¹ Alɩkawɩlɩ asəbaka ɖe, ʋnigboo awəɖa ɖaa ba na lee abɔɔta, gasaraa laaɖu atən kaaja ma. ² Gasaraa laaɖu gaɖe nɩ, kancən na ba cə cɩrɩ cɩrɩ kaa ɖu, naɖʋ kɩ lʋwaatʋ, nɩ tebiri laŋ ba naa tər ɩboɖo boɖo mana ma. ³ Paatusaŋ kaŋkəm na ba cə cɩrɩ cɩrɩ kaa cɩrɩ cɩrɩ cɩrɩɖu. ⁴ Ntomoɩ laŋ ba na laa ɩsara ma, na bajiŋəŋjɩ na wura, nalɩkawɩlɩ kaɖakaa bajiŋə nɩ na wura gboo. Alɩkawɩlɩ kaɖakaa ɖe nɩ wura ka gʋnyanʋ gʋbʋmbɔnɔ gʋ ɖən gʋ ɖa kancən, maanɩ kʋjɩʋ ʋɖe ɖa ncən, Arʋʋna ʋbɔlʋɩ ʋna pɩ ashɛ ma, ʋ ɖe ɖa ncən, nalɩkawɩlɩ kɩkpalakɩ ɩɖe ɖa ncən. ⁵ Aɖakaa ɖe ka laŋlaŋ, na ba laa ʋkʋmʋ kɩ malaɩka banyɩʋ asiu Aɖakaa ɖe ka gɩ ka na kɛɛshɩɩ ɖaa ɩ ɖa nnyəmə ma na. ⁶ Alesʋra ɖe ba ɖʋ ɩni, ba saraabaja ba ɖe batɩ kpa kaaɖusəbaka baaŋjəŋ na lee bantəma; ⁷ Gaɖunyɩʋtaja basaraalaaja banɖiyar, anɖən ɖən ana kpa ŋkəŋ, ŋkpala nɖɔŋkɔnɔ gaja gapilimə nɩ, ka na kpa ŋkəŋ ka toŋo abɔrɩkɔnɔ ɩ alaa saraa ashee agʋlɔ, na samaa ambɔnɔ ma na. ⁸ Ŋŋuro nsoŋsono ntɩ kaɖa na faŋa ʋnyɩŋca cɩrɩ cɩrɩ ɩja kʋja kʋ ka na kaɖa afaŋa na, aɖʋwaa Aɖakaa asəbaka anaa ɖa ma laŋ. ⁹ Ɩlee gʋfələ fələ kʋ alʋnaatʋ nɖe nɩ gɩɖa nnyəmə waa ma nɩ, bɛrɛ ba naa na laa ɩsaraaɩ kusəra apɛ mpɛŋɛ atabɔɔta kabaamʋnʋ ɩɖa ɖei ɖei na. ¹⁰ N'ɩjɩ, n'akana, nalɔshireka na, ɩniɖe ɩlee gʋrɩlɔ kalesʋra nɩ, ba ɖʋ na saa na sàɩ baƒʋba baamʋnʋ ma. ¹¹ Kristo, apɩ ɖaa basaraa laa ja banɖiyar ma, aɖʋ alesʋra ɩŋərə nɖee ɩnɩɩ tɩ pɩ ma; ahoo gasaraalaaɖui galee ɖei ɖei ija kaaja ŋgaɖee kɩlee bɛrɛ ba cə ka na banyɛ na ma, kaashɩ na gəŋ waa: kɩ lee ɖulinya nɖe nɩ kaja na. ¹² Nakpa kaa cɩrɩ cɩrɩ ɖu nkpala nɖɔŋkɔnɔ nɖe gabon, kɩ lee na bʋcukori na bʋnakori kakɔnɔ na, ama, n'agɩlopi akɔnɔ nɖee ɩna pɩ na mbɔnɔ kʋtəɖu na ce nace ma. ¹³ Ɩta jɩ waa: Anakoro na bʋcikori, na gana kɔɩ ka tʋŋaɩ bafʋr ma, u səra afʋra arɛ ashɛr ambɔnɔ Gaja kaŋyɩɩ. ¹⁴ Gəŋ ma, Kristo, akono nɖee ɩlee ŋŋuro kɩja na ce nace, ma, nagɩlopiɩ gawaka nama gaɖən kaaɖa na nɩ, na ma, kɩɩ səra apɛmpɛŋɛ anyɩnakoŋlesvra, naa ɩnaa lee Gaja ŋŋuoyar bɔɔta! ¹⁵ Galaŋ na alee apaɛmpɛŋɛ ka atɩ alikawɩlɩ afɔlɩ nɩ, naa ɖaa bʋce bʋ pɩ atɩ shɩ mbaɖee bacee alee mbɔnɔ alɩkawɩlɩ asəbaka nɩ ma, mbaɖee bayɩɖa pɩ nnyəmə ma, ba tɩ cam amaana nɖee kawəɖa gayala na ma baceeɖʋ waa bashee pɩ ma. ¹⁶ Aɖʋwaa: baba ŋɔngʋbɔ aɖʋ, nɖee aŋɔnkʋ ma, a bʋce naɩ. ¹⁷ Gʋbɔŋɔnkaɖʋ gʋɖa ma, saaɩ arɛ aci ma, na gʋ na wəɖa aŋfaani, nɖee a ŋɔn kʋ ma, ata naa ɖa ŋŋuro nɩ, kʋʋ na wɛɖa aŋfaanɩ na. ¹⁸ Galaŋ, akɔnɔ nɩ ba kʋr n'alɩkawɩlɩ asəbakaɩ ba tɩ wa. ¹⁹ Musa, alə gʋpɔ ka baa mʋnʋ ashee samaa aboŋo fee ma, natɔɔ bʋna kori, na bʋcikori ku kɔnɔ na bʋtorana, na tɔɔ kʋca ba lee nɩbɔrɩsana ma, asɔm akɔnɔ ɖe nɩ amer alɩkawɩlɩ kambʋcar, naa mer samaa. ²⁰ Naa alə waa: nɖe ɩlee alɩkawɩlɩ kakɔɩ Gaja ga lee ashee anyɩn ma. ²¹ Na amer gasaraalaaɖu na kanyanʋ laŋ ɩŋunii nɖee ba na lee na bɔɔta ma. ²² Ɖaa gʋpɔ gʋtaba ma, akɔnɔ ɖe ɩpala ka baamʋnʋ ɩ ɖa cɩrɩ cɩrɩ, aɖʋwaa: n'akɔnɔ kɩfʋr na ʋtəɖu ʋmana. ²³ Ɖaa ɩ sim kpatakɩɩ ma na gəŋ, aɖʋwaa alesʋra nɖee ɩlee ɩlaŋaja ma kagʋfələ fələ kʋ gəŋ ɩtənaja, ɖaa ɩsɩm ba pɛmpɛŋɛɩ ma na gəŋ, alesʋraɩ ɩɖa alaŋ ma, saraa aŋərə na ba na pɛmpɛŋɛ nau. ²⁴ Aɖʋwaa: Kristo ka kpa gasaraa laaɖu bɛrɛ ba cə n'anyɛ atɔɔtɔɔ ɩja kaa ja na, ama, akpa nɖəla nɩ alaŋ naa asəra ayiɖe Gaja kaŋyɩɩ ashee atʋ. ²⁵ Kɩ lee baa saa apaŋa na a naa tɔɔ agʋlɔ na laa saraa laŋ na akpa ŋkəŋ na, ɖaa basaraalaaja banɖiyar ana kpa gasaraa laaɖu baa gaja gapaŋa jɩ nakɔɔ ɩsana ma na. ²⁶ Maa ataa naa jɩ kɩshɛɩ ɖe akpala gʋya gʋya gʋya ɖɔɔ daa ɖulinya asəba ma, ama, nnyəmə alʋwaatʋ aboŋo ka nnɖe nɩ, ŋkpala nɖɔŋkɔnɔ njɩ akpa naa akə mbɔnɔ kabʋsheme nasaraa nɖee a laa ma. ²⁷ Ɖaa ɩɖa waa: Arɛ acii mkpala nɖɔŋkɔnɔ, naa baye cim na nɩ ɩkəma ma. ²⁸ Na Kristo, atɔɔ agʋlɔ akulɔ bɛrɛ tuutuuma bambɔnɔ, naa akɔɔ aɖoo, mbɔɔnɔ nɖən mpaa kɔɔ aɖa na nɩ na, ashee mbaɖee baɖʋ na nɩ tamaa na yɛɛ nɖisono asul ma.