¹ Kʋshile ɖe na Yeesu adoo gafala nɩ atɩ sə teŋku kaanɔ kʋ́paŋpaŋa. ² Na samaa abmbɔnɔ ɖən awala a sul, na akpa ŋifoɩ asə. Samaa ɖe yiɖe gatunɔ. ³ Na akɛɛstiɩ bʋlei n'alesvra tuutuuma na lə nastiee pɩ, na. ⁴ Afʋmɩ ɖən a ce ka atɩ na du ayɔkɔ ana du ma, nɩ́ɖən ifəɖa ʋnyɩŋca laŋ: Na bʋs&pɩ bʋ sapɩ bʋŋə ma, na bʋ sɔm amən. ⁵ Nɩ́ɖən ɩfəɖa atala nɩ gaɖuu ŋfʋrʋkɔ kɩŋyɔgɔ na ma: Nɩ́mana ta kpaarɩ̀. ⁶ Ama ʋshile ʋboɖo alaŋ akaŋkər ma, nɩ́bolo aʋ, aɖʋwaa kɩlələmə kɩkpa atən na ma laŋ. ⁷ Nɩ́ɖən ɩfəda ɩyiwə nɩ: níyiwə ɩta asəu ɩ. ⁸ Nɩ́ɖən ɩfəda gatəna gasoŋsono nɩ: Náŋʋm ɩpi gɩshɛbɔ, ɩɖən ɩshuiʋn, ɩɖən ɩshɩriu, ɩɖən akoo-na-tə. ⁹ Nɖee awəɖa atɔ na rəŋə. ¹⁰ Nkɛŋ na abakəŋja ba wala asul, a lə nɩ waa mʋtee ka ʋna kɛshɩɩ bʋlei na lə na shee pɩ gəŋ? ¹¹ Na Yeesu atələ ashee pɩ waa: Anyɩn bashee anyɩn ganɔ ɩyɔ gaja kaayaritəna kashiiri, ama baɖe kɩshee pɩ ganɔ ba yɔ na. ¹² Aɖʋwaa batə ba pele nɖee awəɖa ma, naa ya ɩyɔgɔ, amanɖee kawəɖa na ma, batə prə na nɩ ŋdee anaɖʋ tamaa ma. ¹³ galaŋ nannakɛɛshɩɩ bʋlei na lə na shee pɩ, naa bata naa kiɖe bapaa ŋə na, bata naa ɖʋ gʋtɔ bapaa rəŋ ɩye pi na. ¹⁴ Naa galeiɩ anabi ɩsayee alə ɩbandi laŋ ma ɩlée: waa ɩtu naaɖʋ gʋtɔ ku rəŋə na; tu naa kiɩɖe nanyi ninyine ku ŋə na. ¹⁵ Aɖwaa samaa ɖe agifolu gɩkaŋkər; bacor batɔ, naa asəʋ bɩnyine, naa bapaa tɩ ŋə na bɩnyine, bapaaa tɩ rəŋə na batɔ, ɩ ye pɩ bagifolu nɩ naa afʋba ŋdawo, naa ma kada bɩshɛɖʋ ashee pina. ¹⁶ Ama ndi nsono a shee anyɩnyɩne, aɖʋwoo ɩtɩ ŋə, nányinatɔ, adʋaa ɩtɩrəŋə! ¹⁷ Ntɩ lə anyi ɩja, Anabi mana tuutuuma na mbade ba lee ɖeiɖɖɛi kəbɛrɛ ma, ba yɛɛ ba ŋə bʋkɔɩ ɩna ŋə waa ma, amakəba ŋə na na yɛɛ barəŋə bʋkɔɩ ɩna rəŋə wao ma kə barəŋə na. ¹⁸ Anyɩn, ɖʋ, ma gʋtɔ arəŋə afʋmɩ agalei kaasɩ. ¹⁹ Arɛ̀ ɖən ata naa ɖv gʋtɔ na rəŋə gajakaayaritə na kaa lei na katɩ kaashɩ na sheetaamɩ ade pɩ tɩ laa galei gaɖe agifolu nɩ: Arɛ ɖe na gəŋ ɩp nɩɖee ɩfəda ʋnyɩŋca laŋ ma. ²⁰ Ɩpi nɖee ɩfəɖa atala nɩ ma, ɩni nɩ gəŋ arɛ nɖee a rəŋə galei acamjɩ n'ʋciŋkərka; ²¹ Ama kapala jɩ ga yiu ɩlələmə anɩ na, kawə ɖa ʋcəʋkʋ na, nawɩya ɖən koko wahala ɖən akpa aɖʋ galei gaɖe laŋ ma, aɖe kɔɔ na jɩ abəɖa. ²² Nɖee ɩfəɖa ɩyiwə nɩ ma ʋni na gəŋ ndee o rəŋə galei, ama ɖulinya kamaana na k'arisiki ka gʋfaŋ gʋyɔgɔ awu ma laŋ galei gade kaa ŋʋm ɩpi na. ²³ Ɩpi nɖee ɩfəɖa gawara nɩ ma, ʋni na gəŋ ndee arəŋ gaalei naa gayenɩ ma; ana ŋvm ɩpi, ɩɖən ɩpi ɩshɩnvn, ɩɖən ɩpi ɩshiriu, ɩɖən ɩpi akoo-na-təb. ²⁴ Nkəŋ na Yeesu akɔɔkɛɛshɩɩ galei gaɖən ashee pɩ na lə waa: gaja kaayaritəna ga da dan daa ʋsoro dən adu ɩpi ɩsoŋsono agawara nɩ. ²⁵ Ama saa ndee baa ŋa aɖatən na fa ma, nárɛ ɖe a ɩbɛrɛ apɩ atɩ ɖu ŋŋɔ mbɔɔ blee nɩ, naa fəl ashɛʋ. ²⁶ Saa nɖee ɩpi ɩta ma a ŋʋm ma, na, ŋŋɔ mbɔnɔ gboo nta. ²⁷ Na gawarayar abatəŋleeja batabɩ nɩ waa: Nɖiyar kilee ɩpi ɩsoŋsono nɩ ʋɖu gawara nɩ aa? Nka na nŋɔ ɩnbɔnɔ nsheedoo nama? ²⁸ Nátələ ashee pɩ waa: ɩbɛrɛ ɖən alee ka gʋce gʋde gəŋ wa abatəŋleeja ba lə nɩ waa: ʋtɩyɛɛ waa gɩ ce atɩ ɖəm jɩ aa? ²⁹ Na tələ ashee waa: Aaɩɩ, ɩtalə waa ɩɖəm, ɩtu dəm anyɔna blee. ³⁰ Palamaɩ ɩman akpər halɩ ayɔkɔ kʋbʋn kasaa, ayɔkɔ kʋbʋn kasaa atakpa, ntə ma lə babʋnka waa dəm ma ŋŋɔ akʋr njɩ apa apa atəvɩ ʋtonu boŋo naɩ, naa awaala blee aɖʋ aŋgʋwoloŋa nɩ. ³¹ Na Yeesu akɔɔkɛɛshu galei gaɖən alə waa: Gajakaayaritəna ga da dan ɖan gɩsʋrkɔɩ ʋsoro ɖən atɔɔ du agawara nɩ ma. ³² Gɩ ye lee gɩpi gɩjalajɩ: Ama gɩta ma, na gɩpra gʋyɔ gʋbʋmbɔnɔ, nabʋsapɩ bʋ wala aɖʋ aɖaŋa kila nɩ aɖa. ³³ Na akɔɔ kɛɛshu galei gaɖən ashee pɩ waa: Gajakaayarɩtəna gada ɖən ɖaa ʋsəmprə atɔɔ lefir adʋ ʋnarʋ nɩ afugo halɩ kaŋmana mpɩ atɩta ma. ³⁴ Yeesu alə bʋlei bʋɖe bʋŋunii na kɛɛshɩɩ na ma na shee pɩ ka lə gaɖə kakɛɛshɩɩ na. ³⁵ Naa galeiɩ anabi acee lə ma, ɩlee waa: Ntə ma tine aŋganɔ na kɛɛshɩɩ na ma, ŋtə ma lə ayɔkɔ ɩlugo tɔɔ ɖoo ɖulinya ŋsəbʋ nɩ ma. ³⁶ Nkəŋ na akərə samaa ashɛʋ, n'aɖe akpa afal. Nábakəŋja bakəm asəla na nɩ, a lə nɩ waa: kʋɖa ŋŋɔ mbɔnɔ gawaranɩ kaalee ʋkɛɛshɩɩ ma, ashee atʋ. ³⁷ N'alə pɩ waa: Nɖee aɖu ɩpi ɩsoŋsono ma, ʋni na gəŋ arɛpur; ³⁸ Gawara ma, dulinya na gəŋ; ɩpi ɩsoŋsono ma, alɩjanakə ba pi pɩ gəŋ: ŋŋɔ mbɔnɔ ma, ɩnɩ nɩ gəŋ ayɔɩ bapur: ³⁹ Ɩbɛrɛ nɖee aɖu ɩbɔnɔ ma, ʋnɩ na gəŋ ɩbiliishi; Ayɔkɔbʋnka ma, ʋbon na gəŋ: babʋnka ma, malaaɩ ka ma na pɩ gəŋ. ⁴⁰ Ɖaa ba na ɖəm ŋŋɔ mbɔnɔ akəʋ ʋtonu nɩ ma, gəŋ ci ɩtɩ da dulinya ʋbon nɩ. ⁴¹ Arɛpur ataa təm amalaɩka mana bapɩ atɩ laa mbeɖee bapiki basaaka akara mbɔnɔ nɩ na badee baɖa ashee mbɔnɔ kaŋdilaŋ ma. ⁴² Akəʋ pɩ ʋtonu nɖee kʋ na ci ayɔ na ma, nkəŋ na ba naa yu nafəɖə fəɖə banʋkɔkɔ. ⁴³ Nkəŋ na mbaɖee bada deiɖei ma, bani ba naa ŋələ ŋələ ɖaa ʋshile ma, baya ada alaŋ ma agayaritəna nɩ. ⁴⁴ Gajakaayarɩtəna gaɖa dan daa, amaana abʋmbɔnɔ ɖən afərə gawara gaɖən nɩ ma, ʋsoroɖən aŋə nɩ ma, naa kɔɔ alugo nɩ acəŋə; ʋciŋkərka nɩ na ace atɩ yala bʋkɔɩ awəɖa ma ɩŋunii naa ashɩ na gawara gade. ⁴⁵ Gajakaayarɩ təna gaɖa dan ɖaa fal leeja ana yɛɛ ɩshipi ɩŋəɍə ma. ⁴⁶ Aŋə nɖee ɩkaŋkəɍ gʋya ma, na ce atɩ tɔ bʋkɔɩ awəɖa ma, ayala ashɩ na ɩshipi ɖe. ⁴⁷ Gajakaayarɩtəna gaɖa ɖan daa bʋfɩlɩkəja a na kəʋ gʋraʋ teŋkunɩ naa ari bʋfɩlɩ baabʋpaŋbʋ. ⁴⁸ Gʋraʋ gʋta rîŋə baɖe babɔkʋ adoo ńʋpaŋpaŋa naa asîŋkrə bʋsoŋsono aɖʋ bʋshɛɩ nɩ naa tɔɔ bʋbɔnɔ abɖa ma. ⁴⁹ ɩtɩɩtɩ ɖa gəŋ ɖulinya ʋbon kʋsile. Malaaɩka mana ba tɩ ba atɩ paɖa mbɔnɔbaja na mbade baɖa ɖe i ɖei ma. ⁵⁰ Nakəʋ mbɔnɔbaja ʋtonu ŋɖee kʋ na bon na ma nɩ, nkəŋ na ba naa yu na fəɖə banʋkɔkɔ. ⁵¹ ɩrəŋə gɩshɛbɔ aa? Na ba tələ waa? ɛlɩ. ⁵² Na alə pɩ waa: Galaŋ abɔŋɔnja nɖee arəŋə gajakaayarɩtəna kʋceru ma, ada dan daa gafalayar nɖee ana laa agafalanɩ karisiki kayɔkɔ ɩfɔlɩ nɩ́ŋono ma na. ⁵³ Yeesu akɛɛshɩɩ bʋlei bʋɖe aboŋo ma, n'atəbə gaɖu gaɖe. ⁵⁴ Akɔɔkɔɔ ce aɖimi nɩ ma, n'akpa sinagɔɔgə nɩ na cre bɛrɛ, nkəŋna mbadee ba na ɖʋ nɩ gʋtɔ ma, ɩkpa pɩ biti bade ba tɩ lə waa: Nka na asheeŋə na nɖe kʋyɔʋ na maamaaci alesvra nde. ⁵⁵ Kɩlee kaafinta ʋpur na gəŋ aa? kilee anar na gɛŋ Maari aa? kilee bapar pɩ gəŋ yakubu, Yosɛfu, Simɔɔ na Yuuɖi aa? ⁵⁶ Na abaŋeŋka baŋunii kəba ɖa naatʋ aa? Nkana nɖe kajalesʋra ɩshee ɖoo na ma apɩ ashee nɩ. ⁵⁷ Na baɖa sika nɩ kəba shee nɩ ya na. Ama na Yeesu alə pɩ waa: baa anabi baa apaŋa na kə ba na shee nɩ ɩja aɖimi nɩ kokoo abʋŋʋma nɩ na. ⁵⁸ Ba ɩwʋlʋ laŋ kɩ shee Yeesu gayɛ alee maamaaci kalesʋra na.