¹ Ŋkəŋ na Agrippa alə pɔɔl wàà̀̀:<< ʊta səra alə galei ashee akʊʊ lɔ.>> pɔɔl á bɔlɔ agʊnyɛ naa acam agʊlɔ: ² gʊyà Agrippa ŋŋə aŋgʊlɔ ɖaa nɖi ŋsanŋ ka yar ma anyɩŋ yɩɩ ʊrɔŋ wàà ma lə galee ashee ɖaa ngaɖee yʊɖaa kəbaja ba paŋa na amʊ ma; ³ aɖʊ waa aki ʊlee bʊlitab ka ka yɔ ka kpata kɩɩ na nà yʊɖaa kə ba ja ba lə sʊra, galaŋ ŋtɩ nyɩŋə anyɩŋ lee ma suuru arəŋ aŋ ga lei. ⁴ Yʊɖaa kəbaja ba ŋunii bayɔ ɖaa ŋjɩ aŋ gɩ yiƒala aŋ ga təna laŋ na Yerusalɛm ma. ⁵ ba yɔ amʊ ɖoo ʊsʋbʋ nɩ na ɩsim ba yɔ alə waa ŋlee ɖaa ƒariisi ka ja ma na, ŋkulo nɖee ŋkaŋkər ata aɖiini nɩ ma. ⁶ Ŋnyəmə ŋyiɖe atɩa ba tɩ cim na amʊ ɩkəma, aɖʊ waa ŋtɩ yɛɛ alɩ ka wəlɩ nɖee Gaja galee na atəba ya ma. ⁷ aɖʊ waa nɖe na alɩkawɩli nɖee atʊ bʊŋʊma tə na banyɩʊ ba na saa waa ba cam ɖaa ba na kʊma Gaja paa gajaka na gɩjibɔŋɔ ma. ta maa ɖe laŋ na ba na Yʊɖaa kəbaja ba na paŋa na amʊ bʊlei, gʊya Agrippa. ⁸ maa kɔ laŋ na anyɩn ʊɖən kaƒaŋa lə waa Gaja gatɩ ga səra aŋənə ba kono na? ⁹ Tam ɖəŋ nɩ, ŋƒaŋa aŋ gɩlopi waa maa ɩsim wàà ma lee alə sʊra tùù tùù ma atəŋə Yeesu Naasarɛtɩ ka ja. ¹⁰ ŋlee ɩ Yerusalɛm kampa nɩ. mpɔɔ bɛrɛ mbaɖei ba wʊɖa ʊcine ma túú túú ma ŋku, na ganɔ ŋgaɖee ncam ba saara laa ja kaɖi baja sul ma, ga laŋ ba ta naa kə pɩ amʊ ŋna təŋə pɩ. ¹¹ ŋƒaŋa pɩ sananɩ akpala tùù túú ma ʊnyiŋʊ ka bʊƒala bʊŋunii nɩ, na ŋyɛɛ wàà ma lee pi ɖoo lə waa ba lə galibɔnɔ alim. ŋna cam na pɩ na ʊnya na naa naa ɖʊ pɩ sa na nɩ gɩ sana ka mpa nɩ gboo. ¹² Saa nɖee ŋna lee gəŋ ma, amʊ ŋtɩ cê ɖamas na ba saara laa ja ba ashɛ na ɖaa ba lə ma; ¹³ n'ʊshilè, Gʊyàrɩ, kʊ nyɩŋca laŋ, na ŋŋə ʊkaɖʊnɖee ʊkaɖa paa awu ʊshilè ma ʊɖuo na alaŋ, naa akaɖa asir mʊ akal na bɛrɛ mbaɖei ba ɖa na amʊ ma. ¹⁴ saa nɖee atʊ ganɔ gɩ ƒəɖa atəŋ ma ,na ŋrəŋə ʊwələ ʊɖəŋ ʊlə na mʊ bʊlei, na hɩbru ka gɩ kərə: sɔɔl, sɔɔl Maakɔ laŋ na ʊna n'aashɩɩ mʊ? ɩkaŋ kər shee akɩ wàà atʊ wa akʊkei na cim gɩ keŋpi ¹⁵ Na ŋlə wàà: aŋa na akɩ nɖi yar? na nɖi yar abuye mʊ wàà, amʊ na Yeesu nɖee ʊna naashɩɩ ma. ¹⁶ Ŋnyɩmə ta ayɩɖe akɩkei laŋ, aɖʊ wàà bʊkɔ mbʊɖee laŋ ŋƒaŋa akɩ aŋgʊlɔ ma na gəŋ wàà, ma kpeɖe akɩ alêe atəŋ lee ja, na aləsʊra nɖee ʊyɔ na mʊ nyɩmə ma ka səriya laa ja, na aləsʋra nɖee ma tɩ̂ƒaŋa akɩ ma. ¹⁷ Naa maa cam samaa na ba ya ja mbaɖee ma təm akɩ ba sul ma. ¹⁸ Naaa a cə̂ atɩ tinêe bɩ nyine, naa alâa pɩ ŋkomo, na seetaanɩ ɩkashɩ nɩ, aɖʊ Gaja k'ʊ kaɖʊ nɩ, naa ba ye ŋə ba mbɔnɔ kʊ təɖʊ acâm Gaja sul, na tiibi nɖee ma shêe bɛrɛ mbaɖei ba wʊɖa na amʊ ʊcine naa ŋlaa aƒələ ma. ¹⁹ Galaŋ Gʊyàrɩ Agrippa, kə mabəla Gaja kʊ ƒaŋʊ na; ²⁰ Ama asəba na Ɖamaasɩ kəbaja, na Yerusalɛm, na yʊɖee kɩ karà karà nɩ, apələ na ba yaja gboo, ŋlee waasu ashee pɩ wàà ba câpara ba nɖawa naa akim asəla na Gaja, naa naa lee nɖawa ŋcəpəra ka təma ɩsoŋsono. ²¹ Galaŋ na Yʊɖaa kəbaja ba ri amʊ ʊnyɩŋʋ kaaƒala nɩ naa naa yɛɛ wàà ba kə amʊ. ²² Gaja ga kaŋa na amʊ halɩ ŋnyɩmo, aɖʊ wàà ŋyiɖe alaŋ a laa səria ashee samaa kə ba pi na kə ba ŋono, ashee ɖaa galei aŋɖoba ma na na Muusa ba lə wàà ɩtɩɩ tɩ pɩ ma ; ²³ Wàà kristo asim aŋə sananɩ naa alee arɛ nɖee anaa səba aŋənə ba kono ba gɩcɩɩ ca nɩ ma na alə ʊkaɖʊ kaale ashee Yʊɖaa ka samaa, na bayoja gboo. ²⁴ Ɖaa pɔɔl aboŋo a gali lə ka ma, na Fɛstɔsi alə n'ʊwələ kaŋkəra waa:< ʊ ŋaŋtər; Akʊ yɔʊ bʊbɔnɔ ʊkara akɩ, gʊ ŋaŋtəra.>> ²⁵ Ama pɔɔl alə wàà<< kə ma ŋaŋtər na, Fɛstɔsi girma bʊbɔnɔ yar; ama n'amʊ cine na ŋna lə ɩja k'abʊ lee na gʊlʊburo ka. ²⁶ Aɖʊ wàà gʊyàrɩ ayɔ alee sʋra ɖe laŋ na ŋna lə na nɩ ƒɛɛ, aɖʊ wàà ŋyɔ wàà akɔ ɖən kɩ lugo ashee nɩ na;aɖʊ wàà kə ba lee ɩ ʊlugu nɩ na. ²⁷ Ʊwʊɖa na nɖobi ma na, ʊcine aa Gʊyà Agripa? ŋyɔ wàà ʊwʊɖa ʊcine. >> ²⁸ Na Agripa alə pɔɔl wàà:<<ʊ na yɛ̀ɛ̀ yɛ́ɛ́ wàà apala amʊ ma pəra Kristo kʊpi kpaarɩ gəŋ aa?>>. ²⁹ Na pɔɔl alə wàà << ŋtɩ nyɩŋə Gaja,wàà: baa nyɩmə na baa kɩ lee nyɩmə na, ɩpaa lêe a nyɩn ŋɖən ɖən na, ama barɛ mbəɖei ba na rəŋə a ŋgale ʊrɔŋ ma ɩɖa ɖaa amʊ ma gboo, ama ɩpaa lêe ŋku pɔɔ ka k'ɩwɔrɔ nɩ na. ³⁰ Na gʊyà a ta yiɖe, gomina na Berenisi gboo na barɛ ba ŋunii mbəɖee ba man asə ma; ³¹ sáà nɖee ba na ɖuo ʊwalʊ ka ŋku nɩ ma, ba ɖe ba tɩ lə na bawor wàà: arɛ nɖe ka lêe gʊleu ŋgʊɖei ɩsiŋ na bʊce koo ŋku pɔɔ ka ma na.>> ³² Na Agripa a lə Fɛstɔsi waa<< maa kɩ lee waa ʊsoro nɖe ayɛɛ ʊcam lam atəŋ sesar sul na maa gɩlam nɩ.>>