¹ Kasaa ɖe na Yeesu na abakəŋja ba pada blee kawara gadən nɩ na fəl sabaatɩ kʋsile. Akɔmɔ ɩnakə abakəŋja ma, na ba piɖe blee kɩpi anɔɔnɔɔ na jɩ. ² Fariisi kəbaja ba ŋə gəŋ ma, na ba lə nɩ waa: kiɖe ɖaa akəbakəŋja ba na lee bʋkɔɩ gʋpɔ gʋbəla nat ʋ sabaatɩ kʋshile waa gɩpaa lee na ma. ³ Ama Yeesu abuye pɩ waa: kɩtʋr daa Ɖaʋɖa a bʋŋa lee saa ndee akɔmɔ ɩnakə nɩ aɖən na abaja ma. ⁴ Ɖaa akpa Gaja kaafala nɩ atɔɔ boɖoboɖo ɩ balaa saraa ajɩ, maa? kɩshee nɩ ganɔ ajɩ na, gəŋ ci gboo kishee mba ɖee bater aŋkə ma, bajɩ na, shee basaraalaaja banɖənɖən ba na jɩ maa? ⁵ Yaa kɩtʋr gʋpɔ kagʋbɔ nɩ, waa sabatɩ kʋshile basaraalaaja kə ba na nyene gʋpɔ ʋnyiŋu kaafalane na, nakəba saŋkɔɔ awəɖa taalɩ dən aa? ⁶ Nshee tɩ lə anyɩn waa akɔɖən ɩda atɩya ɩwu ʋnyiŋu kaafala ma. ⁷ Maa ɩ tɩ kaashɩ daa bana lə waa ŋsɔlɔ ɩshɛɩ ŋəka awu saraa ma, maa kɩɩkə ɖulum baja bagaleei na. ⁸ Aɖʋwaa: Arɛpur alee ka sabaatɩ kanɖiyar. ⁹ Yeesu adoo nkəŋ ma, na akpa sinagɔɔgə nɩ. ¹⁰ Ʋsoroɖən aɖe ɖa ŋkəŋ agʋnyɛ gʋɖe gʋ kʋ. Na ba taba Yeesu waa: ɩshee ganɔ sabaatɩ kʋshile waa bakaɖa arɛ ʋshɛɖʋ aa? Ba na taba ga ni jɩ naa ba yɔ ŋgadee baciu na nɩ ma na. ¹¹ Na abuye pɩ waa: Anyɩnaŋa naa wəɖa abɔrɩ aɖɔŋkɔnɔ, naa abɔrɩ ɖe afəɖa gʋkulu nɩ sabaatɩ kʋshile na kaalaa nɩ na? ¹² Arɛ awəda aŋfaa nɩ awu abɔrɩ akpala gʋyagʋya! Galaŋ ɩshee ganɔ ba lee nsono sbaatɩ kʋshile. ¹³ Na a lə ʋsoro ɖe waa: Bɔlɔ akʋʋnyɛ. Na abɔlɔ na gʋkɔɔ aɖa ɖeiɖei ɖaa gʋsaaka ma. ¹⁴ Nkəŋ na fariisi mana baɖoo na lee na bawor saawara ɖaa basara naa akə Yeesu acii ma. ¹⁵ Yeesu ayɔ gəŋ ma, na abɔ agʋlɔ atəbə nkəŋ. Na bɛrɛ tuutuuma batər aŋkəm na akaɖa baŋunii bɩshɛɖʋ. ¹⁶ Ade tɩ kaka pɩ waa: Bapaa lə ashee ʋɖən ayɔ na. ¹⁷ Naa galei ɩ annabi Esaye abʋŋa lə ma ɩ lee. ¹⁸ Waa: kiɖe ma amatəŋleeja ndee waa ma, amasɔlɔka na gəŋ ntə ma ɖʋ aŋgasəŋə alaŋ anaa lə bʋkɔɩ bʋlee ɖeiɖei ma, ashee ɩsamaa. ¹⁹ Kaa ŋo ʋɖən na, kaa naa kuro na sər na, ʋɖən kaa rəŋə antogi nɩnyɩca na. ²⁰ Gʋnɔɔlɩmɩ ɩ gʋkodo ma, kaa boŋo kʋ ati na. Fɩtɩla nɖee ana lee ɩyɔ ma kaa boŋo nɩ aɖur, halɩ nkələ baŋə aɖeiɖei ma. ²¹ Naa ɩsamaa baɖʋ na nɩ tamaa. ²² Na ba toŋo ʋsoro ɖən ŋŋuro mbɔnɔ nkara nɩ nfɔnɔ aciʋ atɔɔ ma, ace na Yeesu sul, na atine ɩnyine naatɔ, aɖe tɩ rəŋə na lə bʋlei. ²³ Nkəŋ nɩ́lee samaa maamaaci bade batɩ lə waa: nɖe kɩlee Ɖaʋɖa na gəŋ aa? ²⁴ Fariisi kəbaja ba rəŋə gəŋ ma, na ba lə waa: ʋsoro nɖe Belsebulu aŋŋuro ɩbɔnɔ banɖiyar ɩkashɩ nɩ a na kərə n'aŋŋuro ɩbɔnɔ. ²⁵ Yeesu ayɔ bafaŋa nɩ ma, na alə waa: Gɩyarɩ gɩɖən gɩ ta yʋga kagʋlɔ kɩɩkɔɔ na ce ŋyɩɩ na Mpa nɖən kokoo gafala gaɖən gata yʋga kagʋlɔ kaakɔɔ aɖa na. ²⁶ Ɩta jɩ waa sheetaanɩ ayʋga agʋlɔ na kərə agʋlɔ, gəŋ ma agɩyarɩ kagɩkɔɔ aɖa na. ²⁷ Ɩta jɩ waa belesebulu aŋŋuro ɩbɔnɔ gəŋ ma, anyɩŋbapi ni, ɩpaŋa nɩ ba na kərə na ma, galaŋ ba nɩ ba cîm ńanyɩn ɩkəma. ²⁸ Ama ɩtajɩ waa: Gaja kaŋŋuro njɩ nna kərə n'aŋŋuro ɩbɔnɔ, gəŋ ma, yɔ ma waa: Gajakaayaritəna ga pɩ anyɩnasul. ²⁹ Yaa baɩ na arɛ ana səra akpa arɛ kaŋkəra agafala nɩ, a pɛɛpɛɛ amana, nɩɩ jɩ waa ka ri nɩ akʋr nɩ vlɔ na? Ata kʋn ɩ ʋlɔ nkəŋ na asəra apɛɛpɛɛ amaana. ³⁰ Nɖee ka ɖa n'amʋ na ma aŋomʋ na, nɖee ka kaŋa n'amʋ awala na ma, ana kəkə na ram atən. ³¹ Galaŋ ntɩ lə anyɩn waa: baa mbɔnɔ baa mpaŋjɩ na ka gɩwʋlʋɩ bɛrɛ ba na jɩ ma, batɩ batəɖə pɩ, ama nɖee ajɩ gɩwʋlʋ n'ŋŋuro nsoŋsono ma, kə ba təɖə nɩ ayɔ na. ³² Arɛ ɩ akide arɛpur fɔɩ ma, batɩ batəɖə nɩ, ama nɖee akiɖe ŋŋuro nsoŋsono fɔɩ ma, kə ba təɖə nɩ ʋrɔŋ na, kə batəɖə nɩ gacəŋ ayɔ na. ³³ Waa gʋyo gʋcəm, kɩpi gboo shee ɩcəm, kokoo gʋyo kʋʋcəm na, kɩpɩ gboo kɩɩ cəm, na; aɖʋwaagʋyo baa gʋpaŋa, ɩpi nɩ ba na yɔ na kʋ ³⁴ Mpere kabʋsheme baja anyɩn, ɩtu səra alə aləsʋra ɩsoŋsona anyɩɩ ɩlee barɛbɔnɔ ma? Aɖʋwaa bʋkɔɩ bʋ riŋə gɩfolu nɩ ma, bʋ na ɖoo ganɔ nɩ. ³⁵ Arɛ soŋsono a na laa alesʋra ɩsoŋsono amaa na soŋsono nɩ, n'arɛbɔnɔ ana laa alesʋrabɔnɔ amaana bɔnɔ nɩ. ³⁶ Nti lɛ anyɩn: ɩkəma kʋshile, bɛrɛ ba ti ba lee nkɔŋta fɔɩ kabʋlei ɩ baʋŋa lə ma. ³⁷ Aɖʋwaa akəbʋlei nɩ na bakʋma kɩ, akabʋlei nɩ na ba kə akaalei. ³⁸ Nkəŋ na babɔŋɔnja na faŕiisi kəbaja ba lə Yeesu waa: Nɖiyar, gɩtɩ yɛɛ alee maamaaci kagʋlesʋra gʋɖən gɩŋə. ³⁹ Na abuye pɩ waa: saamanɩ nɖe kəbaribɔnɔ na fɔɩfɔɩ kalesʋrabaja ba tɩ ta ba maamaaci kagʋlesvra, kəba caa ŋɛ no na kɩ lee Anabi Yonaasi agʋja na. ⁴⁰ Aɖʋwaa: ɖaa Yonaasɩ alee ɩstiile iriu na gɩji bɔŋɔ ɩriu gafɩlɩ gabʋmbɔnɔ kancəna nɩ ma gɛŋci gboo arɛpur a lee ɩshile ɩriu na gɩjɩbɔ ŋɔ ɩriʋ gatəna kancəna nɩ. ⁴¹ Niniifu kəbaja batɩbatɩ ta, ɩkəma kʋshile, a kə saamanɩ nɖe kəbaja bagalei aɖʋfvaa ba rəŋə Yonaasɩ awaasu ma, na bafʋba nɖawa: Nɖee ashee da atɩya ma, awu Yonaasɩ. ⁴² Gajakalaŋ kagʋsənari gʋtugʋtita ikəma kʋshile, aciu na saamanɩ nɖe kəbarɛ a kə bagalei, aɖʋwaa: Aɖoo na gatəna kaayalo jɩ apɩ atɩ rəŋə Salomɔɔ ʋyɔʋ kabʋlei, nɖee ashee ɖa atiya ma awu Salomɔɔ. ⁴³ Saa nɖee ŋŋuro mbɔnɔ nɖoo arɛ nɩ ma, nɖeŋ ce bʋdu kʋka na yɛɛ gaɖu ŋʋraka, na kiŋ ŋ na. ⁴⁴ Ndeŋ lə waa: Ntɩ ma kɔɔkɔɔ gafala ŋgadee nɩ ncee ɖo ma; ata kpa, aŋəjiɩ gada gakɔnɔ, bashɛrjɩ bapɛmpɛŋji aɖʋ yee yee ma. ⁴⁵ Nɖe ŋkɔɔkɔɔ atɩ yɛɛ aŋuro nɖee ɩkɔɔ alee ɩbɔnɔ awuɩ, naa acamjɩ ajɩe, kasaa ɖe ʋsoro ɖe andawa ɩna kɔɔpra ɩbɔnɔ nɩ awu nsəbaka. Ɩtu tɩ pɩ gəŋ astiee saamanɩ abɔnɔ ŋde kɛbɛrɛ. ⁴⁶ Yeesu a naa na lə na samoo ma, na anar na abaŋono nabapar bakpa ayiɖe ŋɖɔŋka na yɛɛ ba lə na nɩ. ⁴⁷ N'ʋɖəna lə nɩ waa: kiɖe atɩya akaŋana nákəba pal bayiɖe nɖɔŋka na yɛɛ ba lə na kɩ. ⁴⁸ Ama Yeesu atələ ashee nɖee alə nɩ gəŋ ma maa: Aŋa na amaŋana aŋa na ambapal? Na ⁴⁹ abɔlɔ gʋnyɛ anam abakəŋja naa alə waa: kiɖe ma amaŋana na ambapal banoo kama. ⁵⁰ Aɖʋwaa: Ndee ana lee amawɛ ada alaŋ ma ʋciŋsuka ma, alee ka amaŋana, ampapal, na ambanyeŋka.