¹ Nkəŋ na fariisi kəbaja na babɔŋɔnja badoo na Yerusalɛm ace Yeesu sul alə nɩ waa: ² Mʋlaŋ na akəbakəŋja kə ba na nyene gʋshile baŋo no na? Adʋwaa: kə ba na shire banyɛ naaye jɩ ʋɩʋ na. ³ Na Yeesu a lə pɩ waa: Anyɩn nɩ: mʋlaŋ nakɩ nanyene gʋpɔ na? n'anyɩna yɛɛ waa: banyene anyɩgʋshile? ⁴ Aɖʋwaa gaja ga lə waa: cu akawɛɛ n'akaŋa na: na ndee alim ayar n'anar ma, shee babɔkarɛ aagʋtɔ acii. ⁵ N'anyɩn, ɩ na lə waa: Maa gʋjɔɔ ngʋɖe nʋ ma shee amawɛɛ kokoo amaŋana, ama ntɔɔ kʋ ashee gaja, kanyene ayar nar na. ⁶ Ɩbəɖa Gaja kaalei na yɛɛ anyɩgʋshile kariiba. ⁷ Mʋnaafiki bajanyun, anabi Esaye acee lə anyɩgalei nkələ ana lə waa: ⁸ samaa nɖe atɩ lee amʋ bɔɔta anʋbɛbɛ laŋ, ama agɩfolu nɩ aliŋnamʋ gadu. ⁹ Waa: Aɖe tɩ nyene amʋ na cere aŋgalei, ama bɛrɛ ba gʋpɔ kʋ ba na cere. ¹⁰ Na ayɩɖa samaa alə pɩ waa: oʋ ma gʋtɔ arəŋə gɩshɛbo. ¹¹ Waa: kɩ lee bʋkɔɩ bʋ na kpa arɛ aganɔ nɩ ma bʋ na pɛɛpẹ nɩ na kpa arɛ aganɔ nɩ ma bʋ na pɛɛpɛɛ arɛ. ¹² Nkəŋ na abakəŋja bakəm asəla nanɩ alə nɩ waa: ʋyɔ waa: ɩlee Fariisi kəbaja bakpa biti bʋleiɩ barəŋə ma, aa? ¹³ Na abuye pɩ waa: Ayɔ ndee amawɛɛ ada alaŋ ma, ka təʋ na ma, shee baɖimɩ abəɖa. ¹⁴ Paa ma rəŋə napɩ na: Bafɔnɔrɛ pɩ balee, afɔnɔrɛ atatoŋo ʋwor fɔnɔrɛ shee baŋunii bafəda gʋkulu nɩ. ¹⁵ Na piɛɛr alə nɩ waa: kʋda galei gade ʋkɛɛshɩɩ ma kaashɩ ashee atʋ aa! ¹⁶ Na Yeesu alə waa: Anyɩn mɩaʋ gʋfaŋ kʋʋpɩ ashee anyɩn ɩtɩ kaashɩ aa? ¹⁷ Kɩye anyɩn waa: bʋkɔɩ bʋ na kpa anɛ aganɔ na ma, bʋ na ce ancəna nɩ na, naa ye tɩ doo na agɩmempi nɩ aa?. ¹⁸ Ama mbʋdee bʋ na doo na arɛ aganɔnɩ ma, agɩfolu nɩ na, ɩni na pɛɛpɛɛ arɛ. ¹⁹ Aɖʋwaa: Gɩfolu nɩ na afaŋkono ɩna doo nama gɩso, sina, ajɩwakalesvra, ʋpɩtɩra, ɩsəifʋka, bawor kʋpɩɛ. Alesʋra ndee ɩna pɛɛpɛɛ arɛ ma na gəŋ; ²⁰ Ama ajɩ ʋjɩ kashire akanyɛ na, kɩ na pɛɛpɛɛ arɛ na. ²¹ Yeesu a təbə gaɖu gaɖe ma, nace tɩr na siɖɔɔnɩ kagʋaʋ. ²² Kanaan k'ʋsəmprə ɖən aɖe ɖa ɩkarakara ɖe nɩ, nákuro shee Yeesu waa: ŋɖiyar, ŋə mɩshɛɩ, Ɖaʋda ʋpur! ŋŋuro mbɔnɔ nɖən ntɩ naashɛ ampi gapisimi. ²³ Kaɖʋ nɩ gʋtɔ a lə gaɖən na, na Yeesu abakəŋja ba pəla pəla nɩ alə nɩ waa: kərə ʋsəmprə ɖe, atɩ kuro atɩŋkəm yɔgʋʋ. ²⁴ Ama Yeesu abue pɩ waa: batəm amʋ na ma pɩ atɩ yɛɛ ɩbɔrɩ ɩ bali Isəraɛl agafala nɩ ma. ²⁵ Napɩ atɩ cim atən Yeesu aŋyɩɩ, a lə nɩ waa: Ndiyar fʋra amʋ! ²⁶ Na abue nɩ waa: kɩ cəm waa: batɔɔ bapi b'ʋjɩʋ aɖʋ bʋshimpiri na. ²⁷ N'ʋsəmprə ɖe alə nɩ waa: Gasonojɩ, ama bʋshimpiri bʋ tɩ ndee bɩtanɩyar ajɩ ɩfəda atən ma, kɩfufuri ajɩ. ²⁸ Na yeesu abue nɩ waa: ʋsəmprə kɩ, akʋcine ʋwəda ma, ʋsəŋkla. Galaŋ ɩlee ɖaa ʋnayɛɛ ma ashee kɩ N'ʋpur ʋshɛɖʋ ʋmanakada kpaarɩ. ²⁹ Yeesu atəbə nkəŋ ma, na ce galilee kateŋku kagʋsaʋ naa abodo gatəŋtəŋi gadən laŋ asə nkəŋ. ³⁰ Nasamaa abʋmbɔnɔ ɖən awala asul, nífalaŋ falaŋ mana, bafnɔɔrɛ, bʋcɔɔtɔ, mbadee bʋ mən pɩ ma, na banyʋkʋ ja tuutuuma bapɩ na pɩ atɩ ɖʋ Yeesu aŋyɩɩ, na akado bɩshɛɖʋ. ³¹ Nkəŋ na samaa ayide na jɛlɛ daa bʋcɔɔtɔ bʋ na lə bʋlei, mbaɖe bʋmən pɩ ma ɩkada pɩ, ɩfalaŋ falaŋ batɩ sara, bafɔnɔrɛ bɩ nyine ɩtine ma. Na baɖa na kʋma Israɛl a Gaja. ³² Na yeesu ayida abakəŋja alə pɩ waa: bɛrɛ mbade bada amʋ ɩshɛɩ, ɩshile ɩriu ɩnoo kama batən amʋŋkəm ma, batən amʋŋkəm ma, batər amɔŋkəm ma, kə ba wəɖa akɔɖən bajɩ na kə ma na yɛɛ ma kərə pɩ akɔmɔ nɩ́kashɩ ɩpaatɩ bon ashee ʋnyɩŋca laŋ na. ³³ Na abakəŋja bataba nɩ waa: Nka na gɩ ŋə ɩbodo bodo gaɖu ŋgaɖe atɩya ashɩ naa ɩtə samaa abʋmbɔnɔ nɖe? ³⁴ Na Yeesu ataba pɩ waa: ɩboɖobodo baɩ naɩ wəda na waa kulumi na bʋfɩlɩ bʋjala cei. ³⁵ Na Yeesu alə waa: balə samaa asə atən. ³⁶ N'atɔɔ ɩboɖobodo kulumi na bʋfɩlɩ, anyiŋə aboŋo ma, na ayʋkʋɍ ashee abakəŋja bayʋga samaa. ³⁷ Na baŋunii bajɩ akun, na bawala ŋdee ɩsaa ma, aɖʋ bʋshɛɩ kulumi. ³⁸ Bərɛɩ bajɩ ɩboɖoboɖo baɖe ma, na gəŋ bɛrɛ miili kulumi alaa basəmprə na bapi apala. ³⁹ Kaŋkəm na akərə samaa ashɛʋ, na ba kpa ŋyifoi nɩ a ce Magadaanɩ kagʋsaʋ.