¹ Na Yeesu abakɛŋja bakəm asəla na nɩ, ataba nɩ waa: Aŋa lee ka ʋŋono gajakaayarɩ ləna nɩ? ² Na Yeesu a yɩɖa ʋpijala ɖən naa atɩ nɩ bagɩcɩca. ³ N'alə waa: ɩja ntɩ lə anyɩn, na kɩ fʋba nɖawa apra daa bapi bajala ma na, kɩɩ kpa Gajakaayantəna nɩ na. ⁴ Galaŋ, arɛɩ aburo agʋlɔ apra daa ʋpijala ma a naa lee ʋŋono Gajakaayarɩtəna nɩ. ⁵ Na nɖee acam ʋpijala nnde n'amʋ yɩɖa ma, agɩlo pi jɩ ocam. ⁶ Ama arɛ ndee aɖʋ ntərətərə ʋpijala ɖe ashee amʋ ɩja ma, asəm batəʋ nɩ mkpala ʋɖɔ nɩ akəʋ nɩ təŋku katatəntən. ⁷ Nɖi ncika ashee ɖulinya aɖʋwaa ntərətərə nɖe ŋtɩŋshɩ tɩ da ama ndi ncika ashee arɛɩ sul nɖoo na ma na ma. ⁸ Ɩta jɩ waa akʋnyɛ kokoo akʋkei ɩtɩ yɛɛ ɩkarakɩ mbɔnɔ nɩ, təɖəɩ abəda gadulɩŋka; ɩcəm ashee akɩ waa akpa Gajakaayarɩtəna nɩ, na nnyɩkəkə kokoo nnaŋkələ. Ɩcəm awu waa akanyɛ n'akɩkeɩ ɩɖa dei dei naa babəɖakɩ ʋtanu nɖee kʋ na ci ayɔ na ma nɩ. ⁹ Ɩta saŋkɔɔ jɩ waa: Akɩɩnyine gɩ tɩ yɛɛ gɩkara kɩ mbɔnɔ nɔ, ɖəm jɩ abəɖa gaɖulɩŋka; ɩcəm ashee akɩ waa: Akpa Gajakaayaritənanɩ na gɩnyine gɩɖɔɔŋkɔnɔ, awu waa akɩnyɩne ɩnyɩʋ ɩɖa deiɖei naa babəɖakɩ ʋtonu nɖee kʋ na ci a yɔ na ma. ¹⁰ Lee ma laakaarɩ, paa ma tɩ naashɛɛ bapi baɖe na; adʋwaa ntɩ lə anyɩn waa: ba malaɩka ada a laŋ ma, ayiɖe amawɛɛ ada alaŋ ma, aŋyɩ baa saa apaŋ a na. ¹¹ Aɖʋwaa arɛpur apɩ pɩ afʋra mbadee bali ma. ¹² Gapaŋa jɩ ɩna faŋa? ɩta jɩ waa: arɛ ɖən awəda ɩbɔrɩ ɩshɩnʋn n'ʋɖən ali, kaapala ʋɖən mana ɩshɩnʋu gʋbʋnʋ laŋ, náce atɩ yɛɛ ndee alima aa? ¹³ Ata ŋə nɩ, ntɩ, lə anyɩn ɩja waa: ʋciŋkərka ʋbʋmbɔnɔ ʋnʋʋ ɖà ɖá ashee ɩ adɔŋkɔnɔ de laŋ awu ʋɖən manɩ ɩshɩnʋn mbadee kə ba lii na ma. ¹⁴ Gala anyɩnaya ada alaŋ ma, kɩ lee ʋciŋsɔlɔkɔ waa bapi baɖe bʋɖən alii na. ¹⁵ Akʋwar ata tərətərə n'akɩ, kʋla ace atɩ wəɖa nɩ akɩnɖənɖən afaŋ nɩ antərə tərə atarəŋa néakɩ, ʋjɩ nɩ bɔɔnɩ. ¹⁶ Ama na ka nəŋə nákɩ na, kʋla atɩ yɛɛ bɛrɛ banyɩʋ kokoo bariu ba lee akasəriyabaja. ¹⁷ Ata bla kaɖʋ pɩ gʋ pɩ gʋtɔ na, lə ashee cɔɔcɩ: Atasaŋ kɔɔ bla acəŋə ka ɖʋ cɔɔcɩ gʋtɔ na, tɔɔ daa ndee ka yɔ Gaja na ma, kokoo daa lampooyar ma. ¹⁸ Ntɩ lə anyɩn ɩja, waa: bʋkɔɩ ɩkʋɍ atən ma, shee bakʋr bʋ alaŋ, na bʋkɔɩ ɩkʋɖa atən ma, shee bakʋɖa bʋ alaŋ. ¹⁹ Ntɩ lə anyɩn acəŋə waa: bɛrɛ banyɩʋ bata lee ganɔ gaɖɔŋkɔnɔ atəntɩya anyɩŋə akɔɖən, amawɛɛ aɖa alaŋ ma, a taa shee pɩ ka bʋ kʋ. ²⁰ Aɖʋwaa: gaɖuu bɛrɛ banyɩʋ yaa beriʋ bawata a sə námʋyɩɖa ma, nɖa bagɩcɩɩca nkəŋ. ²¹ Ŋkəŋ na piɛɛr akəm asəla na Yeesu naa a lə nɩ waa: Nɖiyar akpala baɩ na ma təɖə amʋwor a ta tərə tərə namʋ? akpala kulumi aa? ²² Na Yeesu a lə nɩ waa: kə ma lə akɩ waa akpila kulumi na, ama akpala ɩshiriu na təb kakpala kuluni. ²³ Galaŋ, Gajakaayarɩtəna gaɖa ɖan ɖaa, gʋpayarɩ ɖən ana yɛɛ atəŋleeja balee ŋkɔnta ashee nɩ. ²⁴ Ba na lee ŋkɔnta nde ma, na ba ri ʋɖən ajɩ anɖiyar ʋɖa ɩkotoku təb ma. ²⁵ Ama kawəɖa akɔdən asəla na ma, nɩ́tanɩyar a lə waa: Ba yala nɩ ade nákaar na bapur na bʋkɔɩ awəɖa ma naa, ɩtə basəla ʋɖa. ²⁶ Na a cim a tən ɩtanɩyar aŋyɩɩ aɖʋ nɩ gʋɖatəna waa: nɖiyar, jɩ suuru ntɩ ma səlakɩ akʋɖa. ²⁷ Nɩɩ ɖa ɩtanɩyar shɩɛɛ natɔɔ acɛ nɩ napala nɩ ashɛʋ. ²⁸ Nátəŋleeja de adoo kpaarɩ ma, naa wana ʋwor ajɩ nɩ gboo ʋɖa ɩɖalɩshɩnʋn ma, na ari nɩ acəwa ʋɖɔ a lə nɩ waa: səla amʋɖa. ²⁹ N'ʋwor ɖe, acəm akəwəlaŋ atən, na pəla pəla nɩ na lə waa: jɩ n'amʋ suuru, ntɩ ma səlakɩ. ³⁰ Ama ʋwor ɖə ka rəŋə ʋpəlʋ pəlʋ na, natɔɔ nɩ atɩ kəʋ sarka nɩ, halɩ atɩ səla ʋɖa. ³¹ Abasoro ba rəŋə daa gasana gasara ma, na bɩcine ɩpɩɛ, na ba ce atɩ lə ashee baɖiyar bʋkɔɩ bʋsara ma. ³² Na banɖiyar ayiɖa atəŋleeja de a lə nɩ waa: akɩ ʋlee arabɔnɔ, ʋpəla pəla amʋ ma, laŋ na ntəɖəkɩ akʋɖa. ³³ Akɩ gboo kaasəra aŋə akʋwor atəŋleeja ɩshɛɩ atəɖənɩ daa amʋ maʋ ntəɖəkɩ ma aa? ³⁴ Na bandiyar acam ʋnyana ari nɩ aɖʋ nɩ sarka nɩ halɩ asəla ʋda ʋŋunii. ³⁵ Gəŋ ci amawɛɛ ada a laŋ laŋ ma, anaa sara nanyɩn, na kɩ na təɖə anyɩmbawor nanyɩnɩcine ɩŋunii na.