¹ Gaja gabʋŋa lə natɩbaya akpala asʋra asʋra tuutuuma, na annabi mana babʋnɔ. ² Ama, alʋwaatʋ akəŋja nɖe nɩ, ʋpur aganɔ jɩ ana lə natʋ, ʋpur ɖe na atɩ waa anaa lee baamʋnʋ kpataa katiibi yar, na nɩ na a lee ɖulinya. ³ Alee ka Gaja kʋkʋmʋɩʋna piɖe piɖe aɖa ɖaa Gaja ma, agalei jɩ atoŋabaa mʋnʋ kpataa naa ashɛr na mbɔnɔ, na asə Gajakagɩyarɩ kagʋnyɛsono laŋ ŋŋuro nɩ alaŋ laŋ. ⁴ Awu malaɩka mana, na ba shee nɩ ŋyɩɖa nɖee nwu ayɩda ɩŋunii. ⁵ Aɖʋwaa: Gaja kaa lə malaɩkaɖən waa: akɩ lee ka ampitɔɔ n'ʋrɔŋ dmʋ nŋum kaakɩ na, kasaŋkɔɔ alə malaɩka ɖən waa: Amʋna akawɛɛ na, akɩ na ampi na. ⁶ Ŋkələ ana yɛɛ akɔɔ apɩ na ʋpur asəbaka ɖe ma, na alə waa: shee malaɩka baŋunii bakur atən aŋyu alee nɩ bɔɔta. ⁷ Aɖe, nɖee alee mabɩka baɖən ɖaa gʋsərə ma, baɖən ɖaa ʋtonu kɩ ɖanʋ ma. ⁸ Ama, na a lə ʋpur waa: hoo Gaja akuŋyarɩboi nnɩnɖa ɖa nace nace; Akʋyarɩrukutɛmʋ ʋlee ɖeiɖei kʋja na: ⁹ Ʋsɔlɔ ɖeiɖei naa ŋo mbɔɔ; Galaŋ anii, hoo Gaja akukoyar Gaja gafʋn akɩ tulaarɩ ʋciŋkərka kaja ʋwu akasaara mana. ¹⁰ Acəŋə: Akɩ nɖiyar akɩlee ka alaŋ natən, ɩlee akanyɛ kantəma njɩ. ¹¹ Ɩni ɩŋunii ɩtɩɩ shɛʋ ama, akɩ ʋɖa nace nace ɩtu kpər ɖaa toko anacima. ¹² Ʋtaa carɩ ɖaa ba na car bʋkɔma, afʋbaɩ; Ama, akɩ, ʋlee aɖaka na alee ʋdɔŋkɔnɔ ɖe, kəbʋjɩkalka ka bʋ bon ayɔ na. ¹³ Na Malaɩka apaŋa n'ʋlə waa: pɩ atɩ sə aŋgʋnyɛsono laŋ, halɩ mawala kɩbɛrɛ mana aɖʋ akɩ kei nɩ anyɩ pɩ? ¹⁴ Malaɩka baɖe kəɖelee aŋŋuno ɩ ɩnalee Gaja kantəma atəm pɩ balee nɖisono kantəma ashee mbaɖee ba nɩ ba jɩ katiibi ma aa?