¹ Ƒɛsitusɩ akpa proƒɛŋsi nɩ ma, ʋshile ʋriutaja na ace sesaree na yerusalɛm. ² Ŋkǝŋ na basaraalaaja banɖiyar na baŋono ba wala ace ƒɛsɩtusɩ sul atɩ na ciu na Pɔɔl, Kǝba na yɛɛ ba ŋǝ nɩ gɩnyine na. ³ Na bapǝlapǝla nɩ waa: Apɩ na Pɔɔl Yerusalɛm naa ba ŋǝ gayɛ akǝl nɩ akǝ. ⁴ Na ƒɛsɩtusɩ alǝ pɩ waa: Pɔɔl aɖa sesaree sarka nɩ aɖe agɩlopi aɖe ataa kɔɔ ace ŋkǝŋ. ⁵ Na alǝ basaraalaaja waa: Ba laa bɛrɛ batǝr aɖe aŋkǝm ace, naa ɩta jɩ waa: ʋsoro ɖe alee mbɔnɔ nɖǝn, baciu na nɩ. ⁶ Ƒɛsɩtusɩ aɖa ŋkǝŋ ɖaa ɩshile tǝb ɖǝn ma, basul. Kaŋkǝm na ace sesaree. Gaja gakʋɖa asǝ'ɩkǝma kamboilaŋ ma,n'alǝ bapɩ na Pɔɔl. ⁷ Pɔɔl akpa ŋkǝŋ ma, na yuɖaa kǝbajaɩ baɖoo na yerusalɛm ma ba ta asǝr nɩ akal na ciu na nɩ alesʋra tuutuumaɩ kɩwǝɖa nɖi na ma. ⁸ Na Pɔɔl alǝ alaa agʋlɔ waa: Aɖe ka wǝɖa taalɩ ɖǝn na yuɖaa kǝbaja bagʋpɔ na, kawǝɖa taalɩ na ʋnyiŋu kaaƒala na, kawǝɖa taalɩ na sesarɩ na. ⁹ Ƒɛsɩtusɩ ana yɛɛ yuɖa kǝbaja bɩcine ɩkǝr ma, n'alǝ Pɔɔl ʋtɩ yɛɛ ace Yerusalɛm bacǝm n'akɩ ɩkǝma amʋŋyɩɩ aa?. ¹⁰ Na Pɔɔl alǝ waa: sesarɩ sul na nnǝ mace, ŋkǝŋ na ba cǝm n'amʋ ɩkǝma. Kǝ ma lee pɩ mbɔnɔ nɖǝn na, ɖaa akɩɩl api ʋyɔ jɩ gɩshɛbɔ ma. ¹¹ Ɩta jɩ waa: Nlee bʋkɔɩ kǝ bʋ ɖa ɖei ɖei na ma, kokoo nlee bʋkɔɩ bʋsǝm na bʋce ma, kǝ ma bǝla waa: Bakǝ amʋ ma ciina , Ama ɩta jɩ waa:bɔkɔɩ ba na ciu n'amʋ ma, kɩ lee ɩja na, ʋɖǝn amana atɔɔ amʋ ashee pɩ ma.shee ma yiɖa sesaarɩ. ¹² Ƒɛɛsitusɩ, aƒaŋa ƒaŋahi aɖe nna abakǝl ka na ma aboŋo ma, na alǝ Pɔɔl waa: Ʋtaa sǝra yɩɖa sesaarɩ ace aŋyu. ¹³ Ɩlee ɩshilee ɩnyɩʋ kaŋkǝm ma, na Gʋpayarɩ agɩrempa n'akara Berenisi bakpa sesaree basala ƒɛsitusɩ. ¹⁴ Anaa ɖa ŋkǝŋ ɩshɩlee tuutuuma ma, na ƒɛsitusɩ atɔɔ Pɔɔl agalei alǝ ashee nɩ waa: ƒeliisi apala ʋsoro ɖǝn sarka nɩ ¹⁵ Nce yerusalɛm ma, na yuɖaa kǝba saraalaaja kaɖibaja na baŋo no baɖa na ciu na ni na yɛɛ waa : Bakǝ nɩ acii. ¹⁶ Nambuye pɩ waa: kɩ lee Roma kǝ baja bagʋshile waa bakǝ arɛ acii, kǝ baŋǝ na ni gabɔnɔ gaɖǝn na, shee baɖʋ nɩ gɩcuca, naa bata naa ciu na nɩ alǝ alaa agʋlɔ alesʋraɩ laŋ ba na ciu na nɩ ma. ¹⁷ Bapɩ ma, kǝ ma pal jɩ galɩŋ na, gaja gakʋɖa nsǝ ɩkǝma, kamboi laŋ ma, na nlǝ bapɩ n'ʋsoro ɖe. ¹⁸ Ŋkǝŋ na aba ciu ka na ma, basǝba na ciu na nɩ ama kǝ baŋǝ gabɔnɔ gaɖǝn alaŋ ɖaa nna ƒaŋa ma na, ¹⁹ baɖiini kaalei jɩ baɖo na bɔbɔ na bawor, na nɖee bana yɩɖa waa: Yeesu aci ma, na Pɔɔl waa: Aŋǝnǝ ²⁰ baɖa nalɔɔrɩɩ na bawor ma, kǝbakɔ atɩ yɔ ngaɖee bari ma na, na ntaba Pɔɔl waa: Ataa ce Yerusalɛm ba cǝm nɩ nɩ ɩkǝm alesʋra ɖe laŋ aa? ²¹ Ama Pɔɔl ayɩɖa alǝ waa: ɩsǝm galei gaɖe gakpa ampɛrɛɛ sul, ŋkǝŋ na nlǝ waa: Baƒǝna aɖʋ nɩ ŋkǝŋ naa ma tǝm na nɩ ashee sesaarɩ. ²² Na agɩrɩmpa alǝ waa; Ntɩ yɛɛ ma rǝŋǝ ʋsoro ɖǝ aganɔ nɩ na ƒɛsɩtusɩ alǝ nɩ waa; Gaceŋ ʋtaarǝŋǝ ²³ Gaja gakʋɖa ma, na Agɩrɩmpa n'akar ba kpa ɩkǝma kaaɖu asǝna bɛrɛ tuntuuma bakǝmcǝmja na mpa kǝ baŋono. Na ƒɛsɩtusi ashee ganɔ bapɩ na Pɔɔl. ²⁴ Ŋkǝŋ na ƒɛsɩtusɩ alǝ waa: Gʋpayarɩ agɩrɩmpa, n'anyɩn ɩ ɩɖa atɩ ya ma, ɩyǝ ʋroro nɖe agalei ji yuɖaa kǝbaja tuutuuma ba lǝ ashee amʋ yerusalɛm, nakuro waa: kasǝm bapala nɩ aɖa ŋŋuro nɩ na. ²⁵ Amasul ŋŋǝ ma,kawǝɖa taalɩ ɖǝn bakǝnɩ acii na, agɩlopɩ gboo ayɩɖa ampɛrɛɛ, na ntɔɔ niya ma ce na nɩ ampɛrɛɛ sul. ²⁶ Kǝma ŋǝ gaɖǝn anɖilaŋ ma ŋɔn ashee apɛrɛɛ na; Galaŋ na, mpɩ na nɩ anyɩŋyu, laa laa akɩ gʋpayarɩ agɩrɩmpa, naa gɩ yɔ bʋkɔɩ gɩŋɔn ma. ²⁷ Aɖʋwaa:Ganɩ gaɖe gashee amʋ ŋkomo waa: Ba ce n'arɛ sarka nɩ kǝ bayɔ bʋkɔɩ alee ma na.