¹ ʋcinewaɖaka ɩlee bʋkɔɩ ʋshee ɩja ayiɖe nama awaɖa amaa na bʋkɔɩ ka na ŋəbʋ n'ɩnyine na ma. ² ŋkaŋ na ba laa sariya ashee baŋpno ɖooɖooɖo kabaja. ³ N'ʋcinewaɖaka ɖe na di yɔ waa: galeiji gaja galee na ɖulinya, bʋkɔɩ gi naŋə waa ma, kilee nɖe ba na ni nyine ma, na balee nama na. ⁴ N'ʋcinewada ka na abɛli alaa saraa aŋərə nɖee awu kayi aja ma, ashee gaja; nabakʋma ni waa: Alee ɖeiɖei yar, aɖʋwaa:Gaja gakʋma asaraa; baa maa ɖaa aci aboŋo ma abɛlu ʋcimewaɖa ka, ʋnaa ti ləbʋlei. ⁵ ɛnɔɔkɩ ʋcinewaaɖa ka laŋ na gaja ga laanɩ ace n'asul bʋce bʋ paa ka nɩ na, kaba kɔɔ aŋə nɩ na, naa ba ye laa nɩ, acam sariya waa alee arɛ soŋsono na gaja kaŋyu. ⁶ Naka wəɖa ʋcine na kaacam gaja kaŋyu na, aɖʋwaa: Mbaɖee ba na kim na səla na gaja ma bashee ɩja waa: gaja gaɖa, gaja gaɖe ga na səla mbaɖeeba na yɛɛ nɩ ma ʋɖa. ⁷ Nuhum awaɖa ʋcine ma, na bafaŋa nɩ bʋkɔɩ kaŋəbʋ ayɔ na, nabʋ na yɛɛ bʋ lee ma, na ka sampəna ɩkpa nɩ, n'akal ŋyifoi afʋra abʋŋʋma acambʋ alam atan, na ba ɖur ɖulinya aŋunii napra ɖeiɖei ka tiibiyar nɖee bawaɖa n'ʋcine ma. ⁸ Abraham awada ʋcine ŋkələ bayiɖa ni ma, na anyene naa atəbə ace gaduɩ ajɩkatiibi ma, n'atɔɔ ʋnyŋca atəŋə na gaɖuu kayɔ ayɔ na ma. ⁹ N'ʋcine wada ka na ace atɩ sətiibi kaatəna ni, gatənaɩ galee gasana ma nɩ, naa aɖa akuroku nɩ Isaaka na yacɔɔbʋ gboo, ba nɩ ba man tiibi ɖe aji. ¹⁰ Aɖʋwaa: ba tɩ saa mpa ndee Gaja kagɩlopi ga yiu k'ʋkukei na gaja gaɖe galee mpa nɖe ka caja ma. ¹¹ Nʋcine waada ka na sahara baa maa ɖaa akpar gɩpɩla ma, awəɖa mpipi aɖʋwaa ashee ɩja nɖee alə nɩ waa ataalee ashee nɩ ma. ¹² Galaŋ ʋsara aɖɔŋkɔnɔ akpar gipila aboŋo ma, aŋʋm samaa tuutuuma ɖaa ɩŋɔrpi ma, ɖaa gɩ yikidi ɩ gɩɖa teŋku kaanɔ ma ¹³ Bawaɖa ʋcine ɖe halɩ apɩtɩci, kə bacam bʋkɔɩ ba lə waa batɩ ba shee pɩ ma na, ama ba ŋəɩ asalɩ gaɖulɩŋka, naa ayɔ waa basana pɩ balee alee banyɩncaceja gatəna laŋ. ¹⁴ Mbaɖee baŋɔnji ma batɩ kaɖa na faŋa waa: Gaɖu galee badimi kaaɖu ma, na ba na yɛɛ. ¹⁵ Maa baŋə gaɖuɩ baɖoo na ma ma, maa ba kawa ŋkaŋ. ¹⁶ Ama, nnyima batɩ yɛɛ gaɖuɩ galee gaŋərə awu ma, ganɩ jɩ gəŋ gaja sul alaŋlaŋ kaaja galaŋ na gaja kaa cii gɩcifala bana yiɖe nɩ waa: Atɩkoyar ma na, aɖuwaa: Apɛmpɛŋɛ mpa nsoŋsono pɩ. ¹⁷ Nʋcine wadaka na Abraham atɔɔ ʋpu Isaaka nayɛɛ alaa saraa ŋkələ gaja gatʋnɩ aŋanɩ aŋəma, n'atɔɔ ʋour aɖɔŋkɔnɔ ɖe alaa saraa ade ndee balə waa batɩ ba lee ashee nɩ ma. ¹⁸ Na ba lə Abraham waa: Isaaka nɩ na akɩ mpipi nɖoo na ma. ¹⁹ Acɔɔ atəŋə ayɔ waa : gaja gatɩ ga ŋənə ʋpur ɖebakono nɩ ashee ni: ʋŋənu kʋshilee ataa kɔɔ aŋənɩ aciŋə. ²⁰ Nʋcine waaɖa kana, Isaaka aɖʋ yacɔɔbʋ na esoo albarka bʋkɔɩ ba nɩ ba tɩ pra ma. ²¹ Nʋcine waaɖaka na, saa ndee yacɔɔbʋ anayɛɛ acii ma, n'aɖu yosɛfʋ bapur albarka acim ʋbɔlʋ kandi laŋ alee gaja bɔɔta. ²² Nʋcine wadaka na saaɩ yosɛfu anayɛɛ acii ma, alə ɖaa Israɛl Bapur banɩ batɩ ɖoo ɛjibiti nɩ ma, n'aləpɩ ɖaa banɩ ba sara n'akaŋkəwa ma. ²³ Nʋcinewaɖaka na Musa abaja ba tɔɔ nɩ alugo halɩ ɩŋɔrɔ ɩriu, aɖʋwaa acɔɔ cam , bʋcama kə ba cuu ŋgaɖee gʋpayarɩ alə ma na. ²⁴ Nʋcinewaɖaka na, saa nɖee Musa akpər ma, abəla waa bapaa kɔɔ ayida aɖe waa farahaʋna ʋpur, ʋpigi ʋpur na. ²⁵ N'asɔlɔ waa: Aɖe nna gaja ka samaa ba jɩ ɩshɛɩ ɩcəm awu waa: Aɖe ajaŋ na mbɔnɔ alʋwaatʋ ajala ɖən nɩ. ²⁶ Na akiɖe waa: Aɖe ajɩ kristo agɩcifala ɩlee arsiki abʋmbɔnɔ na awu Ejibiti kɩmaana baŋunii aɖʋwaa: Ataa agayɛ na kiɖe gʋjɔɔ gʋbʋmbɔnɔɩ gʋ ɖa ma. ²⁷ Nʋcinewaɖaka na Musa atəbə Ejibiti nɩ, asampəna kɩkpa nɩ na gʋpayarɩ faranaʋna ʋnyana na, naa yiɖe na ma, ɖaa ati ŋə Gaja ɩ ka ba na ŋə nɩ nyine na ma. ²⁸ Nʋcinewadaka na baji gʋshile paakɩ kajɩŋgaarɩ naa atɔnɔ acɔcɔ babʋkukanu naa bʋce ka malaɩka apaa kana Israɛl bapur ba bayifalpi soro na. ²⁹ Nʋcinewaɖaka na basala teŋku arana nɩ ɖaa gatəŋkɔnɔlaŋ na ba na sara ma, ama Ejibiti kabaja ba na yɛɛ ba səla ma, na teŋku akulo pɩ baŋunii ashɛʋ na ma. ³⁰ Nʋcinewaɖaka na yerikoo kʋyarɩ ʋbʋmbɔnɔ ʋfəɖa saaɩ basara asir nɩ halɩ akpala kulumi ma. ³¹ Nʋcinewaɖa na, ʋsəmprə ayeeyeeka rahabɩ ka man na mbɔnɔ baja acii na, aɖuwaa acam mbadee bapɩ atɩ kide gadu ma gɩsana gɩshɛbɔ. ³² Gapaŋa ji makɔɔ alə acəŋə? Aɖʋwaa :aʋwaatʋ ka na yɛɛ atə amu ma lə jeɖeɔɔ, baraakɩ samsɔɔ, jɛftee, ɖafiɖ, samɩɛlɩ, na Anabi mbaɖee. ³³ nʋcinewaɖaka na ba jɩ bʋyarɩtana gʋtara, naa atɩ ɖeiɖei kalzsʋra, n'acam bʋkɔɩ balə waa: ba ti ba shee pɩ ma, naa apɔɔ ɩguuni ba bʋ nɔ. ³⁴ N'aɖur ʋtonu ki kashɩ, naa afɔɖɔ ba na yɛɛ ba sɔ pɩ bʋpɔɔ ma, bɩshɛɖʋ ɩkada, baleka batan caja babumbɔnɔ, bakərə ɩsɔja basana ba cu. ³⁵ Na basamprəɩ ba bakul bacima bakɔɔ aŋə ba ba kul ba ŋənə aɖoo bakono nɩ ma, baɖʋ ba ɖən ɩshɛɩ na ba bla waa kabaɖoo ɩshɛɩ ɖe nɩ na, naa ba ŋə ʋsaoŋsano, ³⁶ Baɖʋ baɖən wɛɛwɛɛ, okaɖa pɩ ɩkpasəpi, akʋr baɖən ɩwɔrɔ, aɖʋ baɖən ɩsarka nɩ. ³⁷ Aka baɖən atala baci, akir baɖən na karakara, aɖʋ baban ɩnawɩya, aka baɖan na bʋpɔɔ bʋ lamaka, ka ba wada gaɖʋ saka gaɖɔŋkɔnɔ na, ɩce n'ɩrama kapoo nɩbapɔɔ na kara baɖe batɩ ɖʋ pɩ ɩnawɩya na naashɛ pɩ. ³⁸ Dulinya aŋo pɩ na, baɖe batɩ yee baaŋkana nasir, ʋteru nɩ abʋnʋlaŋ atakəwələnɩ, baɖe ba ti kpa akulu nɩ gatəna katən. ³⁹ Bani bade bʋcine bawaɖa ma, balaa səriya ashee pɩ, ama kə ba cam bʋkɔɩ balə waa: Batɩ ba shee pɩ ma na. ⁴⁰ Gaja gaɖu bʋŋərə bʋɖən na saa na atiganɔ naa banɩ ba paatɔnɔatʋ aɖa ɖeiɖei asaa atʋ na.