¹ Ŋkǝlǝ ba tɔɔ niya na yɛɛ ba ce Italii ma, na ba tɔɔ Pɔɔl na sarkabaja baɖǝn akara ɩsɔjashɩnʋn banɖiyar ɖǝn aɖa agustǝ ʋla laŋ ba tɩ yiɖa nɩ waa: Juliusɩ. ² Na gɩ kpa Aɖiramiɩtɩ ka ŋyiƒoi mbʋbɔnɔ nɩ, nɖe ntɩ ce Asii, na gɩƒǝl, na Aristaakɩ Maseɖʋanɩ kaja áyàlà atʋ ace. ³ Ʋshile ʋnyɩʋtaja, na gɩ kpa siɖɔɔ: Na Juliusɩ ana tɔjɩ Pɔɔl n'ʋcine ʋsoŋsono ma, ashee Pɔɔl ganɔ waa ace abasoro sul bakaŋa na nɩ. ⁴ Gɩ ɖoo ŋkǝŋ ma, na gɩtǝŋǝ.na shiipukʋja gʋsǝrǝ gʋɖe gʋkaŋkǝr. ⁵ Gɩ sǝla silisii na pamƒilii ka tǝŋku ma, na gi kpa miraa lisii kʋtǝnla nɩ. ⁶ N'ɩsɔjashɩnʋn banɖiyar aŋǝ Alɛkisanɖirii kaŋyɩƒoi n na ce Italii ma, na gɩ kpa ncǝn. ⁷ Ɩshile tuutuuma ŋyɩƒoi nɖe nti sara shɛlɛm bʋto laŋ na gɩ ye ti kpa sniiɖi kanɖilaŋ, gʋsǝrǝ gʋɖe gʋkaŋkǝr naɖʋ atʋ ɩshɛɩ kʋʋpala gɩ kpa were na. Na gɩ kul na ce na salmɔɔnɩ. ⁸ Na nawiya abʋmbɔnɔ na gɩ ye tɩ kpa gaɖuu ba na yɩɖa waa: Ŋyiƒoi kaaɖuyiɖeka gaŋǝrǝ gaɖe gaɖa asǝla na lasee kampa. ⁹ Alʋwaatʋ tuutuuma akǝƒǝl, atɩ gasana bʋto laŋ, gaɖe gasɔm paa, halɩ ganɔkʋrka kasaa akǝƒol. ¹⁰ Galaŋ na Pɔɔl alǝ ashee basaaka waa: atibaja waa, ntɩ ŋǝ waa: Atɩ gasana bʋto laŋ gatɩ go lee saratɩ abʋmbɔnɔ, Kɩ lee ayɔkɔ na nyiƒoi kanɖǝnɖǝn na, atʋ bɛrɛ gboo. ¹¹ Ama ɩsɔjashɩnʋn banɖiyar karǝŋǝ ŋgaɖee Pɔɔl ana lǝ ma na, naa naa rǝŋǝ na abʋrka na ŋyiƒoi ka kɔyar. ¹² Ɖaa ŋyiƒoi kaa ɖurgǝka gaɖe kaa cǝm ʋnyǝŋkǝrǝ ka saa na ma, na baganɔ ba wala alǝ waa: shee batǝbǝ gaɖu gaɖe ace ƒenisi kaaɖʋyiɖeka, gaɖu gaɖe galee kǝrɛɛtɩ kampa gʋnyɛsono laŋ na gʋnyɩpɛnɛ laŋ, na gajakalaŋ na gɩtǝŋshile laŋ na, gʋnyɩpɛnɛ laŋ, na gajakalaŋ na gɩtǝŋshile laŋ na, naa baɖa ŋkǝŋ ʋnyǝŋkǝrǝ kasaa. ¹³ Ŋkǝlǝ gʋnyɩsono laŋ kagʋsǝrǝ gʋ na wu ma, na babʋrkaŋyiƒoi bashee balɔ ɩja waa batɩ ba sǝra aƒǝl ace kǝrɛɛtɩ. ¹⁴ Batɔɔ na ce ma, na gʋsǝrǝɩ banayɩɖa waa: Erakɩlɔɔ ma gʋkʋɖa kagʋlɔ alam bʋto laŋ. ¹⁵ Naa apikǝl ŋyiƒoi, kɩnsǝra ŋyiɖe na, ace na gʋsaʋ gʋƒɔlɩ. ¹⁶ Na gɩtɩ ɖoo kloɖia katǝna bʋto bʋsǝrji akal ma, katǝntǝn, kusǝra gɩtǝŋǝtǝŋǝ ŋyiƒoi ace gaɖuyiɖe ka na, na nawɩya abʋmbɔnɔ. ¹⁷ Ba laa ŋyiƒoi kaŋkɩsa ma, na batɔɔ njɩ akʋr na ŋyiƒoi naa cuna asampǝna waa: Ŋyiƒoi mpaa tɩ cǝm na sirtɩ kaŋƒʋrʋkɔ na, na ba laa akuro ɩŋunii, na gʋsǝrǝ gʋƒǝl na pɩ. ¹⁸ Ɖaa gʋsǝrǝ gʋce na pɩ gaɖulɩŋka ma, gaja gakʋɖa ma, na ba laa ayɔkɔ na bǝɖa bʋto nɩ . ¹⁹ Ʋshile ʋriutaja na ba laa ayɔkɔɩ ɩsaa ma, abǝɖa na banyɛ. ²⁰ Ɖaa ʋshile tuutuuma kǝ ba ŋǝ ʋshile n'ɩŋɔrpi na ma, na gʋsǝrǝ gʋbʋmbɔnɔ gʋnaana wu na kǝ pɩ ma, na ba tamaa aɖoo waa; kǝ ba kɔɔ aƒʋra na. ²¹ Kǝ ba jɩ ʋjɩ na halɩ ɩshile gʋya. Ŋkǝŋ na Pɔɔl ata ayɩɖe bagɩcuca naa alǝ pɩ waa: ôô ambasaro maa ɩrǝŋǝ ŋgaɖee nce alǝ waa: Gɩpaa tǝbǝ kǝrɛɛtɩ naa saratɩ na asaara apaa wǝɖa atʋ na. ²² N nyǝmǝ ntɩ anyɩn ɩkashɩ baaŋa ari agʋlɔ, atʋɖǝn kaa cii na, ƒaashee ŋyiƒoi kanɖǝnɖǝn nnɩŋlee asaara. ²³ Gaja ŋgaɖee gajee amʋ, naa nnalee antǝma ma, amalaɩka aƒaŋa amʋ agʋlɔ gɩjibɔŋɔ; ²⁴ N'alǝ amʋ waa: Pɔɔl, asampǝna ɩpaa kpa akɩ na ɩsem ace sesaarɩ aŋyu, kiɖe atɩya, Gaja gaɖʋ bɛrɛɩ na pɩ ɩɖa ŋyɩƒoi nɩ ma, akanyɛ nɩ. ²⁵ Galaŋ ambasaro woo, shee ma ɩja, aɖʋwaa: Nwǝɖa na Gaja ʋcine waa: ɖaa alǝ ma,ɩtulee. ²⁶ Ama gɩtɩ gɩlii atɩkul gatǝna gaɖǝn nɩ naɩ. ²⁷ Ʋshile tǝb-nɩ-nan kagɩjɩ bɔŋɔ, gʋsǝrǝ gʋ sǝprǝsǝprǝ pɩ ace na aɖireatɩ, na batuɖaja ba lǝ gɩjɩbɔŋɔ waa: ɩɖa ɖanɖaa basǝla na gatǝna gaɖǝn ma. ²⁸ Bakǝwǝ nɖee ba na ƒaŋa na bʋto ma, na baŋa apra akoo ma; bakɔɔ akǝm ace ŋyu n'akǝʋ ɩƒaŋaka ma, naa ŋǝ apra tǝb-nɩ-nʋn. ²⁹ Baɖe batɩ cu asampǝna waa: Bapaa tɩ kal bʋto nɩ katakǝwa ɩƒɔnɔ na, na balaa arʋkɔ nɖee ɩna tǝŋǝ tǝŋǝ na ŋyiƒoi ma, ɩnan abǝɖa naa naa nyiŋǝ waa; Gaja gakʋɖa were were. ³⁰ Ŋkǝŋ na mbaɖee ba na bʋr ŋyiƒoi ma, ba na yɛɛ ba ɖoo apala ŋyiƒoi, na yɛɛ ba kǝʋ nrʋkɔ mbʋmbɔnɔ bʋto nɩ, ³¹ Ŋkǝŋ na Pɔɔl alǝ ɩsɔɔja ɩshɩnʋn banɖiyar waa na bɛrɛ baɖe kǝ ba sǝ ŋyiƒoi nɩ shɛlɛm na, kǝba ƒʋna na. ³² Ŋkǝŋ na ɩsɔɔja batǝɖǝ nrʋkɔ ntaakanayɔkɔ naa apala ŋyiƒoi nƒǝl kagʋja. ³³ Naa gaja gayekʋɖa, na Pɔɔl aɖʋ baaŋa ɩkaŋkrɩ waa: bajɩ ʋjiʋ, na lǝ pɩ waa: ʋrɔŋ ɩshile tǝb-nɩ-nan ɩnoo kama ɩrianyɩnalo kɩjɩ ʋjɩʋ na; ³⁴ Galaŋ baa ŋa ajɩ ʋjɩʋ naa ɩwǝɖa alaaƒiya aƒʋra, anyɩnʋɖǝn agʋŋʋrʋ anɖi laŋ kagʋkala aƒǝɖa na. ³⁵ Alǝ gǝŋ aboŋo ma, n'atɔɔ boɖo anyiŋǝ Gaja baŋunii baŋyu. Ŋkǝŋ na bayʋkʋr boɖo boɖo anyiŋǝ gaja baŋunii baŋyu. Ŋkǝŋ na bayʋkʋr boɖo boɖo asǝba na jɩ. ³⁶ Na baŋunii bakaŋkrǝ balɔ ajɩ ʋjɩʋ miyaʋ. ³⁷ Gɩ pa bɛrɛ awanyɩʋ nɩshiriu natǝb-nɩ-koloŋ. ³⁸ Ba ji ʋjɩʋ boŋo akun gɩshɛbɔ ma, na ba ƒaa ayɔkɔ alaa bǝɖa, abǝɖa blee teŋku nɩ. . ³⁹ Gaja gakʋɖa ma, kǝ bakɔɔ ayɔ gaɖu na; na ba ŋǝ gaɖʋ gabɔɖɔ ma, na batɔɔ niya waa: Bapiklǝ nyiƒoi nce ŋkǝŋ. ⁴⁰ Ŋkǝŋ na bakʋɖa ŋyiƒoi alam bʋtonɩ , naa kʋɖa ɩlɔ ɩŋunii naa ɖʋ ŋkuro ashee gʋsǝrǝ gʋpikǝl ŋyiƒoi ace na gaɖu yiɖeka. ⁴¹ Na ba ŋǝ gatǝna gaɖǝn cei shɩshɩnɩʋ na bace atɩ cǝwaa najɩ, ŋyiƒoi kɩŋkɔɔ na sara na, gʋsǝrǝ gǝ na wu kɩkashɩ ma, na ŋyiƒoi kaŋkǝm ɩsǝba na pi. ⁴² N'sɔja batɔɔ niya na yɛɛ bakǝ sarkabaja, naa ba paa tɩ ɖoo banyɛ aɖa bʋto acuu na. ⁴³ Ama, ɩsɔɔja ɩshɩnʋn banɖiyar a na yɛɛ aƒʋna Pɔɔl ma, na abǝla na pɩ. Na shee ganɔ mbaɖee bayɔ bʋto kʋɖaʋ ma, ba ɖa bʋto atɩ kul gatǝnalaŋ. ⁴⁴ Ɩta saa na basaka, basǝ ɩkpatakʋlaŋ kokoo ŋyiƒoi ka saʋ laŋ naa baaŋa aɖoo na nɖi.