩ ʋnyɩnca na; aɖʋwaa mbadee bajee Gajakaayaritəna ma, bada dan daa bapi baɖe ma. ¹⁵ Na atər anyɛ balaŋ aboŋo ma, na atəbə ŋkəŋ. ¹⁶ Ŋkəŋ na ʋsoro ataŋja ɖən akəm asəla na Yeesu alə waa: Nɖiyar, bʋkɔ bʋsoŋsono bʋpaŋa bʋ ma cɔɔ alee naa aŋə ŋŋuro ndee kɩŋwəda gayala na ma? ¹⁷ Na atələ ashee nɩ waa: Mʋlaŋ n'ʋna taba amʋ bʋkɔ bʋsoŋsono laŋ? Ʋdɔŋkɔnɔ a lee ka asoŋsono. Ʋta naa yɛɛ awəɖa ŋŋuro ŋdee kɩgweda gayala na ma shee akʋn gʋpɔ, na waa: Gʋpaŋaʔ ¹⁸ Na Yeesu atələ ashee nɩ waa: ka gbɛɖɔ alaa arɛ aŋŋuro na, ka gbɛɖɔ alee gɩsəna, kagbɛɖɔ anyim na, ka gbɛɖɔ afʋ ɩsəɩ ʋɖən anɖilaŋ na; ¹⁹ Nyene akawɛɛ n'akaŋana; naa asɔlɔ akʋwor daa ɩkulopi ma. ²⁰ N'ayɩfala ɖe a lə nɩ waa: Ŋkʋn apɔ ɖe ɩŋunii; gapaŋa gakɔɔka assaa? ²¹ Na Yeesu a lə nɩ waa: ʋta naa yɛɛ aɖa ɖəi dei, kʋla at yala akamaana aŋunii naa atɔɔ kɩtanɩ ayʋga bashɛɩrɛ, ʋtaa kɔɔ aŋə amaana afɔlɩ alaŋ kaŋkəm pɩ atɩ tər amʋŋkəm. ²² Ayifala arəŋə bʋlei bʋde ma, nɩlee nɩ yɔɔ ʋcine ʋtapɩɛ aɖʋwaa awəɖa amaana abʋmbɔnɔ. ²³ Na Yeesu a lə abakəŋja waa: ŋtɩ lə anyɩn ɩja waa: ɩtu sɔm ashee ataŋja waa: akpa Gajakaayaritəna nɩ. ²⁴ Nti lə anyɩn acəŋə waa: kɩsɔm ashee ɩraakum waa akul na gɩkəmpi ka gʋkulu na, ama ɩshee sɔm ashee ataŋja waa: Akpa Gajakaayaritəna nɩ. ²⁵ Abakəŋja barəŋə gəŋ ma, nɩ́kpa pɩ biti na ba lə waa: Gəŋ ma, aŋa naa ŋə nɖi ŋsono afʋra? ²⁶ Na Yeesu ataa akiɖe pɩ naa lə waa: ɩsɔm ashee bɛrɛ, ama kɩsɔm Gaja sul na. ²⁷ Ŋkəŋ na pɩɛɛr alə waa: ŋəa, gɩ pala atabaamʋnʋ ater akɩŋkəm; Atariiba na gəŋ apaŋa? ²⁸ Na Yeesu abue pɩ waa: Ntɩ lə anyɩn ɩja, ŋkələ arɛpur a baamʋnʋ ɩʋba ma, ataa sə ʋkʋmʋ kaŋyariboi laŋ, anyɩnɩ ɩbʋŋa atər amʋŋkəm ma, ɩtu sə ayariboi təb nanyɩʋ laŋ, naa cîm n'Ɩsraɛl ɩdimi təb na banyiʋ ɩkəma. ²⁹ Ndee atəbə abaŋono, abanyeŋka, kakoo ayar, kokoo anar, kokoo akar, yaa bapur, kokoo abʋnara nagafala, aɖʋ amʋyɩda laŋ ma, karɛ ataa ŋə kakpala ɩshɩnʋn, naa ajɩ Gajakaayaritəna katiibi. ³⁰ Ama bɛrɛ tuutuuma ɩ ba cee lee basəbaka ma, ba tɩ ba pra bakəŋja, na tuutuumaɩ ba cee lee bakəŋja ma, ba tɩ ba pra batɔnɔka.