¹ Ɩta saa natʋ, samaa abʋmʋbɔnɔ sir atʋ akal alee səriya, galaŋ baa ŋa akɔɔ na ʋɖʋra abəɖa na mbɔnɔɩ kɩŋsɔm natʋ kʋ jabla na ma, naa gɩ cuu koŋkaarɩ kaarɛ́ɩ batine ashee atʋ ma. ² Gɩtəŋə atɩbʋyɛ̀ na nɖiyar Yeesu nɖee ahɩɛ atʋcinewəɖa ka ma, ʋciŋkərka laŋ na atələ aji gʋyo kaŋkʋra kɩshɛɩ, ajɩ gɩcifala, ama nnyəmə asə Gaja kaŋyarɩboi kagʋnyɛsono laŋ. ³ Gɩtaa akide nama, nɖee atɩmbɔnɔ kʋleʋ laŋ na abla nagʋlɔ ʋciŋsɔlɔka, naa anyɩnalɔ ɩ paatɩ ci anyɩmcine ʋpaa tɩ pɩɛ na. ⁴ Yɔ ma waa: kɩ kana cɩ ɩbobɔ halɩ akɔnɔ ɩɖoo anyɩnalɔ laŋ abla na mbɔnɔ na. ⁵ Ɩsaŋkɔɔ anyir ɩkashɩ ɩ baɖʋ anyɩn ɖaa gʋyà gʋ na ɖʋ bapur ɩkashɩ ma: waa Ampi, paa bla nɖiyar agʋtɔ gʋbɔka na, ata naa bor nakɩ akʋʋlɔ gʋpaatɩ ci akʋcine ʋpɩɛ na. ⁶ Aɖʋwaa: Nɖiyar ana bɔ nɖee asɔlɔ ma lagʋtɔ kʋ, naa naa kəɖa bapur gɩpɛ. ⁷ Cɩʋmakʋ atoŋo gʋtɔ gʋbɔka, Gaja gatɔɔ anyɩn pɩ waa bapur; yaa ʋpi apaŋa ɖa ka ayar ka na bɔ agŋtɔ na? ⁸ Na kə ba bɔ anyɩnatɔ, ɖaa babɔ baaŋa agʋtɔ ma na, gəŋ ma, kɩ lee bapur ɩja kəbaja na, akətəlpi nɩ lee. ⁹ Gɩta kiɖe atɩbayaɩ baŋʋm atʋ ma, kə bapala atatɔ kʋbɔʋ na, na gɩ nyene pɩ gəŋma kɩ səm waa gɩ nyene ataya nɖee ajie ataŋŋuro ma, naa ashee atʋ ŋŋuro aa? ¹⁰ Atibaya babɔ atatɔ ashee ɩshile ɩnyɩʋ ɖən ɖaa basɔlɔ ma; Ama, Gaja gashee t ɩbɔ atatɔ na yɛɛ atɩbʋcəma, naa gɩ ɖaa cɩrɩ cɩrɩ ɖaa ɖee miaʋ ma. ¹¹ Gasono, gʋtɔ gʋbɔka kʋʋ na pɩ n'ʋciŋkərka na, ʋcimpɩ ɛka na gʋ na pɩ nam, ama kəm kəm na gʋ na tɩ ŋʋm ɖei ɖei na fɛɛ kɩ pi na shee mbaɖee ba bʋŋa abɔ batɔ ma. ¹² Galaŋ toŋo ma gɩshɛbɔ anyɩnanyɛ ɩpaatɩ ci na, ɩpaatɩ kpa anyɩna kəwə na. ¹³ Sara ma ɩnyɩŋca ɩtəŋə ka laŋ naa nɖee ɩna kogo ma ɩpaatɩ cala na, ama ɩyiɖe gɩshɛbɔ. ¹⁴ Ɖa ma fɛɛ n'anyɩnbawor, nayɛɛ nɖawa nsoŋ sono, na nɖawa nsoŋsono nɖe kɩnɖa na ʋɖən kaa ŋə nɖiyar agayɛ laŋ na. ¹⁵ Naa ma na tɔjɩ anyɩnbawor n'ʋɖən a paa tɩ sul agʋlɔ gaja kagʋjɔɔ na; Naa ʋcinpiɛ ka kʋ lələmə ʋɖən ʋpaa tɩ ɖoo na mbaɖee balee babəɖa ka ma sul, aŋʋm ntərə tərə anyɩn gɩcɩɩca, na ɩwaa bɛrɛ tuutuuma na. ¹⁶ Ʋɖən apaa tɩ lee gʋbɔnɔ ŋgʋɖee kɩsəm arɛ alee na ma, ɖaa Esoo atɔɔ agɩŋono ayala ma na. ¹⁷ Ɩŋə ɖaa atɩ ɖa na yu na yɛɛ ba ɖʋ nɩ albarka ma, ama babəɖa nɩ, baa maa ɖaa afʋr anyinekoi na yɛɛ nama na lee nshɩŋyɔ ma; Agako gaɖe ayu ma kaa kɔɔ akan na. ¹⁸ Anyɩn ki kim asəla na yɛɛ ɩfɔm gʋbʋnʋ ŋgʋɖee ʋtonu ʋsir ku akal, kokoo nɖila ndʋr ka nsin jɩ ma kokoo gʋsərə gʋkaŋkra. ¹⁹ Yaa ayʋlʋsinka ɩbʋmbɔnɔ ɩna yu ma, kokoo bʋleeɩ mbaɖee barəŋə ma, ba lə waa ba paa kɔɔ alə na pɩ na ma. ²⁰ Aɖʋwaa ʋwələ ɖe ba na rəŋə ma, kʋ na cər na pɩ na kə basəra atoŋo nɩ na: Yaabaɩ yaa abɔrɩ ɖən ata kə na gʋbʋnʋ gʋɖe shee ba nyɩm nɩ atala akə nɩ acɩ. ²¹ Gʋlesvra gʋbʋmbɔnɔ gʋɖe gʋlee ma, na Musa alə waa: Asampəna ɩkpa amʋ, aŋgʋlɔ gʋtɩ tar. ²² Ama, anyɩn siɔɔ ka gʋbʋnʋ kʋ ɩkɩm asəla nama, Gaja ŋŋurayar agafala, Yerusalɛm alaŋ aja, nɖee ɩmalaɩka mana bawala na lee bɔɔta ma. ²³ Samaa nɖee ba ŋɔnbayɩɖa alaŋ laŋ Gajaɩ galee aŋŋuro ɩŋunii ɩ ɩɖa ɖei ma, kakɔyar na baɖa gɩshɛbɔ ma. ²⁴ Yeesu sul ɩpɩ, alee alɩkawɩlɩ afɔlɩ kapɛmpɛ ŋɛka, n'akɔnɔɩ afʋr ma, Akɔnɔ ɖe ɩtɩ lə bʋlei na wu Abɛl ɩja. ²⁵ Galaŋ paa ma tɩ bla ʋrəŋu nɖee ana lə nanyɩn ma na: Aɖʋwaa: Nabaŋona kə basəra afɔɖɔ nɖee ana lə alesʋra ɩɖe lee gatəna laŋ ma, agʋnyɛ nɩ na, atʋ gboo gɩ ta bla kɩɩ rəŋə nɖee ana lə na laŋ ma na, gɩtɩ gɩ səra afɔƒɔ anyɛ nɩ aa? ²⁶ Aɖeɩ ʋwələ ʋnatar galəna ma, akɔɔ alə acəŋə aɖʋ waa: kɩ lee gatəna kanɖən ɖən na aɖe alee gatar na, nɖila gboo ntɩntar. ²⁷ Galei gaɖe gatɩ laa na aŋa ɖaa anaa fʋba baa mʋnʋ kpataa acəpraɩ, aɖʋwaa ba leeɩ na ɩfəna ɖa naɩ naa nɖee kɩ nafʋbana, ɩlee ɩɖa ka na ce na ce ma ɩni ɩɖa. ²⁸ Galaŋ gɩ cam gɩ yanɩɩ ku na bon na ma, ɩlee ʋyɔʋ nɖee gɩyɔ Gaja gɩleenɩ bɔɔta asoŋsono ma na. ²⁹ Ga naa nyene nɩ na cu nɩ, wəɖa asampəna aɖʋwaa: Gaja gaɖe galee lee ɖaa ʋtonu ma, na shɩ baa mʋnʋ.