¹ Galaŋ na, gɩfənapala galeiɩ gana kaɖa Kristo abaa mʋnvɩ ɩnakaɖa ʋsəbʋ nɩ ma, n'atəŋə na ŋgaɖee gakaŋa n'atʋ gɩɖa ɖeiɖei ma, kɩɩ yiu ʋyiu ʋfɔlɩ nɖee ʋpɩ na nɖawa ŋfʋbaka ŋfɔlɩ nako nlesʋra awəɖa na Gaja ʋcine mana. ² Na bʋtomənaka kagʋshile, nanyɛ kʋtər bɛrɛ laŋ, na bakono bʋŋənu, n'ɩkəma cəm ka nɖee kɩwəɖa gayala na ma. ³ Gaja gata tələ, bʋkɔɩ ɩsəm gɩ lee ma, na gəŋ. ⁴ Aɖʋwaa: ɩsɔm ashee mbaɖee ɩbʋŋa akaɖa ashee pɩ naa ba kəm alaŋ kagʋjɔɔ ayɔ naa ŋə ŋŋuro nsoŋsono nlee napɩ ntəma ma, ⁵ naa ba kəm Gaja kaalei gasoŋsono na kɩkashɩ nɖee ɩnɩ ɩtɩ pɩ, ⁶ naa bakɔɔ afəɖa ma, ɩsɔm waa bakɔɔ apɛmpɛŋɛ pɩ bakɔɔ afʋba nɖawa, aɖʋwaa bagɩlopɩ bakɔɔ na kal Gaja ʋpur na gɩfɔlɩ nakara na gɩ cifala. ⁷ Aɖʋwaa: ʋto ata naa nyɩ gatəna gaɖən la naŋono jɩ, n'ɩnaŋʋm ayɔkɔ ɩsoŋsona na shee bafʋm ka ɩɖe tɩ lee Gaja kalɩbarka; ⁸ Ama, ɩta naa ŋʋm ɩpɩ ɩbɔnɔ, baɖe baleeɩ laalɩ n'ak əwɩ ʋtonu nɩ. ⁹ Ɖaa gɩ na lə waa: atɩ basɔlɔka, gɩtɩ saa ɩ lee alesvra ɩŋərə nɖee ɩpala ɩŋə nɖinsono ma. ¹⁰ Aɖʋwaa: Gaja kaa yɔ anyɩr anyɩntəma ɩlee ma n'anyɩnʋsɔlʋ ɩlaa afaŋa ashee aŋyɩɖa ma, na ntəmaɩ ɩlee ashee cɩrɩ cɩrɩ kəbaja ma na. ¹¹ Gɩtɩ yɛɛ waa: Baaŋa awəɖa koŋkaarɩ ari agʋlɔ atoŋo tamaa abʋmbɔnɔ ɖe atɩ waɖa. ¹² Naa ɩpaatɩ kɔɔ na abəɖa na, ama ɩkiɖe na mbaɖee ba wəɖa ʋcine ma, atɔɔtɔɔ ba gasana akara gayɛ, aɖʋwaa: Ba nɩ ba tɩ jɩ katiibi. ¹³ Ŋkələ Gaja galə waa ataa lee ashee Abraham ma maa anaa cam nɩ nɖee awu nɩ ma na, ama Gaja gacam na agɩlopi, naa waa. ¹⁴ Gasono, ntɩ ma ɖʋ akɩ alibarka, naa ma pala kəbʋŋʋ ma bʋyɔgɔ. ¹⁵ Ŋkəŋə na Abraham, akara gayɛ, n'acam bʋkɔɩ balə waa batɩ ba lee ashee nɩ ma. ¹⁶ Bɛrɛ bata lə waa ba cam nama, ba na cam na nɖee awu pɩ ma na, n'ʋcam na maɖe ʋnafaŋa waa: ataa lee bʋkɔɩ a lə waa ataalee ma. ¹⁷ Galaŋ na Gaja gara yɛɛ alaa afaŋa atiibi baja nɩja ayiɖe na ma, galaŋ na acam nama. ¹⁸ Naa na lesra ɩnyɩʋ ɖe, gɩ ŋə waa Gaja kaa na lee ɩsəina, ŋkəŋ nagɩ na ŋə ɩkashɩ ɩbʋmbɔnɔ, acuu akpana nɩ ari tamaa ɖe ba lə ashee atʋ ma. ¹⁹ Tamaa ɖe, gɩwəɖa nɩ boŋo, apatər n'atʋ ɖaa mmana nnyɔŋkəra; Nɖee mpaɖa paatɩɩsaŋ ma. ²⁰ Gaɖuu Yeesu akpa apɩ na bʋkɔ bʋfɔlɩ, alee ka asaraa laaja abʋmbɔnɔ, ɖaa Mɛlɩkɩseɖɛɛkɩ ma.