¹ Aɖʋwaa: Gʋpɔ gʋlee ɩŋərə nɖee ɩnɩɩ tɩ pɩ ma kagʋfələ kʋ, kʋlee ɩja na, gʋshɩ fəna ɖa ɖa naɩ kagʋ səra alee akɔɖən na, mbaɖee ba na kəm na səla na Gaja ma, bɩsaraaɩ ba na laa na she ba lɔ baa Gaja gapaŋɔ ma kɩɩ səra aɖʋ pɩ ɖei ɖei na. ² Kɩsəm maa ba pala kʋlaʋ aa? Aɖaʋwaa: mbaɖee ba na lee kabɔɔta na pɛmpɛŋɛ ba lɔ ma, maa kə ba kɔɔ naligə ba mbɔnɔ laŋ na. ³ Ama ba na lige bambɔnɔ laŋ ma, na ba naa na laa ɩsaraa baa gaja gapaŋa jɩ. ⁴ Aɖʋwaa: Anakara na bʋcikori kakɔnɔ kɩɩ səra ashɛr mbɔnɔ na. ⁵ Galaŋ na saaɩ Kristo akpa ɖulinya nɩ ma, alə waa: kasɔlɔ saraa na kasɔlɔ gʋjɔɔ gʋɖən na, ama, ʋlee mapra gʋlɔ gʋɖɔŋkɔnɔ. ⁶ Kasɔlɔ ɩsaraalaa ka na, kasɔlɔ gʋshile kɩsaraa naa mbɔnɔ nshɛr na. ⁷ Ŋkəŋ na nlə waa: kiɖe, ntʋnapɩ, ô Gaja ma lee akʋciŋsɔlɔka ɖaa baŋɔn aŋgalei gʋbɔ nɩ. ⁸ Ʋsəbʋ nɩ na a lə waa: ka hɩɛ ɩsaraa laaka na, kasɔlɔ gʋshile na kaɔlɔ gʋjɔɔ na, kasɔlɔ ɩsaraalaaka ashee mbɔnɔ na, ɖaa ba na lee gʋpɔ kanɖi laŋ ma na. ⁹ Na akɔɔ alə acəŋə waa: ntɔɔnapɩ ma lee akʋcɩŋsɔlɔ ka. Ŋkəŋ na akə gʋlesʋra gʋtɔnaka natɩ gʋnyɩʋtaja. ¹⁰ N'ʋciŋsɔlɔka ʋsoŋono ɖe na Yeesu atɔɔ agʋlɔ alaa saraa, mkpala nɖɔŋkɔnɔ apɛmpɛŋɛ n'atʋ ¹¹ Ɩta saa na basaraalaajaɩ ba na laa saraa baɖɔŋkɔna baɖe baanjəŋ baanjəŋ ma, kɩɩsəra ashɛr bambɔnɔ ayɔ nayɔ na. ¹² Ɩtasaa na Kristo, ʋni alaa saraa mkpala nɖəŋkɔnɔ nɖe mbɔnɔ kanɖi laŋ ma, nasə Gaja kagʋnyɩsɔno laŋ na ce nace. ¹³ Na saa a ɩbɛrɛ mana ba pɩ ɩkei nɩ anaa sara ba laŋ. ¹⁴ Aɖʋwaa: Asaraa aɖɔŋkɔnɔ ɖe a laa ma, apɛmpɛŋɛ bɛrɛ tuutuuma nce nace. ¹⁵ Ŋgaɖee ŋŋuro nsoŋsono nlə gboo ma na gəŋ; Aɖʋwaa: Alə waa: ¹⁶ kiɖe ma, alɩkawɩlɩ afɔlɩ nɖee nna kʋr na pɩ ma, ɩshile ɖe kaŋkəm ɖaa nɖiyar alə ma, waa ntɩ ma ɖʋ amapɔ bɩ folu nɩ, nakɔɔ apele acəŋə waa: Ntɩ ma ŋɔnɩ baŋŋuro nɩ. ¹⁷ Na, kə ma kɔɔ alige bambɔnɔ laŋ ayɔ na bɩ taalɩ gboo. ¹⁸ Galaŋ gaɖuu mbɔnɔ kʋtəɖu ʋɖa ma, saraa alaka ashee mbɔnɔ kaɖa na. ¹⁹ Galaŋ anii, atɩ bawor, na Yeesu akɔnɔ kalibarka laŋ ʋyɩnca ʋtine faa gɩ kpa gasaraa laaɖu. ²⁰ N'ʋnyɩnca ʋfɔlɩ nɖee alaa ashee atʋ ma, gɩ kul na paatɩɩsaŋ, kaashɩ na gəŋ waa, agʋlɔ. ²¹ Aɖʋwaa: gɩwəɖa asaraalaaja abʋmbɔnɔɩ nɖee bati Gaja kaafaala nɩ ma. ²² Gɩ kim asəla na nɩ n'ɩja kagɩfolu, naa atʋcine ɩ gɩwəɖa ma, ʋɖa gɩshɛbɔ, gɩ jənə atɩfolu alaa alesʋra ɩbɔnɔ, na gɩcɩ atalɔ na bʋto bʋŋərə. ²³ Gɩtoŋo ata tamoa ɖe gɩ wəɖa ma, gɩshɛbɔ, aɖʋwaa nɖee aɖʋ waa ataa lee ma, alee ɖeiɖei yar na. ²⁴ Gɩ naa tɔji atɩ bawor, na ɖʋ atɩ bawar ɩkaŋ kɩrɩ ʋsɔlʋ nɩ gɩ naa lee alesʋra ɩsoŋsono. ²⁵ Gɩ paa kə atɩŋkulo aram, ɖaa baɖən bagʋshile ma na; Ama, gɩnaa ɖʋ atɩbawor ɩkaŋkɩrɩ ɩŋərə, ɖaagɩ naŋə waa: ʋshile ʋsəla boŋo ma. ²⁶ Gɩta kɔɔ na lee mbɔnɔ naciŋsɔtɔka, ɖaa ɩja kʋ yɔʋ nɖee gɩ cam ma, gəŋ ma saraa ɖən ka kɔɔ aɖa ashee atɩ mbɔnɔ nɖe kʋtəɖu na. ²⁷ Kasaa ɖe ɩkəma ɩbʋmbɔnɔ ɩkaŋkəra n'ʋtonu ɩɖa ka na saa mbaɖee bʋfolu ɩcir ma. ²⁸ Arɛ nɖe kanyene Musa agʋpɔ na ma, bɛrɛ banyɩʋ kokoo beriu batalaa kasəriya, shee karɛ a cii kə baŋə ɩshɛɩ na. ²⁹ Gʋtɔ gʋbɔka gʋkaŋkra gʋpaŋa kʋ ɩŋə waa: Gʋsəm babɔ nɖee akɩɖe Gaja ʋpur fɔɩ ma, naa asaraaɩ alaa afʋr akɔnɔ akʋr nalɩkawɩlɩ ma, ka tɔɔ ɩ ayɩɖa akɔɖən na ma, naa aka galei na gʋjɔɔ kaŋŋuro ma? ³⁰ Aɖʋwaa: Gɩ yɔ nɖee alə waa: Mʋ nnɩ ma səla ʋɖa, amʋ nnɩ ma yʋga baaŋa agʋjɔ! N'akɔɔ alə acəŋə: Nɖiyar anaa cəm na asamaa ɩkəma. ³¹ Ɩsɔm paa waa: Arɛ afəɖa Gaja ŋŋuro yar agʋnyɛ nɩ. ³² Naa ma na lige ɩshile ɩsəba, bakaɖa ashe anyɩn nɩkara gayɛ acə kagʋtara ajɩ ɩshɛɩ ma. ³³ Naa ɩtɔɔ anyɩnalɔ ajel ajɩ ka gɩci fala naabaɖʋ anyɩn ɩshɛɩ, naa ɩkaŋa na basaaka ajɩ kɩshɛɩ ɖema. ³⁴ Aɖʋwaa ɩŋə mbaɖee baɖa sarka nɩ ma bishɛɩ, nɩtələ n'ʋciŋkərka ba pɩr n'anyɩn anyɩn ɩmaana ma, yɔ ma waa: ɩwəɖa ɩmaana baŋərəɩ kəba na bon na, aɖa baanjeŋ ma. ³⁵ Galaŋ paa ma bəɖa anyɩnʋyiɖunama nɖe ɩwəɖa naa Gʋjɔɔgʋbʋmbɔnɔ banɩ batɩ yʋga ashee anyɩn naa ɩtɔɔ anyɩnalɔ acəra nama ma na. ³⁶ Aɖʋwaa: ɩhɩɛ waa: ɩkara gayɛ, naa ɩta lee Gaja kʋciŋsɔlɔ ka aboŋo, ɩcam bʋkɔɩ aɖʋ waa ataa shee anyɩn ma. ³⁷ Ɩsaa cei, alʋwaatʋ shɩshɩnɩʋ: Nɖee anaa pɩ ma, akpa, kaa liŋ na. ³⁸ Amajal aɖa ɖei ma, ʋcinei awəɖa ma, ʋn'ʋfʋra nɩ; Ama at abɔ agʋlɔ n'amʋ, kə ma kɔɔ aɖʋ na nɩ na. ³⁹ Atʋ, kɩɩ lee mbaɖee ba na bɔ balɔ na li ma na, ama, gɩ lee mbaɖee bawəɖa ʋcine na cam aŋŋuro na lam atən ma na.