¹ Ɩ lee ɩshilé ɩkoloŋ ma na Yeesu atɔɔ Piɛɛr, Yaakubu, na Yohana, ba ce gʋbʋnʋ kandi laŋ. ² Na afʋba agʋlɔ baŋyɩɩ; Agayɛ gade gatɩ ŋələ ŋələ daa ʋshilè ma, ɩtɔkɔ tapra ɩfɔnɔ pam pam na pɩɖe piɖe daa fɩtɩla ma. ³ Ŋkəŋ na Musa na Elii ba doo alaŋ na lə na nɩ. ⁴ Na piɛɛr acam ʋwələ, a lə Yeesu waa: ndiyar ɩvɩm waa gɩ da a tɩya; ʋta sɔlɔ ntɩma yɩu akaliku ɩriun, nɖən ashee akɩ, ndən ashee Musa, ndən ashee Elii. ⁵ Ana lə gəŋ ká kà nà boŋo na ma, nɖəla mpiɖeka nrgə nalaŋ asiu pɩ. N'ʋwələ ɖən ʋdoo na nɖəla ndə nɩ, na lə waa: nde na ampi asɔlɔka dʋ manɩ gʋtɔ! ⁶ Saa ndee ba rəŋə ʋwələ ɖe gəŋ ma, n'abakəŋja ba pəɖə asiu atən ba bʋyɛ laŋ, asampəna ɩbʋmbɔnɔ ɩde kpa pɩ. ⁷ Ama na Yeesu akəm asəla na pɩ afɔm pɩ alə pɩ waa: tama, asampəna ɩpaa kpa anyɩn na. ⁸ Ba taa babʋyɛ ma, naa ŋə Yeesu andəndən. ⁹ Bargə gʋbʋnʋ laŋ na pɩ ma, na yeesu akaka pɩ alə pɩ waa: bʋkɔɩ ɩŋə waa, paa ma tɩ lə ashee ʋdən na, halɩ arɛpur aŋənə adoo bakono nɩ. ¹⁰ Ŋkəŋ na abakəŋja bataba nɩ waa: maakɔ laŋ na babɔŋŋja ba na lə waa: Elii a naa səba apɩ? ¹¹ Na abue pɩ waa: Gasonoji waa: Elii a naapɩ atɩ pɛm pɛŋɛ baamʋnʋ. ¹² Ama ntɩ lə anyɩn ɩja waa: Elii apɩ boŋo kə ba kɔɔ ayɔ nɩ na, na basara na nɩ daa basɔlɔ ma, gəŋ ci gboo arɛpur ajɩ ɩshɛɩ banyɛnɩ. ¹³ Ŋkəŋ na ɩye abakəŋja waa: Yohana agaleijɩ ana lə. ¹⁴ Ba kpa samaa sul ma, n'ʋsoro ɖən apɩ atɩ cim akəwə Yeesu aŋyɩɩ, na lə waa: ¹⁵ Nɖiyar, ŋə ampi ɩshɛɩ, ŋŋuro mbɔnɔ ndən ntɩ ɖʋ nɩ shɛɩ yɔgʋ; Ntɩ pkil nɩ ade tɩfəda ʋtonu nɩ kokoo bʋto nɩ. ¹⁶ Nce na nɩ akəbakəŋja sul ama kə ba səra akərəŋjɩ na. ¹⁷ Na Yeesu aləpɩ waa: bɛrɛ ɩcine kaŋkrabajanyɩn a kplala baɩ na ma ɖa anyɩnasul? Akpala baɩ na ma toŋo ayɩn? Pɩma na nɩ atɩya. ¹⁸ Ŋkəŋ na Yeesu anaashɛ ŋŋuro mbɔnɔ nde ndoo n'ʋpi agʋlɔ gʋkada kpaarɩ. ¹⁹ Na Yeesu abakəŋja ba kim asəla na nɩ, ataba nɩ waa: Maakɔ laŋ na na kusəra akərə ŋŋuro nde na? ²⁰ Na Yeesu alə pɩ waa: wəda ʋcine na. Ntɩ ləanyɩ ɩja waa: ʋcine daa gɩsrəkʋɛ ma, ɩtu səra alə gʋbʋnʋ ŋgʋ de waa: Təbə atɩ ya, g ʋt‌ʥṭə gʋ rəŋə nanyɩn a təbə, akɔɖən ɩmana waa kɩɩ səra a lee na ma. ²¹ Ama naa ŋŋuro mbɔnɔ nde ndoo, shee ʋnyiŋu na ganʋkʋrka. ²² Saa ndee ba na yee ye na Galilee ma, na Yeesu a lə waa: ba tɩ ba ri arɛpur a ɖʋ bɛrɛ bany nɩ. ²³ Batɩ ba kə nɩ acii, ama ʋshile ʋriutaja a taa kɔɔ aŋə. Na abakəŋja bicine ɩpɩɛ. ²⁴ Ŋkələ ɩ ba kpa ƙapernahumʋ ma, na mbadee ba na cam ʋnyiŋukaafala ka lampoo ma, bakim asəla na piɛɛr ataba nɩ waa: mʋlay na anyɩndiyar ka na səla lampoo na. ²⁵ Ba kpa afal ma, na Yeesu ayiɖa piɛɛr ʋpaŋpaŋa ataba nɩ waa: Ɖulinya nɩ kəbayarpi ba na cam lampoo ma, bapaŋa pɩ ba na cam na ma, bapapi yaa basana? ²⁶ Na waa basana na Yessu alə nɩ waa: bapapi gboo batɩ səla. ²⁷ Ama naa gɩ paa tɩ ɖʋ pɩ ntərətərə na, kʋla ace teŋku nɩ atɩ kəu ʋfɩlɩca, ŋgadee asəba a laa ma, tine kaanɔ ʋtaa ŋə gɩtanɩ sitatɛrɩ laa jɩ kaanɔ nɩ atɩ səla amɩja na kɩja.