¹ Aɖʋwaa: asaraalaaja abʋmbɔnɔ nɖee ba laa nɩ bɛrɛ bagɩcuca atɩ nɩ waa. alee nɖiyar ma; ana lee Gaja kantəma, na laa saraa nashɛr bɛrɛ bambɔnɔ. ² Ataa səra alee arɛɩ awəɖa ʋtəɖu na mbaɖee balee balika na ŋyashɛshɛ baja ma.Aɖʋwaa: aɖe gboo awəɖa nfara. ³ Aŋfara nɖe laŋ na, agɩlopi gboo ana laa saraa na shɛr ambɔnɔɩ ana lee ma, ɖaa ana laa sara na shee samaa ma. ⁴ Ʋɖən ka natɩ agʋlɔ kaja aŋfaani ɖe, na kɩlee gaja gayɩɖa ka nɩ, ɖaa ayɩɖa Arɔɔ ma na. ⁵ Na Kristo gboo katɩ agʋlɔ a yɩɖa agɩlopi waa basaraa laaja banɖi yar na, ama, nɖee ayɩɖa nɩ waa: Akɩ na ampi, amʋ nŋʋm ka akɩ ʋrɔŋ ɖee ma, a sul n'acam. ⁶ Ɖaa ba lə gaɖufɔlɩ ma: waa, Akɩ lee ka asaraa laaja baaŋjəŋ, ɖaa Mɛlɩkɩseɖɛɛkɩ ma. ⁷ Saaɩ aɖa agʋrɩlɔ nɩ ma, anyiŋə nakuro nama, na fʋr anyɩne koi, na pəla pəla nɖee anaa səra alaa nɩ bʋce nɩ ma, na bacam ʋnyiŋu aɖeiɖei laŋ. ⁸ Baa maa ɖaa alee Gaja ʋpur ma, aburo agʋlɔ anyene acam ɩshɛɩ ɖe ajɩɩ. ⁹ Galaŋ na apra ɖeiɖei yar, bataa anɖi alaŋ apra mbaɖee ba na nyene ma, banɖinsona nɖee kɩŋwəɖo gayaba na ma yar. ¹⁰ Gaja gatɩ ka nɩ waa: Asaraa laaja banɖiyar ɖaa Mɛlɩkɩseɖɛɛkɩ ma. ¹¹ Gɩ wəɖa gɩtɩ gɩ tə tuutuuma alesvra ɩsɔmka ɖe kanɖi laŋ aɖʋwaa: kɩ na ye anyɩne were na. ¹² Anyɩnɩ ɩnɩɩ cee apra kəbacereja ɖoo ma, ɩkɔɔ tɩ hɩɛ waa: bafaŋa anyɩn Gaja kaa lei kalesʋra ɩsəbaka, ɩkɔɔtɩ hiɛ bʋnye kɩ ka na kpər yɩ ʋjiʋ na. ¹³ Aɖʋwaa: nɖee anaa na nyarabʋnye ma, kaka na yɔ bʋlei ɩ ba na pala ade deiɖei ma na: Aɖʋwaa: Anaaɖa gɩkokolinɩ. ¹⁴ Ama, ʋjɩʋ ʋɖa ɖa ashee barɛŋono, mbaɖee ba ceu ji ayɔ jɩ na paɖa paɖa jɩ ayɔ nsono na mbɔnɔ ma na.