¹ Mɛlɩkɩseɖɛɛkɩ, salɛm kagʋpayarɩ ɖe, alee ka Gaja ga ɖa a laŋ laŋ ma; asaraalaaja, n'ace atɩ wa na Abraham ŋkəle Abraham ace atɩ jɩ bayarɩ gʋtara akɔɔ atʋ na pɩ ma, naɖʋ nɩ albarka. ² N' Abraham alaa nkpala təb kaŋja bʋkɔɩ ajɩ gʋtara nɩ ma kpataa ashee ni, Mɛlɩkɩse ɖɛkɩ ɖe aŋyɩɖa kaashɩ na gəŋ waar ɖeiɖei kagʋpayarɩ, acəŋə waa: Salam kagʋpayarɩ, kaashɩ na gəŋ acəŋə waa fɛɛ kagʋpayarɩ. ³ Aɖa ma, kawəɖa gʋya na, kawəɖa gʋna na, ka saŋkɔɔ awəɖa ɖimi na, kawəɖa waa ʋrɔŋ na asəba na kawəɖa aŋŋuro kaayala na, na batɔɔ nɩ ɖaa Gaja ʋpur ma, Mɛlɩkɩseɖɛɛkɩ ɖe apra asaraa laaja nace nace. ⁴ Gɩ taa akɩɖe ɖaa ʋni de Abraham nɩakpal a təb kaŋja ma, alee arɛbʋmbɔnɔ. ⁵ Lefii bapur ba lee kagʋshile baja ɖaa gʋpɔgʋlə ma bawəɖa ka ɩko ba cam akpala teb kaŋja, samaa and abʋŋʋma nɩ ma; ⁶ Mɛlɩkɩseɖɛɛkɩ ɖe kalee Lefii aɖimi na, ama, acam nkpalatəb kaŋja ndee Abraham ashee nɩ na, naa ɖʋ Gaja ga na lee nashee baaŋa ma, albanka. ⁷ Naa gɩ paa tɩ cəpra galei gaɖe na, nɖee alee ʋŋono ma, a na ɖʋ ajala alnarka. ⁸ Mbaɖee ba na cam nkpala təb kaŋja ma, ba tɩ ci; Ama, nɖee bashee akpalatəb kaŋja ma, ba laa səriya waa ʋni alee ŋŋuro yar na. ⁹ Lefii nɖee ana cam nkpala təb kaŋja ma, ʋni gboo asəla nkpala təb kaŋja Abraham nɩ; ¹⁰ Aɖʋwaa: Lefii ɖe aɖa Abraham nɩ ŋkələ Mɛlɩkɩseɖɛɛkɩ a ce atɩ wa na Abraham ma. ¹¹ Maa ɩlafʋjɩ waa: Ɖei ɖei alafʋ ɖa Lefii mana baɖini nɩ, ɩkɔɔ ahiɛ waa: Asaraa laaja afɔlɩ ɖən akɔɔ aɖoo ɖaa mɛlɩkɩseɖɛɛkɩ agʋsʋna ɖaa Arɔɔnɩ a lə ma aa? ¹² Ɖaa gʋshile kabaamʋnʋ ɩfʋba ma, gəŋci gʋpɔgʋfʋba. ¹³ Nɖee ba na lə agalei waa ma, a lee ɖimi afɔlɩ karɛ na, arɛ ɖən ka lee ntəma saraa kantomo laŋ a yɔ na; ¹⁴ Gasono atɩnɖiyar aɖoo na Yuɖaa abʋ ŋʋma nɩ na, ɖimi nɖee Musa ka lə gʋshile kaalei aɖʋ na pɩ na. ¹⁵ Ɩkɔɔ alee aliheeri abʋmbɔnɔ ŋkələ asaraa laaja afɔlɩ Mɛlɩkɩseɖɛɛkɩ agʋsʋra gʋɖoo ma. ¹⁶ Nɖee kɩlee gʋrɩlɔ ka gʋtɩka nɩ na, ama, naa ɩlee ŋŋuro nɖee kɩ nna bon na ma kɩkashɩ ma. ¹⁷ Aɖʋwaa: baba səriya ashee nɩ waa: Akɩ na asaraa laaja na ce na ce ɖa Mɛlɩkɩseɖɛɛkɩ ma. ¹⁸ Gʋpɔ gʋŋono gʋɖe kəba kɔɔ nalo kʋ na aɖʋwaa: kʋwəɖa ɩkashɩ na, gʋfar kagʋlɔ. ¹⁹ Aɖʋwaa gʋpɔ k'ʋna pɩ na ɖeiɖei na, ama, gɩŋə tamaa aŋərə nɖee anaakaŋa natʋ gɩkim asəla na Gaja ma. ²⁰ Gani gaɖe, bacam nama aɖʋ. ²¹ Lefii mana, batɩ pɩ basaraa laaja ama, kə ba cam nam na, Yeesu apra asaraalaaja, nɖee acam nama ma ʋnina gəŋ Gaja, ka lee nshɩŋyɔ na, na a lə nɩ waa: Akɩ na asaraalaaja nace nace, ɖaa Mɛlɩseɖɛɛkɩ ma. ²² Yeesu ayɩɖeka ashee alɩkawɩlɩ nɖee alee aŋərə awu ma. ²³ Acəŋə, basaraalaaja tuutuuma baɖa, ama, bʋce kə bʋ pala pɩ baɖa nace na ce na. ²⁴ Ama Yeesu, ʋni aɖa nace nace, n'awəɖa gɩsaraalaaja ŋgɩɖee kɩɩ na fʋba fʋba na ma. ²⁵ Galaŋ na, anaa səra afʋra mbaɖee ba kəm na səla na Gaja na Yeesu ayɩɖa ma, aɖa ka ŋŋuro nɩ na ce na ce nanyiŋə na shee pi. ²⁶ Ɩsəm gɩwəɖa asaraalaaja abʋmbɔnɔ ɖaa ʋniɖe ma, cɩrɩcɩnɩ kaja, kawəɖataalɩ ɖən na, gʋjɩwa gʋɖən kʋɖa nanɩ na, apaɖa agʋlɔ na mbɔnɔ, acəŋə, na balaa nɩ ashɛʋ na laŋ, laŋ. ²⁷ Kahiɛ alaasaraa ashee agɩlopi ambɔnɔ naa laa ashee samaa na; ɖaa basaraalaaja ba na laa ɩsaraa na shee balɔ ma na, aɖʋwaa: Atɔɔ agɩlopi jɩ alaa saraa ashee baaŋa kpataa nkpala nɖɔŋkɔnɔ nɖe gabon. ²⁸ Aɖʋwaa: Gʋpɔgʋtɩ ka gɩsaraalaaja baŋfara nɩ; Ama, galei ɩ ba cam nama ma, ganɩ jɩ ba lee na gʋpɔ, gatɩ ka Gaja ʋpurɩ alee ɖeiɖei yar ma baaŋjəŋ baaŋjəŋ.