¹ Kasaa ɖe ɛrooɖi tetakɩ a rəŋ Yeesu antogɩ ma. ² Na alə waa: Yohana amənakabʋto akɔɔ kaŋənə bakono nɩ. Galaŋ na ɩkasɩ ashee nɩ a na lee maamaaci kalesʋra ɖe. ³ Aɖʋwaa: Erooɖi abʋŋa ari Yohana aɖʋ sarka nɩ aparfiliipu akar Eodiaɖi laŋ. ⁴ Aɖʋwaa: Yohana alə nɩ waa: Ɖaa gʋpɔ gʋlə ma, kishee akɩ ganɔ waa: Atɔɔ akapikar na. ⁵ Acee na yɛɛ yɛɛ waa Akənɩ acii amam samaa ayɔ waa: Yohana alee annabi na. ⁶ Ama nkələ Eroodi a na jɩ, agajɩkalka kajɩŋgaarɩ ma, na Erodiadɩ ʋpur ʋpigii adoo gɩcɩɩca na rɩ gʋcəma bɛrɛ baŋyɩɩ nɩsaŋna Eroodi. ⁷ N'Eroodi alə ʋpigii waa: Taba amʋ bʋkɔɩ ʋ na yɛɛ ma, ncam na baa mʋnʋ waa: ŋtə ma shee akɩ . ⁸ N'ʋpigii acə atɩ taba anar waa: Mʋnʋ manyiŋə gʋya, na anar alə nɩ waa: Yohana amənakabʋto anɖi. ⁹ Gʋpayarɩ arəŋə gəŋ ma, n'vcine ʋpɩɛ: Ama mbadee ayiɖa ǰɩŋgaarɩma laŋ na ɖaa acam na ma, ma laŋ na a lə waa: Bashee nɩ. ¹⁰ N'atəm ba ce sarka nɩ sər Yohana andi. ¹¹ Aɖʋ pɛrɛŋtɛ nɩ ashee ʋpigii n'ʋpigii ace nama a tɩ shee anar. ¹² Na Yohana abakəŋja ba ce atɩ tɔɔ akɔŋpa atɩ fun. Naa alə ashee Yeesu. ¹³ Yeesu arəŋə gəŋ ma, na akpa ŋyifoi nɩ atəbə ace gaɖufɔlɩ gaɖuu bɛrɛ kə ba ɖa na ma, saa ndee samaa arəŋə gəŋ gəŋ ma, na badoo na apà apà atər aŋkəm nɩ́kei. ¹⁴ Apəgə ŋyifoi nɩ ma, n'aŋə samaa abʋmbɔnɔ dən ma, na samaa de aɖa nɩ́shɛɩ, n'akaɖa bɩshɛɖʋ. ¹⁵ Ʋshile ʋnafa na ma, na Yeesu abakəŋja ba kəm asəla na nɩ, a lə nɩ waa: bɛrɛ kə ba ɖa gadu ngade atɩ ya na ʋshile, ʋci boŋo galaŋ: kərə samaa a ce bʋ pàpiri nɩ atɩ yɛɛ ʋji ashɩ ajɩ. ¹⁶ Na Yeesu abue pɩ waa: kə ba hɩɛ waa: bashɛʋ na. Anyɩŋgilopi shee ma pɩ ʋjɩʋ ba jɩ. ¹⁷ Na ba lə nɩ waa: ɩbodo bodo banʋn na bʋfɩlɩbʋn yiʋ bʋ gɩ wəɖa. ¹⁸ Na a lə pɩ waa: pɩ ma na ma ashee amʋ tɩa. ¹⁹ Na a lə sammaa asə atən aŋŋɔ laŋ, na atrɔɔ ɩbodo bodo banʋn na bʋfɩlɩ bʋnyiʋ nátaa agayɛ alaŋ anyiŋə, naa yʋkʋribodobodo ashee abakəŋja bayʋga samaa. ²⁰ Na baaŋa jɩ akun ndee ɩsaama, na ba wala wala adʋ bʋshɛɩ təb-na-bʋnyɩʋ bʋriŋə. ²¹ Bɛrɛɩ ba ji ma na gəŋ bɛrɛ miili banʋn, a laa basəmprə na bapi apala. ²² Na alə abakəŋja bakpa ŋyɩfoi nɩ na tɔnɔ ade de tɩ kərə samaa ashɛʋ. ²³ Akərə samaa boŋo ma, na abodo gʋbʋnʋ laŋ ace atɩ nyiŋə; nkomo nɖe nshie boŋo ɩde saa anɖən ɖən. ²⁴ Ŋyifoi ndɛŋkpateŋku kagɩcuca boŋo bʋto bʋde bʋ yəklə yəklə ŋyifoi: Aɖʋwaa gʋsərə gʋde gʋkaŋkər. ²⁵ Gɩjibɔŋɔ daa bʋkɔŋkɔŋ bʋnan ma, na Yeesu asara teŋku laŋ atər baŋkəm. ²⁶ Abakəŋja ba ŋə nɩ asara təŋku laŋ na pɩ ma, n'asampəna ɩkpapɩ, ba da na lə waa: ʋkoŋso na! na da na kuro. ²⁷ Na Yeesu alə pɩ waa: rima ayinalɔ amʋ na asampəna ɩpaa kpa anyɩn na. ²⁸ Na pɩɛɛr abue nɩ waa: ndiyar ɩtajɩ waa: Akɩ na shee ganɔ ma sara bʋto laŋ ace akasul. ²⁹ Na a lə nɩ waa: pɩ! na piɛɛr adoo ŋyifoi nɩ asara bʋto laŋ na ce Yeesu sul. ³⁰ Ama aŋə gʋərə gʋna wu nɩ́kashɩ ma, n'asampə na ɩsəba na kpa nɩ, n'asəba na mɩɛ bʋto nɩ, na akuro waa: nɖiyar fʋramʋ! ³¹ Na Yeesu amana kəʋ gʋnyɛ ari nɩ, naa lə nɩ akorɛ ndee akʋ cine kʋ yɔgɔ na ma, mʋlee ka ʋlee sika. ³² Na baman akpa ŋifoi nɩ, na gʋsərə gʋŋʋra. ³³ Mbadee baɖa ŋyifoi nɩ anə gəŋ ma, nabapɩ atɩ cîm bakəwəlaŋ yeesu aŋyɩɩ naa alə nɩ waa: gason gasɔnɔ ʋlaƒʋ alee Gaja ʋpur. ³⁴ Basəlatəŋku aboŋo ma naa ce genesaree kaatəna nɩ. ³⁵ Nkəŋ kəbaja bayɔ Yeesu ma, na batəm bɛrɛ ɩkara kara ɩŋunii nɩ bapɩ na banyʋkʋja. ³⁶ Na bapəla pəla nɩ waa: apala bafɔm atokokɩlalabɩ. Na mbadee baŋunii bafɔm atoko ma, bɩshɛɖʋ ɩkaɖa pɩ.