¹ Fariisi kəbaja na babɔŋɔnja ba pɩ atɩ na kəʋ nɩ alaŋ na lə nɩ waa: Alee maamaaci kagʋlesʋ ra ŋgʋdee gʋ doo n'alaŋ ma, ba ŋə. ² Ama na Yeesu alə pɩ waa: ʋshile ʋta fana anyɩɩtɩ lə waa: daɖu gatɩ ga cəm aɖʋwaa ʋshile ʋkim pii. ³ Gaja gatakʋda anyɩɩtɩ lə waa: Ʋto ataa nyɩ aɖʋwaa: Gadu gakim ada kusuu. Ɩyɔ gadu kalesvra kʋpaɖʋpaʋ ama tam nde nɩ kalesvra kɩ yɔ ɩ na. ⁴ Saamanɩ nɖe kəbarɛ ba bɔnɔ na fɔɩfɔɩ kalesʋ rabaja ba tɩ taba maamaaci kagʋlesʋra. Kə ba caa ŋə gʋɖən na, na ki lee Yonaasɩ agʋja na. Alə gəŋ aboŋo ma, na atəbə nkəŋ. ⁵ Abakəŋja ba kpa teŋku kagʋsaʋ gʋaaka ma, na ba nyir ɩboɖoboɖo. ⁶ Na Yeesu alə pɩ waa: lee ma laakaarɩ na Fariisi kəbaja na saɖusi kəbaja balefir. ⁷ Na abakǝja baɖa na lə baworo waa: kɩɩ tɔɔ ɩbodobodo ma, laŋ na ana lə gəŋ aa? ⁸ Yeesu ayɔ ŋgadee ba na lə bɩcine nɩ ma, na aləpɩ waa: Mʋ lee ka ɩna anyɩɩgʋlɔ gəŋ, anyɩn bɛrɛ ɩ anyɩcine kɩ yɔgɔ na ma, na lə waa: kɩɩ tɔɔ ɩbodobodo na ma, laŋ na gəŋ aa? ⁹ Kɩ ka na ye anyɩn, ɩbodobodo banʋn, na bɛnɛ miili banʋn, nabʋṣhɛɩ gʋya ɩ ɩwala ɩbodobodo ka kələ́ anyaʋ maa? ¹⁰ Yaa ɩboɖoboɖo kulumi na bɛrɛ miili banan, na bʋshɛɩ gʋyaɩ ɩwaala akələ ŋdee ɩsaa maa? ¹¹ Mʋ lee ka na kɩ ye anyɩn waa: kɩlee bodobodo kaaleijɩ nna lə anyɩn na? lee ma laakaarɩ na Fariisi na Sadusi kəbaja ba lefir. ¹² Nkəŋ na ba ye tɩ kaashɩ waa: kɩlee lefir ɩ ba na ɖʋ bodobodo nɩ ma na a na lə na. Ama ʋce ruɩ Fariisi na sadusi kəbaja bana cere bɛrɛ ma na ana lə. ¹³ Yeesu akpa Filiipu kampa ndee ba na yɩɖa waa seraree ma, na ataba abakəŋja waa: baɩ na bɛnɛ ba na yiɖa amʋ ndee nlee arɛ upur ma? ¹⁴ Na ba tələ ashee nɩ waa: Baɖən waa: Akɩ na yohana amənakabʋto: Baɖən waa: Elii, baɖən waa: Yeremi, kokoo annabi bʋɖən. ¹⁵ Anyɩn nɩ aŋa na anyɩn ɩ na ɖʋ na mʋ? ¹⁶ Nasimɔɔ piɛɛr alə waa: Akɩ na Kristo Gajaŋŋuroyar ʋpur. ¹⁷ Na Yeesu alə nɩ waa: Aliheeri ada ashee akɩ Simɔɔ Yonaasi ʋpur; adʋwaa: kɩ lee gʋlɔn akɔnɔ ɩkaɖa ka ashe a akɩ na, ama amawɛ ada alaŋ laŋ ma, akaɖa ka ashee kɩ. ¹⁸ Namʋ nlə akɩ waa: Akɩ na ŋtala, ntala nɖe laŋ na ma cə aŋgafala, na bʋce kaafala ka bʋ səna apijɩ na. ¹⁹ Nshee akɩ alijana kasaafɩ: galaŋ bʋkɔɩ ʋkʋn atən ma, shee bakʋr bʋ alaŋ, bʋkɔɩ ʋkʋda atən ma, shee bakʋɖa bʋ alaŋ. ²⁰ Nkəŋ na alə ashee abakəŋja waa: ba paa tɩ lə ashee ʋɖən waa: ade na Kristo na. ²¹ Kalʋwaatʋ ɖe na Yeesu a səba na lə abakəŋja waa: ade taa tɩ ce yerusalɛm ati jɩ ɩshɛɩ paa baŋono banyɛ nɩ, na basaraalaja, na babɔŋɔnja banyɛ nɩ, ba tə ba kə amʋ ma, acii, ama ʋshile ʋriutaja ŋtə ma kɔɔ aŋənə. ²² Na piɛɛr a yiɖa nɩ ʋpaŋpaŋa, na bla na nɩ na lə waa: ndiyar gaja gapaa pala ganɩ gaɖe ʋna lə waama awəɖa akɩ na. ²³ Na Yeesu acəpra alə nɩ waa: ɖoo amʋŋkə sheetanɩ! ʋtɩ yɛɛ alʋkʋra amʋ: aɖʋwaa: ka na faŋa daa Gaja ma ma na, bɛrɛ bagʋfaaŋa kʋ ʋwəda. ²⁴ Nkəŋ na Yeesu alə abakəŋja waa: ʋdən ata naa yɛɛ atər amʋnkəm, shee karɛ abla ʋciŋsɔlɔka, naa ataa agʋyo kaŋkʋra atɔŋo atər amʋnkəm. ²⁵ Aɖʋwaa ndee a na yɛɛ alugo aŋŋuro ma, ataa bəɖa njɩ nlii ama nɖee aŋŋura nli ama laŋ ma, ataa kɔɔ aŋə aŋŋuro acəŋə. ²⁶ Aŋfaanɩ apaŋa ɖa ka ashee arɛ aŋə ɖulinya a riiba, naa aŋŋuro nlii? Mʋ nʋ arɛ asəra atɔɔ afʋba na aŋŋuro? ²⁷ Aɖʋwaa: arɛpur a taa tɩ ayar ʋkʋmʋ nɩ n'ɩmalaɩka mana: Naa səla baaŋa atəma kʋda. ²⁸ Ntɩ lə anyɩn ɩja waa: Mbadee bada atɩya ma, kə ba dən kə ba cii na, batɩ ba ŋə arɛpur agɩyarɩ.