¹ Galaŋ gɩwəɖa asampə naa ɖaabaɖʋ waa ʋŋʋrʋ de nɩ kʋ kpaʋ ʋɖa ma, ʋɖən a paa tɩ lee fereŋshi apɔɔ ŋkəm na. ² Aɖʋwaa laabarʋ asoŋsono ɖe kaalei balə atʋ ma, ba lə ashee pɩ gboo; ama galei baləpɩ ma, kə ba tɔɔ jɩ alee na ŋkɔŋta na aɖʋwaa mbaɖee ca rəŋə jɩma kəba wəɖa najɩ yaraɖa ashee jɩ ɩja na. ³ Atʋɩ gɩshee ɩja ma, gɩtɩ gɩ kpaʋŋrʋ de nɩ, ɖaa alə ma, waa: Amʋnyana nɩncam na ma waa kə ba kpa amʋŋʋrʋ nɩ na! alə gani ji naa antəmaɩ alee tɔɔ ɖoo ɖulinya ʋsəbʋ nɩ ma ʋlee. ⁴ Aɖʋwaa: alə ʋshilee kulumi kaalei gaɖu gaɖən wa antəŋleeka nɩ, n'ʋshile kulumi kʋja asə atən aŋvra. ⁵ Nákɔɔ alə a cəŋə waa: kəba kpa aɖe ʋŋʋrʋ nɩ na. ⁶ Ɩnaa ɖa ashee baɖən waa. Ba kpa ʋŋʋrʋ ɖe nɩ, ama, mbaɖee bacee ɖʋ ashee pɩ waa ba kpa ma, kə ba cee ɖʋ ashee pɩ waa ba kpa ma, kə ba səra akpa na aɖʋwaa kəba ŋyene na. ⁷ Na Gaja gakɔɔ atɩ ʋshile ʋfɔlɩ ʋrɔnɖe akʋn na Ɖaʋɖa na lə waa: baamaa ɩlɩŋbaɩ na, ɖaa ba lə n'ʋwələ ʋbʋmbɔnɔ: ʋrɔnɖewaa: ɩtanaa rəŋə ʋwələ paa ma kaŋkər anyɩnɩ folu na. ⁸ M'ƴɩwaa jɔsuwee ashee pɩ ʋŋʋrʋ, ko bakɔɔ alɛ ʋŋʋʋkaalei ʋshile ʋɖən na. ⁹ Sabaatɩ kʋŋʋrʋ ɖən ʋ naa saa ashee Gaja kasamaa. ¹⁰ Aɖʋwa nɖee akpa Gaja kʋŋʋrʋ ɖe nɩ ma, shee karɛ aŋʋra antəma alee manɩ, ɖaa Gaja gaŋʋra antəŋleeka nɩ ma. ¹¹ Galaŋ gɩfɔɔsiɩ atalɔ akpa ʋŋʋrʋ ɖe nɩ, n'ʋɖən apaa tɩ fəɖa asara gasana abɔnɔ ɖaabasaaka kəba nyene nama, nɩ na. ¹² Aɖʋwaar Gaja kaalee gasansan awu gapɔɔ bʋyɛ bʋnyɩʋ kaaja gasɔɖɔ sɔɖɔ ka, gatɩ kpa ŋŋuro na gasəŋəna bʋɖuɩrərene nɩkəwa ɩna wa ma, ayɔgɩlu kagʋfaŋa na cəm na jɩ ɩkəma. ¹³ Akɔɖən kɩ lugo waa nɖee alee baa mʋnʋ kpataa ma apaa ŋəɩ na, ɩŋunii ɩɖa ɖa gbagbaraa nɖee gɩ nɩ gɩ ce aŋyɩɩ atilee atɩ ŋkɔŋta nŋunii ma. ¹⁴ Galaŋ ɖaa gɩwəɖa asaraalaaja abʋmbɔnɔ nɖee aboɖo alaŋ shee nɖəla nɩ ma, ʋni na gəŋ Yeesu Gaja ʋpur, galaŋ shee gɩtoŋo ɩja ɩ gɩshee na lə kaalei ma gɩshɛbɔ. ¹⁵ Aɖʋwaa: kɩlee asaraalaaja banɖiyar nɖee kaa səra ayu atɩ gako afʋra atʋ ma, na gɩwəɖa na; gɩta kiɖe, batʋŋanɩ alesvra ɩŋunii nɩ, ama ka tərətərə alee mbɔnɔ nɖən ayɔ na. ¹⁶ Gɩkəm asəla na tamaa, gʋjɔɔ kaŋyarɩboi sul, naa baŋə atishɛɩ gɩŋə gʋjɔɔ bafʋra atʋ ŋkələ ɩhɩɛ atʋ ma.