¹ Rumakʋ aɖa ʋsɔlʋ ʋŋərə nɩ. ² Paa ma nyir gɩsana kʋ cam laŋ na; Aɖʋwaa Gɩsana gɩ cam ka gɩɖe nɩ na baɖən ba cam ɩmalaɩka, ma kəba yɔ waa malaɩka mana pɩ ba cam gɩsana na. ³ Naa ma na lige sarka baja laŋ, ɖaa anyin gboo ɩɖa sarka nɩ na ma; mbaɖee ba na naashɛpɩ ma, ɖaa anyɩn na pɩ na ba na naashɛɛ ma. ⁴ Baaŋaa anayene ʋsəmprətɔka ka mʋra, naa ʋsəmprə tɔɔka ɖe ka lii laŋ ajɩwaa ɩpaa ɖa na, adʋwaa: Gaja gatɩ ga cim nɩkəma mbaɖee ba na lee gɩsəna na fɔɩ fɔɩ ka lesʋra ma. ⁵ Paa ma goro asɔlɔ gɩtanɩ kəŋ kəŋ kəŋ na; rəŋə ma na bʋkɔɩ ɩwəɖa ma; Aɖʋwaa: Gaja ga lə waa: kəma pala akɩ ajɩ ɩshɛɩ na, kəma bəɖa akɩ na. ⁶ Na tama avmbɔnɔ na gɩ lə waa: ɩkoyar a na kaŋa namʋ, asampəna kɩɩ kpaa amʋ na; mʋ nʋ amʋwor arɛ alee amʋ? ⁷ Ligema anyɩnaɖɩbaja mbaɖee ba lee Gaja kawaasu ashee anyɩn malaŋ; Taa ma akiɖe ɖaa bayee aboŋo ma, tɔɔtɔɔ ma, tɔɔtɔɔ ma bɩcineɩ bawəɖa ma. ⁸ Yeesu Kristo, alee ʋɖɔŋkɔnɔ ɖe na galaɩ, n'ʋrɔŋ, atɔɔ nace na ce. ⁹ Paa ma pala ɩcerusana asʋra sʋra ɩlii nanyɩn na; Aɖʋwaa ɩsəm gɩfolu gɩtoŋo Gaja kagʋjɔɔ gɩshɛbɔ, kɩ lee ɩjɩʋ jɩka nɩjɩʋ səl ka nɖee kɩwəɖa aŋfaanɩ ni na ma baɖee batɔɔ balɔ acra naɩ. ¹⁰ Gɩwəɖa saraa kantomo nɖən, mbaɖee ba na lee kantəma ma, kə ba wəɖa ɩko bajɩ saraa ɖe na. ¹¹ Ɩbɔrɩɩ bafʋ naa asaraalaaja abʋmbɔ atəŋə kakɔnɔ akpa na gasaraalaaɖu aɖʋ mbɔnɔ kʋ təɖu kanɖilaŋ ma, mpá kaŋ kəm na ba na tɩvɩ ʋtonu. ¹² Galaŋ na Yeesu gboo, naa ajene samaa na agilopi akɔnɔ, ajɩ ɩshɛɩ mpá kaŋkəm. ¹³ Galaŋ gɩ ɖoo ace atɩ wəɖa nɩ mpá kaŋkəm, akaŋa na nɩ ajɩ gɩcifala. ¹⁴ Aɖʋwaa: kɩɩwəɖa gaɖuɖaka na ce na ce aatəna laŋ atɩya na, ama gɩtɩ yɛɛ ŋgaɖee ga nɩ gatɩ pɩ ma. ¹⁵ Gɩ naa kʋma Gaja ʋyiɖu mana na laa saraa natɩwələ nashee shee anyɩɖa. ¹⁶ Paa ma pala gʋjɔɔ kʋ leu na, Aɖʋwaa: Kaja saraa ɖe na Gaja ga na yɛɛ. ¹⁷ Naa ma na nyene mbaɖee ba na cere anyɩn bʋro ma, anyɩnalɔ baŋyɩɩ, aɖʋwaa: Batɩ tɔji anyɩnaŋŋuro laŋ lee ŋkɔnta, bʋro ma na ba lee n'ʋciŋkərka, ba paa na jɩ ɩshɛɩ anyɩna laŋ, kɩɩ le anyɩn aŋfaanɩ na. ¹⁸ Nyiŋə ma ashee atʋ, gɩ shee ɩja waa gɩ wəɖa laakaarɩ asoŋsono, na yɛɛ gɩ naa saro gɩshɛbɔ baa mʋ nʋ nɩ. ¹⁹ Ntɩ kaka anyɩn na lə anyɩn waa ŋtɩ kaka anyin na lə anyɩn waa ɩlee gəŋ naa ɩshee amʋ ganɔ ma səra apɩ anyɩnasul were. ²⁰ Gaja fɛɛ yar ŋɖee aŋənə Pastɛɛ nɖee ana paŋa ɩbʋrɩ alaa nɩ bakono nɩ ma, na lɩkawɩlɩ nɖee kawəda gayala na ma, ʋni na gəŋ atɩ nɖiya Yeesu, ²¹ Anaa shee anyɩn ɩko naa ɩsəra alee alesʋra ɩsoŋsono ʋciŋsɔlɔ ka kɩja, alo anyɩn ɩlee alesʋra ɩŋərə, na Yeesu-Kristo, nɖee awəɖa ʋkʋmʋbʋja bʋja bʋja ma! Ami! ²² Ntɩ nyiŋə anyɩn waa: ɩtoŋo ɩkashɩɖʋka nnɖe kabʋlei, Aɖʋwa: Nŋɔnbʋ na ketere. ²³ Yɔ ma waa: Balam atʋwor Timotee: atopɩ were, amʋ nna nɩ gɩtɩ gɩ pɩ atɩ ŋə anyɩn. ²⁴ Salama mbaɖee ba nacere anyɩn ma, na cɩrɩ cɩrɩ kəbɛrɛ. talii kəbaja batɩ sala anyɩn. ²⁵ Gʋjɔɔ gʋɖa ashee anyɩnganɔ! ami!