¹ Galaŋ atɩ bawor cɩrɩ cɩrɩ kəbaja, anyɩn ba yɩɖa alɩjaŋna nɩ kʋyɩɖʋ ma, yɔ ma Yeesu Kristo, natəmka, n'asaraa laaja abʋmbɔnɔ nɖee gɩ na lə agalei nashee ya ma. ² Yeesu nɖee ayiɖe na nɖee atɩ nɩ, ɖaa atɔɔ Musa atɩ nɩ agafala nɩ ma. ³ Aɖʋwaa: Yeesu Kristo ɖe asəm n'ʋkʋmʋ ʋbʋmbɔrɔ nɖee ʋwu Musa ʋja ma, nɖee acə gafalama, ʋni na ba na kʋma, awəɖa ka aŋfaanɩ awu gafala. ⁴ Baa gafala gapaŋa jɩ gawəɖa kacəja, ama nɖee alee baamʋnʋ ma, ʋni na gəŋ Gaja. ⁵ Ɩta saa na mʋsa, asara ɖeiɖei Gaja kaafala nɩ ɖaa atəŋleeja anasara ma, n'alaa səriya ba tɩ lə ma; ⁶ Ama, risto ashee k alee ʋpur asəbaka agafala nɩ n'atʋ gɩ lee agafala, ŋgaɖee gasaa ma na gəŋ waa: shee gɩtoŋo kəŋkəŋ atatamaa nɖee gɩ wəɖa na kʋma n'atalɔ ma gɩshɛbɔ. ⁷ Galaŋ na ŋŋuro nsoŋsono nnaatɩ lə ʋrɔŋɖe waa: ɩta naa rəŋə ʋwələ, ⁸ paa ma kaŋkər anyɩnɩfalu ɖaa ʋterunɩ ɩbla n'amʋ gɩyili atʋŋa amʋ aŋə ma na. ⁹ Ɖaa anyɩŋ baya batʋŋa amʋ, yɛɛ baŋə annŋkəm ma; baŋə amalesʋra halɩ bʋja ɩshunyɩʋ. ¹⁰ Ŋkəŋ na ncam na saamanɩ ɖe ʋnyana, naa lə waa: Bawəɖa gɩfolu gɩlika. Kəbayɔ amɩnyɩŋca na. ¹¹ Ŋkəŋ amʋnyana nɩ, acamnama waa: kəba kpa ʋŋʋrʋ nɖe nɩ nkpeɖe na shee pɩ ma nɩ na! ¹² Galaŋ ambawor, baaŋa ari agʋlɔ, ʋɖən a paatɩ wəɖa gɩfolu gɩkaŋkra gɩbɔnɔ aɖoo Gaja ŋŋuro yar aŋkəm na. ¹³ Ama, naa ma naɖʋ anyɩn bawor ɩkashɩ baa njəŋ, baa maa ɩlɩŋ baɩ na: ʋrɔŋɖe! naa ʋɖən agɩfolu gɩpaalɩ kaŋkər mbɔnɔ nnaa lə nɩ na. ¹⁴ Aɖʋwaa: Atɩnna Kristo gɩpra ʋɖɔŋkɔnɔ, ɩsəm gɩtoŋo gɩshɛbɔ ata tamaa nɖee gɩcee awəɖa ʋsəbʋ nɩ ma, atɩ waɖa. ¹⁵ Bakɔɔ alə acəŋə waa: ʋrɔŋɖe ɩta naa rəŋə ʋwələ, paa ma kaŋkər anyɩnɩfolu ɖaa ɩbʋŋa cəpra atəŋə amʋ ma na. ¹⁶ Daa barəŋə ʋwələ aboŋoma, bapaŋa ba cepra ka atəŋə nɩ, kɩ lee mbaɖee Musa alaapɩ Ejibitɩ nɩ aɖoo na ma, ma aa? ¹⁷ Bapaŋa pɩ Gaja gacam na pɩ ʋnyana halɩ bʋja ɩshɩnyɩʋ, kɩ lee mbaɖee ba lee mbɔnɔ; naa bafoda acii ʋteru nɩ bakompa ɩsal na gaɖu ma aa? ¹⁸ Bapaŋa pɩ acam na ma, waa kə ba kpa aɖe ʋŋʋrʋ nɩ na, kɩ lee mbaɖee kəba nyene nɩ na ma aa? ¹⁹ Gɩkide aŋə, kə ba səra akpa ʋnʋrʋ ɖe nɩ na aɖʋ bagɩfolu gɩkaŋkra laŋ.