¹ Galaŋ anii, shee gʋtɔɔ atalɔ acra na bʋkɔɩ gɩ nənə ma, naa gaɖən ga paa tɩtɔɔ atʋ aliŋ na gaɖu na. ² Ɩtajɩ waa: galeiɩ malaɩka baləma, gasono gasono galaʋ alee, na mbɔnɔ kʋleu nagɩfalu gɩcər ka kʋɖa ʋɖá ʋɖà batɩ basəla. ³ Gəŋ ma, ba na gɩsəra aɖoo ncən, gɩtakɔɔ na nɖinsono mbʋmbonɔ kaalei abəɖa na ganyɩkəma, nɖiyar asəbaka aləji aɖʋ aɖʋ aʋvyɛ ashee mbaɖee barəŋə ma. ⁴ Na Gaja gakaŋa naoɩ a laa səriya, na maamaaci na bitɩ kalesʋra, naŋŋuro nsoŋsono kagʋjɔɔɩ ayʋga ɖaa ʋcinsɔlɔ kaʋnayɛɛ ma. ⁵ Gɩta kiɖe, kilee malaɩka nana pɩ Gaja gakɔɔ na ɖulinya afɔlɩ nɖee gɩ na ləkaalei waa: ma, ashee na. ⁶ Ʋɖən alaa ka səriya ɖe gəŋ na lə waa: Aŋana arɛ naa a naa tige alaŋ, aŋana arɛpur, naa anaa tɔjɩ nɩ? ⁷ Ʋlee nɩ na ajɩba alʋwaatʋ ajala dən malaɩka baŋyɩɩ, n'ʋtɔɔ ʋkʋmʋ ashee nɩ aɖʋ nɩ gɩrɛ. ⁸ N'ʋwala baa mʋnʋ aɖʋ aŋyɩɩ ɩkei nɩ, n'ʋkɔɔ na ayɔkɔ ɩŋunii ashee nɩ, Gaja kaa sʋlnɩ akɔ ɖɔn na baa na ka ma, kɩ kana na ŋə waa Gaja gakɔɔ na baa mʋnʋ aʋ aŋyɩɩ na. ⁹ Yeesu ɖe ɖo abʋro agʋlɔ ajɩba agʋlɔ malaɩ mana baŋyɩɩ, gɩtɩ ŋə nɩ nnyəmə waabashee nɩshʋmʋ ataa anɖialaŋ aɖʋ nɩ gɩrɛ, a ɖʋ bʋce kɩshɛɩ ndee ajɩ ma laŋ, na Gaja kagʋjɔɔ kʋ ajɩbʋce kɩshɛɩ ɖe ashee bɛrɛ baŋunii. ¹⁰ Nɖee ajɩe baamʋnʋ nabaamʋnʋ ɖe ɩɖama, ɩcɩm ashee nɩ waa atoŋo bapɩ a cena ʋkʋmʋ nɩ apɛmpɛŋɛ pɩ ba pra nɖi nsono kəbayarɩpi. ¹¹ Aɖʋwaa nɖee a ɖa cɩrɩ cɩrɩ cɩrɩ ma, apɛmpɛŋɛ ka basaaka aɖʋ pɩ cɩrɩ baŋunii baɖoo n'ʋɖɔ ŋkɔnɔ sul. ¹² Galaŋ na gɩcifala kɩɩkpa nɩ ana yɩda basaaka waa aɖe bawor ma na. Nalə waa: Nlɩ ma kʋl akɩŋyɩɖa ashee amba wor, naa ma kʋma akɩ samaa agɩcɩɩ ca. ¹³ Nakɔɔ alə acəŋə waa shee ma tɔɔ aŋgɔlɔ ashee akɩ, acəŋə waa: Amʋʋ nnookama amʋ na bapiɩ Gaja gashee amʋ ma. ¹⁴ Galaŋ bapi gboo batɩjɩ gʋlɔ nakɔnɔ kalɩbarka agɩlapi gboo alee naa asəra naa abʋce kalɩbarka aɖur ndee atoŋo bʋce kɩkashɩ ma, ʋni na gəŋ sheetaanɩ. ¹⁵ Naa afɔɖɔ mbaɖee baɖa bʋce kasampəna nɩ b'aye nɩ, aɖa kagɩɖɔmpəla nɩ manɩ. ¹⁶ Aɖʋwaa: kɩ lee malaɩka mana pɩ ana yɛɛ akaŋa na mana na, ama Abraham abʋŋʋma nɩ kəbɛrɩ. ¹⁷ Galaŋ na atɔɔ agʋlɔ apra ɖaa bɛrɛ ma, aɖa bawor nɩ, naa asəra apra asaraa laaja ɩshɛɩ ŋəkayar nɖee ana lee Gaja kanbəma ɖeiɖei ma, naa ashɛr samaa aŋuvii ambɔnɔ; ¹⁸ Aɖʋwaa batʋŋa nɩ ŋə ɩshɛɩ jɩka nɩ, ataa səra akaŋa na mbaɖee batʋŋapɩ aŋə ma gboo.