¹ Giɖoo na nɖi abaŋo ma, na gɩ ye yɔ waa:Gatǝna gaɖe gajɩ kawaa malta. ² Na ŋkǝŋ ba cam atʋ gɩsana aƒaŋa atʋ babʋcǝma, maa abʋra ʋtonu ashee atʋ aɖʋwaa: ʋto ɖetɩ nyɩ paa, ʋnyǝkrǝ ʋɖetɩ wu. ³ Pɔɔl akulo ulakʋpi akǝʋ ntɔn ma, n'ʋbu aɖoo ɩlakʋɖe nɩ asǝ n'agʋnyɛ . ⁴ Ŋkǝŋ kǝbaja ba ŋǝ ʋbu ata sǝ na agʋnyɛ ma, na ba lǝ bawor waa: Uaƒʋ ja ɩja ʋsoro nɖǝ alee arɛbɔnɔ na, baa maa acɔɔ ɖoo nɖi ma. ⁵ Na Pɔɔl akǝpǝr ʋbu abǝɖa ntoŋ apala sǝ kɩ caa alee nɩ gaɖen na. ⁶ Na bɛrɛ baɖe ba sǝ na saa waa: kayɔ na agʋlɔ aʋtɩ gʋ fuu, kakoo aƒǝɖa acii; ama ba sǝ na saa ɩlɩŋ kǝ ba rǝŋǝ gaɖǝn na ma, na ba cǝpra na lǝ waa: Ŋde kajarɛ alee gaja jɩ. ⁷ Ʋsaro ɖǝn batɩ yɩɖa nɩ waa: Piblius, ajɩe gatǝna gaɖe gaŋunii, na acam atʋ gɩsana aƒaŋa atʋ abʋcǝwa. ⁸ Piblius yar ɖeɖa na shɛɖɛ koko n'ʋnyǝŋkrǝ; Ŋkǝŋ na Pɔɔl ace atɩ tǝr anyɛɛ nyiŋǝ ashee nɩ n'ʋshɛɖʋ ʋkaɖa . ⁹ Ŋkǝŋ na ba wala gatǝna gaɖe nɩ kǝbanyʋŋkʋja apɩ na a sul na bɩshɛɖʋ ɩkaɖa. ¹⁰ Baɖe batɩ dʋ atʋ gʋrɛ gɩshɛbɔ, gɩ na shɛʋ ma, na ba lee atʋ gʋjɔɔ, bʋkɔɩ gɩ na hɩɛ ma. ¹¹ Gɩɖa ŋkǝŋ nalɩ ɩŋɔrɔ ɩriu, kaŋkǝm, na gɩ ye tǝbǝ akpa alekɩ saɖiri, kaŋyifoi nɖa gatǝna gaɖe nɩ gʋsǝrǝ kasaa ma, nɖe ntice batɩ cere ɩshika mana. ¹² Gɩkpa sirakus ma, na gɩ yiɖe ŋkǝŋ ɩshile iriu. ¹³ Gɩɖoo ŋkǝŋ ma, na gɩ sara ʋshile ʋpǝlǝmǝ kaa sana, akpa regioo kampa nɩ, na gʋnyɩsonolaŋ kagʋsǝrǝ, gʋsǝba halɩ ɩshile ɩnyɩʋ na gɩkpa Pusɔɔl kampa nɩ, ¹⁴ Na gɩ atɩ bawor baɖǝn ŋkǝŋ na baɖʋ atʋ suru waa; Gɩɖa basul ɩshile kulumiɖǝn.kaŋkǝm na gɩtɩ kpa Room. ¹⁵ Atɩ bawor ɩ baɖa ŋkǝŋ ma, barǝŋǝ atɩŋto-gi ma, na ba pɩ atɩ wanatʋ Apiusi kagʋya nɩ gaɖuu ba na wala nyem bʋkana ma Pɔɔl aŋe pɩ ma, na akʋma Gaja-Naa akaŋkǝr agʋlɔ. ¹⁶ Gɩ kpa Room ɖe ma, na bashe Pɔɔl ganɔ waa; ataasǝra aɖa anɖǝnɖǝn na sɔja nɖee ana tʋŋa nɩ ma. ¹⁷ Ʋshile iriu kaŋkǝm na Pɔɔl ayɩɖa yuɖaa kaɖibaja; bawala ma, na atɔɔ ʋwǝlǝ alǝ waa: Ambawar basoro, kǝma lee taali ɖǝn na samaa na, kǝma saŋkɔɔ alee taalɩ ɖǝn n'atɩ baya bagʋshile na, na bari amʋ aɖʋ sarka nɩ yerusalɛm, naa tɔɔ amʋ akara Rooma kǝbaja banyɛnɩ. ¹⁸ Banɩ bataba amʋ ma, na batɔɔ niya na yɛɛ balam amʋ aɖʋwaa kǝ baŋǝ taale nɖee anaa pala ma cii ma na . ¹⁹ Na yuɖaa kǝbaja babǝla jɩ, n'ɩlee amʋ ɖoole ŋyiɖa sesaarɩ ama kɩ lee nna yɛɛ ma ciu na amasamaa na. ²⁰ Bʋkɔɩ laŋ nna yɛɛ maŋǝ anyɩn alǝ n'anyɩn ma na gǝŋ; Aɖʋwaa: Israɛl atamaa laŋ na ba ɖʋ amʋ ɩwɔrɔ amanyɛnɩ. ²¹ Na ba buye Pɔɔl waa: Atu kɩɩ ŋǝ gʋbɔ gʋɖǝn gʋɖoo na yuɖee akaalei laŋ na, n'atʋwar ɖǝn ka pɩ atɩ na lǝ akɩmbɔnɔ nɖǝn na. ²² Ama gɩtɩ yɛɛ gɩ rǝŋǝ akaanɔnɩ, ŋgaɖee ʋna ƒaŋa ma, aɖʋwaa: Gɩyɔ waa: Baa nka na aɖiini ɖe batɩ bǝla nɩ. ²³ Na ba tɩ ʋshilei ba wa, na bɛrɛ tuutuuma ba wala agaɖu? Na Pɔɔl alǝ pɩ Gaja kaayarɩ tǝna kaalei, na laa na sǝriya galei musa na annabi mana ba gʋpɔ gʋlǝ ma, na kaka pɩ yeesu agalei. Tɔɔ gajaka halɩ gɩtǝŋshile. ²⁴ Na baɖǝn ba shee ɩja, galei analǝ ma, na basaaka babǝla . ²⁵ baɖoo ŋkǝŋ ma,na ba paɖa paɖa kǝba tɩ rǝŋǝ na bawor na,ŋkǝŋ na Pɔɔl alǝ waa: Ŋŋuro nsoŋsono nwǝɖa ɩja ŋkǝlǝ annabi esayee waa: ²⁶ Kʋla ace samaa ɖe sul, n'ala nɩ waa: ɩtɩ ɖʋ gʋtɔ ama, kɩ na ŋǝ na, ɩtɩ kiɖe ama kɩ ŋǝ na. ²⁷ Aɖʋwaa: samaa ɖe agɩƒolu gɩcir; ba cǝʋ ba gɩƒolu naa siu bɩnyine, naa ba paa ti ŋǝ na bɩ nyine na, ba paa tɩ rǝŋǝ na batɔɔ na,ba paa ti tī kaashɩ aƒʋba nɖawa naa ma kaɖa bɩshɛɖʋ na. ²⁸ Yɔ ma, waa Nɖinsono kalei gaɖe gaja gatǝm na ma ashee mbaɖee kǝ ba bʋŋayɔ Gaja na ma, bani batɩ ba rǝŋǝ. ²⁹ Pɔɔl alǝ gǝŋ ma,na yuɖaa kǝbaja baƒǝl atɩ na lɔɔru na bɔbɔ na ba wor. ³⁰ Na Pɔɔl ahaya gaƒala aɖa ŋkǝŋ halɩ bʋja bʋnyɩʋ aɖe tɩ cam mbaɖee ba pɩ baŋǝ nɩ ma, gɩshɛbɔ. ³¹ Aɖɛe tɩ lee Gajakaayarɩtǝna kaalei na cere bɛrɛ bʋkɔɩ bʋ lee nɖiyar yeesu-kristo agalei ma,ƒɛɛ nawɩya ɖǝn amana.